circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 דִּבְרֵי הַיָּמִים כ״ב:א׳בערך 1017 לפנה״ס

    ¶ ויאמר דויד זה הוא בית יהוה האלהים וזה מזבח לעלה לישראל׃

  2. 1 דִּבְרֵי הַיָּמִים כ״ב:ב׳בערך 1017 לפנה״ס

    ויאמר דויד לכנוס את הגרים אשר בארץ ישראל ויעמד חצבים לחצוב אבני גזית לבנות בית האלהים׃

  3. 1 דִּבְרֵי הַיָּמִים כ״ב:ג׳בערך 1017 לפנה״ס

    וברזל לרב למסמרים לדלתות השערים ולמחברות הכין דויד ונחשת לרב אין משקל׃

  4. 1 דִּבְרֵי הַיָּמִים כ״ב:ד׳בערך 1017 לפנה״ס

    ועצי ארזים לאין מספר כי הביאו הצידנים והצרים עצי ארזים לרב לדויד׃

  5. 1 דִּבְרֵי הַיָּמִים כ״ב:ה׳בערך 1017 לפנה״ס

    ויאמר דויד שלמה בני נער ורך והבית לבנות ליהוה להגדיל למעלה לשם ולתפארת לכל הארצות אכינה נא לו ויכן דויד לרב לפני מותו׃

  6. 1 דִּבְרֵי הַיָּמִים כ״ב:ו׳בערך 1017 לפנה״ס

    ויקרא לשלמה בנו ויצוהו לבנות בית ליהוה אלהי ישראל׃

  7. 1 דִּבְרֵי הַיָּמִים כ״ב:ז׳בערך 1017 לפנה״ס

    ויאמר דויד לשלמה בנו אני היה עם לבבי לבנות בית לשם יהוה אלהי׃

  8. 1 דִּבְרֵי הַיָּמִים כ״ב:ח׳בערך 1017 לפנה״ס

    ויהי עלי דבר יהוה לאמר דם לרב שפכת ומלחמות גדלות עשית לא תבנה בית לשמי כי דמים רבים שפכת ארצה לפני׃

  9. 1 דִּבְרֵי הַיָּמִים כ״ב:ט׳בערך 1017 לפנה״ס

    הנה בן נולד לך הוא יהיה איש מנוחה והנחותי לו מכל אויביו מסביב כי שלמה יהיה שמו ושלום ושקט אתן על ישראל בימיו׃

  10. 1 דִּבְרֵי הַיָּמִים כ״ב:י׳בערך 1017 לפנה״ס

    הוא יבנה בית לשמי והוא יהיה לי לבן ואני לו לאב והכינותי כסא מלכותו על ישראל עד עולם׃

  11. 1 דִּבְרֵי הַיָּמִים כ״ב:י״אבערך 1017 לפנה״ס

    עתה בני יהי יהוה עמך והצלחת ובנית בית יהוה אלהיך כאשר דבר עליך׃

  12. 1 דִּבְרֵי הַיָּמִים כ״ב:י״בבערך 1017 לפנה״ס

    אך יתן לך יהוה שכל ובינה ויצוך על ישראל ולשמור את תורת יהוה אלהיך׃

  13. 1 דִּבְרֵי הַיָּמִים כ״ב:י״גבערך 1017 לפנה״ס

    אז תצליח אם תשמור לעשות את החקים ואת המשפטים אשר צוה יהוה את משה על ישראל חזק ואמץ אל תירא ואל תחת׃

  14. 1 דִּבְרֵי הַיָּמִים כ״ב:י״דבערך 1017 לפנה״ס

    והנה בעניי הכינותי לבית יהוה זהב ככרים מאה אלף וכסף אלף אלפים ככרים ולנחשת ולברזל אין משקל כי לרב היה ועצים ואבנים הכינותי ועליהם תוסיף׃

  15. 1 דִּבְרֵי הַיָּמִים כ״ב:ט״ובערך 1017 לפנה״ס

    ועמך לרב עשי מלאכה חצבים וחרשי אבן ועץ וכל חכם בכל מלאכה׃

  16. 1 דִּבְרֵי הַיָּמִים כ״ב:ט״זבערך 1017 לפנה״ס

    לזהב לכסף ולנחשת ולברזל אין מספר קום ועשה ויהי יהוה עמך׃

  17. 1 דִּבְרֵי הַיָּמִים כ״ב:י״זבערך 1017 לפנה״ס

    ויצו דויד לכל שרי ישראל לעזר לשלמה בנו׃

  18. 1 דִּבְרֵי הַיָּמִים כ״ב:י״חבערך 1017 לפנה״ס

    הלא יהוה אלהיכם עמכם והניח לכם מסביב כי נתן בידי את ישבי הארץ ונכבשה הארץ לפני יהוה ולפני עמו׃

  19. 1 דִּבְרֵי הַיָּמִים כ״ב:י״טבערך 1017 לפנה״ס

    עתה תנו לבבכם ונפשכם לדרוש ליהוה אלהיכם וקומו ובנו את מקדש יהוה האלהים להביא את ארון ברית יהוה וכלי קדש האלהים לבית הנבנה לשם יהוה׃

  20. 1 דִּבְרֵי הַיָּמִים כ״ג:א׳בערך 1015 לפנה״ס

    ¶ ודויד זקן ושבע ימים וימלך את שלמה בנו על ישראל׃

  21. 1 דִּבְרֵי הַיָּמִים כ״ג:ב׳בערך 1015 לפנה״ס

    ויאסף את כל שרי ישראל והכהנים והלוים׃

  22. 1 דִּבְרֵי הַיָּמִים כ״ג:ג׳בערך 1015 לפנה״ס

    ויספרו הלוים מבן שלשים שנה ומעלה ויהי מספרם לגלגלתם לגברים שלשים ושמונה אלף׃

  23. 1 דִּבְרֵי הַיָּמִים כ״ג:ד׳בערך 1015 לפנה״ס

    מאלה לנצח על מלאכת בית יהוה עשרים וארבעה אלף ושטרים ושפטים ששת אלפים׃

  24. 1 דִּבְרֵי הַיָּמִים כ״ג:ה׳בערך 1015 לפנה״ס

    וארבעת אלפים שערים וארבעת אלפים מהללים ליהוה בכלים אשר עשיתי להלל׃

  25. 1 דִּבְרֵי הַיָּמִים כ״ג:ו׳בערך 1015 לפנה״ס

    ויחלקם דויד מחלקות לבני לוי לגרשון קהת ומררי׃