circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 דִּבְרֵי הַיָּמִים כ״א:ו׳בערך 1017 לפנה״ס

    ולוי ובנימן לא פקד בתוכם כי נתעב דבר המלך את יואב׃

  2. 1 דִּבְרֵי הַיָּמִים כ״א:ז׳בערך 1017 לפנה״ס

    וירע בעיני האלהים על הדבר הזה ויך את ישראל׃

  3. 1 דִּבְרֵי הַיָּמִים כ״א:ח׳בערך 1017 לפנה״ס

    ויאמר דויד אל האלהים חטאתי מאד אשר עשיתי את הדבר הזה ועתה העבר נא את עוון עבדך כי נסכלתי מאד׃

  4. 1 דִּבְרֵי הַיָּמִים כ״א:ט׳בערך 1017 לפנה״ס

    וידבר יהוה אל גד חזה דויד לאמר׃

  5. 1 דִּבְרֵי הַיָּמִים כ״א:י׳בערך 1017 לפנה״ס

    לך ודברת אל דויד לאמר כה אמר יהוה שלוש אני נטה עליך בחר לך אחת מהנה ואעשה לך׃

  6. 1 דִּבְרֵי הַיָּמִים כ״א:י״אבערך 1017 לפנה״ס

    ויבא גד אל דויד ויאמר לו כה אמר יהוה קבל לך׃

  7. 1 דִּבְרֵי הַיָּמִים כ״א:י״בבערך 1017 לפנה״ס

    אם שלוש שנים רעב ואם שלשה חדשים נספה מפני צריך וחרב אויבך למשגת ואם שלשת ימים חרב יהוה ודבר בארץ ומלאך יהוה משחית בכל גבול ישראל ועתה ראה מה אשיב את שלחי דבר׃

  8. 1 דִּבְרֵי הַיָּמִים כ״א:י״גבערך 1017 לפנה״ס

    ויאמר דויד אל גד צר לי מאד אפלה נא ביד יהוה כי רבים רחמיו מאד וביד אדם אל אפל׃

  9. 1 דִּבְרֵי הַיָּמִים כ״א:י״דבערך 1017 לפנה״ס

    ויתן יהוה דבר בישראל ויפל מישראל שבעים אלף איש׃

  10. 1 דִּבְרֵי הַיָּמִים כ״א:ט״ובערך 1017 לפנה״ס

    וישלח האלהים מלאך לירושלם להשחיתה וכהשחית ראה יהוה וינחם על הרעה ויאמר למלאך המשחית רב עתה הרף ידך ומלאך יהוה עמד עם גרן ארנן היבוסי׃

  11. 1 דִּבְרֵי הַיָּמִים כ״א:ט״זבערך 1017 לפנה״ס

    וישא דויד את עיניו וירא את מלאך יהוה עמד בין הארץ ובין השמים וחרבו שלופה בידו נטויה על ירושלם ויפל דויד והזקנים מכסים בשקים על פניהם׃

  12. 1 דִּבְרֵי הַיָּמִים כ״א:י״זבערך 1017 לפנה״ס

    ויאמר דויד אל האלהים הלא אני אמרתי למנות בעם ואני הוא אשר חטאתי והרע הרעותי ואלה הצאן מה עשו יהוה אלהי תהי נא ידך בי ובבית אבי ובעמך לא למגפה׃

  13. 1 דִּבְרֵי הַיָּמִים כ״א:י״חבערך 1017 לפנה״ס

    ומלאך יהוה אמר אל גד לאמר לדויד כי יעלה דויד להקים מזבח ליהוה בגרן ארנן היבסי׃

  14. 1 דִּבְרֵי הַיָּמִים כ״א:י״טבערך 1017 לפנה״ס

    ויעל דויד בדבר גד אשר דבר בשם יהוה׃

  15. 1 דִּבְרֵי הַיָּמִים כ״א:כ׳בערך 1017 לפנה״ס

    וישב ארנן וירא את המלאך וארבעת בניו עמו מתחבאים וארנן דש חטים׃

  16. 1 דִּבְרֵי הַיָּמִים כ״א:כ״אבערך 1017 לפנה״ס

    ויבא דויד עד ארנן ויבט ארנן וירא את דויד ויצא מן הגרן וישתחו לדויד אפים ארצה׃

  17. 1 דִּבְרֵי הַיָּמִים כ״א:כ״בבערך 1017 לפנה״ס

    ויאמר דויד אל ארנן תנה לי מקום הגרן ואבנה בו מזבח ליהוה בכסף מלא תנהו לי ותעצר המגפה מעל העם׃

  18. 1 דִּבְרֵי הַיָּמִים כ״א:כ״גבערך 1017 לפנה״ס

    ויאמר ארנן אל דויד קח לך ויעש אדני המלך הטוב בעיניו ראה נתתי הבקר לעלות והמורגים לעצים והחטים למנחה הכל נתתי׃

  19. 1 דִּבְרֵי הַיָּמִים כ״א:כ״דבערך 1017 לפנה״ס

    ויאמר המלך דויד לארנן לא כי קנה אקנה בכסף מלא כי לא אשא אשר לך ליהוה והעלות עולה חנם׃

  20. 1 דִּבְרֵי הַיָּמִים כ״א:כ״הבערך 1017 לפנה״ס

    ויתן דויד לארנן במקום שקלי זהב משקל שש מאות׃

  21. 1 דִּבְרֵי הַיָּמִים כ״א:כ״ובערך 1017 לפנה״ס

    ויבן שם דויד מזבח ליהוה ויעל עלות ושלמים ויקרא אל יהוה ויענהו באש מן השמים על מזבח העלה׃

  22. 1 דִּבְרֵי הַיָּמִים כ״א:כ״זבערך 1017 לפנה״ס

    ויאמר יהוה למלאך וישב חרבו אל נדנה׃

  23. 1 דִּבְרֵי הַיָּמִים כ״א:כ״חבערך 1017 לפנה״ס

    בעת ההיא בראות דויד כי ענהו יהוה בגרן ארנן היבוסי ויזבח שם׃

  24. 1 דִּבְרֵי הַיָּמִים כ״א:כ״טבערך 1017 לפנה״ס

    ומשכן יהוה אשר עשה משה במדבר ומזבח העולה בעת ההיא בבמה בגבעון׃

  25. 1 דִּבְרֵי הַיָּמִים כ״א:ל׳בערך 1017 לפנה״ס

    ולא יכל דויד ללכת לפניו לדרש אלהים כי נבעת מפני חרב מלאך יהוה׃