circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים ט״ו:כ״זבערך תשנ״ט לפנה״ס

    בשנת חמשים ושתים שנה לעזריה מלך יהודה מלך פקח בן רמליהו על ישראל בשמרון עשרים שנה׃

  2. 2 מְלָכִים ט״ו:כ״חבערך תשנ״ט לפנה״ס

    ויעש הרע בעיני יהוה לא סר מן חטאות ירבעם בן נבט אשר החטיא את ישראל׃

  3. 2 מְלָכִים ט״ו:כ״טבערך תשנ״ט לפנה״ס

    בימי פקח מלך ישראל בא תגלת פלאסר מלך אשור ויקח את עיון ואת אבל בית מעכה ואת ינוח ואת קדש ואת חצור ואת הגלעד ואת הגלילה כל ארץ נפתלי ויגלם אשורה׃

  4. 2 מְלָכִים ט״ו:ל׳בערך תשל״ט לפנה״ס

    ויקשר קשר הושע בן אלה על פקח בן רמליהו ויכהו וימיתהו וימלך תחתיו בשנת עשרים ליותם בן עזיה׃

  5. 2 מְלָכִים ט״ו:ל״אבערך תשל״ט לפנה״ס

    ויתר דברי פקח וכל אשר עשה הנם כתובים על ספר דברי הימים למלכי ישראל׃

  6. 2 מְלָכִים ט״ו:ל״בבערך תשנ״ח לפנה״ס

    בשנת שתים לפקח בן רמליהו מלך ישראל מלך יותם בן עזיהו מלך יהודה׃

  7. 2 מְלָכִים ט״ו:ל״גבערך תשנ״ח לפנה״ס

    בן עשרים וחמש שנה היה במלכו ושש עשרה שנה מלך בירושלם ושם אמו ירושא בת צדוק׃

  8. 2 מְלָכִים ט״ו:ל״דבערך תשנ״ח לפנה״ס

    ויעש הישר בעיני יהוה ככל אשר עשה עזיהו אביו עשה׃

  9. 2 מְלָכִים ט״ו:ל״הבערך תשנ״ח לפנה״ס

    רק הבמות לא סרו עוד העם מזבחים ומקטרים בבמות הוא בנה את שער בית יהוה העליון׃

  10. 2 מְלָכִים ט״ו:ל״ובערך תשנ״ח לפנה״ס

    ויתר דברי יותם אשר עשה הלא הם כתובים על ספר דברי הימים למלכי יהודה׃

  11. 2 מְלָכִים ט״ו:ל״זבערך תשמ״ב לפנה״ס

    בימים ההם החל יהוה להשליח ביהודה רצין מלך ארם ואת פקח בן רמליהו׃

  12. 2 מְלָכִים ט״ו:ל״חבערך תשמ״ב לפנה״ס

    וישכב יותם עם אבתיו ויקבר עם אבתיו בעיר דוד אביו וימלך אחז בנו תחתיו׃

  13. 2 מְלָכִים ט״ז:א׳

    ¶ בשנת שבע עשרה שנה לפקח בן רמליהו מלך אחז בן יותם מלך יהודה׃

  14. 2 מְלָכִים ט״ז:ב׳

    בן עשרים שנה אחז במלכו ושש עשרה שנה מלך בירושלם ולא עשה הישר בעיני יהוה אלהיו כדוד אביו׃

  15. 2 מְלָכִים ט״ז:ג׳

    וילך בדרך מלכי ישראל וגם את בנו העביר באש כתעבות הגוים אשר הוריש יהוה אתם מפני בני ישראל׃

  16. 2 מְלָכִים ט״ז:ד׳

    ויזבח ויקטר בבמות ועל הגבעות ותחת כל עץ רענן׃

  17. 2 מְלָכִים ט״ז:ה׳בערך תשמ״ב לפנה״ס

    אז יעלה רצין מלך ארם ופקח בן רמליהו מלך ישראל ירושלם למלחמה ויצרו על אחז ולא יכלו להלחם׃

  18. 2 מְלָכִים ט״ז:ו׳בערך תשמ״ב לפנה״ס

    בעת ההיא השיב רצין מלך ארם את אילת לארם וינשל את היהודים מאילות וארמים באו אילת וישבו שם עד היום הזה׃

  19. 2 מְלָכִים ט״ז:ז׳בערך תשמ״ב לפנה״ס

    וישלח אחז מלאכים אל תגלת פלסר מלך אשור לאמר עבדך ובנך אני עלה והושעני מכף מלך ארם ומכף מלך ישראל הקומים עלי׃

  20. 2 מְלָכִים ט״ז:ח׳בערך תשמ״ב לפנה״ס

    ויקח אחז את הכסף ואת הזהב הנמצא בית יהוה ובאצרות בית המלך וישלח למלך אשור שחד׃

  21. 2 מְלָכִים ט״ז:ט׳בערך תש״מ לפנה״ס

    וישמע אליו מלך אשור ויעל מלך אשור אל דמשק ויתפשה ויגלה קירה ואת רצין המית׃

  22. 2 מְלָכִים ט״ז:י׳בערך תש״מ לפנה״ס

    וילך המלך אחז לקראת תגלת פלאסר מלך אשור דומשק וירא את המזבח אשר בדמשק וישלח המלך אחז אל אוריה הכהן את דמות המזבח ואת תבניתו לכל מעשהו׃

  23. 2 מְלָכִים ט״ז:י״אבערך תש״מ לפנה״ס

    ויבן אוריה הכהן את המזבח ככל אשר שלח המלך אחז מדמשק כן עשה אוריה הכהן עד בוא המלך אחז מדמשק׃

  24. 2 מְלָכִים ט״ז:י״בבערך תש״מ לפנה״ס

    ויבא המלך מדמשק וירא המלך את המזבח ויקרב המלך על המזבח ויעל עליו׃

  25. 2 מְלָכִים ט״ז:י״גבערך תש״מ לפנה״ס

    ויקטר את עלתו ואת מנחתו ויסך את נסכו ויזרק את דם השלמים אשר לו על המזבח׃