circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים י״ד:ו׳בערך תתל״ח לפנה״ס

    ואת בני המכים לא המית ככתוב בספר תורת משה אשר צוה יהוה לאמר לא יומתו אבות על בנים ובנים לא יומתו על אבות כי אם איש בחטאו ימות׃

  2. 2 מְלָכִים י״ד:ז׳בערך תתכ״ז לפנה״ס

    הוא הכה את אדום בגיא המלח עשרת אלפים ותפש את הסלע במלחמה ויקרא את שמה יקתאל עד היום הזה׃

  3. 2 מְלָכִים י״ד:ח׳בערך תתכ״ו לפנה״ס

    אז שלח אמציה מלאכים אל יהואש בן יהואחז בן יהוא מלך ישראל לאמר לכה נתראה פנים׃

  4. 2 מְלָכִים י״ד:ט׳בערך תתכ״ו לפנה״ס

    וישלח יהואש מלך ישראל אל אמציהו מלך יהודה לאמר החוח אשר בלבנון שלח אל הארז אשר בלבנון לאמר תנה את בתך לבני לאשה ותעבר חית השדה אשר בלבנון ותרמס את החוח׃

  5. 2 מְלָכִים י״ד:י׳בערך תתכ״ו לפנה״ס

    הכה הכית את אדום ונשאך לבך הכבד ושב בביתך ולמה תתגרה ברעה ונפלתה אתה ויהודה עמך׃

  6. 2 מְלָכִים י״ד:י״אבערך תתכ״ו לפנה״ס

    ולא שמע אמציהו ויעל יהואש מלך ישראל ויתראו פנים הוא ואמציהו מלך יהודה בבית שמש אשר ליהודה׃

  7. 2 מְלָכִים י״ד:י״בבערך תתכ״ו לפנה״ס

    וינגף יהודה לפני ישראל וינסו איש לאהלו׃

  8. 2 מְלָכִים י״ד:י״גבערך תתכ״ו לפנה״ס

    ואת אמציהו מלך יהודה בן יהואש בן אחזיהו תפש יהואש מלך ישראל בבית שמש ויבאו ירושלם ויפרץ בחומת ירושלם בשער אפרים עד שער הפנה ארבע מאות אמה׃

  9. 2 מְלָכִים י״ד:י״דבערך תתכ״ו לפנה״ס

    ולקח את כל הזהב והכסף ואת כל הכלים הנמצאים בית יהוה ובאצרות בית המלך ואת בני התערבות וישב שמרונה׃

  10. 2 מְלָכִים י״ד:ט״ובערך תתמ״א לפנה״ס

    ויתר דברי יהואש אשר עשה וגבורתו ואשר נלחם עם אמציהו מלך יהודה הלא הם כתובים על ספר דברי הימים למלכי ישראל׃

  11. 2 מְלָכִים י״ד:ט״זבערך תתכ״ה לפנה״ס

    וישכב יהואש עם אבתיו ויקבר בשמרון עם מלכי ישראל וימלך ירבעם בנו תחתיו׃

  12. 2 מְלָכִים י״ד:י״זבערך תתכ״ה לפנה״ס

    ויחי אמציהו בן יואש מלך יהודה אחרי מות יהואש בן יהואחז מלך ישראל חמש עשרה שנה׃

  13. 2 מְלָכִים י״ד:י״חבערך תתכ״ה לפנה״ס

    ויתר דברי אמציהו הלא הם כתובים על ספר דברי הימים למלכי יהודה׃

  14. 2 מְלָכִים י״ד:י״טבערך תת״י לפנה״ס

    ויקשרו עליו קשר בירושלם וינס לכישה וישלחו אחריו לכישה וימתהו שם׃

  15. 2 מְלָכִים י״ד:כ׳בערך תת״י לפנה״ס

    וישאו אתו על הסוסים ויקבר בירושלם עם אבתיו בעיר דוד׃

  16. 2 מְלָכִים י״ד:כ״אבערך תת״י לפנה״ס

    ויקחו כל עם יהודה את עזריה והוא בן שש עשרה שנה וימלכו אתו תחת אביו אמציהו׃

  17. 2 מְלָכִים י״ד:כ״בבערך תת״י לפנה״ס

    הוא בנה את אילת וישבה ליהודה אחרי שכב המלך עם אבתיו׃

  18. 2 מְלָכִים י״ד:כ״גבערך תתכ״ה לפנה״ס

    בשנת חמש עשרה שנה לאמציהו בן יואש מלך יהודה מלך ירבעם בן יואש מלך ישראל בשמרון ארבעים ואחת שנה׃

  19. 2 מְלָכִים י״ד:כ״דבערך תתכ״ה לפנה״ס

    ויעש הרע בעיני יהוה לא סר מכל חטאות ירבעם בן נבט אשר החטיא את ישראל׃

  20. 2 מְלָכִים י״ד:כ״הבערך תתכ״ה לפנה״ס

    הוא השיב את גבול ישראל מלבוא חמת עד ים הערבה כדבר יהוה אלהי ישראל אשר דבר ביד עבדו יונה בן אמתי הנביא אשר מגת החפר׃

  21. 2 מְלָכִים י״ד:כ״ובערך תתכ״ה לפנה״ס

    כי ראה יהוה את עני ישראל מרה מאד ואפס עצור ואפס עזוב ואין עזר לישראל׃

  22. 2 מְלָכִים י״ד:כ״זבערך תתכ״ה לפנה״ס

    ולא דבר יהוה למחות את שם ישראל מתחת השמים ויושיעם ביד ירבעם בן יואש׃

  23. 2 מְלָכִים י״ד:כ״חבערך תתכ״ה לפנה״ס

    ויתר דברי ירבעם וכל אשר עשה וגבורתו אשר נלחם ואשר השיב את דמשק ואת חמת ליהודה בישראל הלא הם כתובים על ספר דברי הימים למלכי ישראל׃

  24. 2 מְלָכִים י״ד:כ״טבערך תשפ״ד לפנה״ס

    וישכב ירבעם עם אבתיו עם מלכי ישראל וימלך זכריה בנו תחתיו׃

  25. 2 מְלָכִים ט״ו:א׳בערך תת״י לפנה״ס

    ¶ בשנת עשרים ושבע שנה לירבעם מלך ישראל מלך עזריה בן אמציה מלך יהודה׃