circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים י״ג:ו׳בערך תתנ״ו לפנה״ס

    אך לא סרו מחטאות בית ירבעם אשר החטי את ישראל בה הלך וגם האשרה עמדה בשמרון׃

  2. 2 מְלָכִים י״ג:ז׳בערך תתנ״ו לפנה״ס

    כי לא השאיר ליהואחז עם כי אם חמשים פרשים ועשרה רכב ועשרת אלפים רגלי כי אבדם מלך ארם וישמם כעפר לדש׃

  3. 2 מְלָכִים י״ג:ח׳בערך תתנ״ו לפנה״ס

    ויתר דברי יהואחז וכל אשר עשה וגבורתו הלוא הם כתובים על ספר דברי הימים למלכי ישראל׃

  4. 2 מְלָכִים י״ג:ט׳בערך תתל״ט לפנה״ס

    וישכב יהואחז עם אבתיו ויקברהו בשמרון וימלך יואש בנו תחתיו׃

  5. 2 מְלָכִים י״ג:י׳בערך תתל״ט לפנה״ס

    בשנת שלשים ושבע שנה ליואש מלך יהודה מלך יהואש בן יהואחז על ישראל בשמרון שש עשרה שנה׃

  6. 2 מְלָכִים י״ג:י״אבערך תתל״ט לפנה״ס

    ויעשה הרע בעיני יהוה לא סר מכל חטאות ירבעם בן נבט אשר החטיא את ישראל בה הלך׃

  7. 2 מְלָכִים י״ג:י״בבערך תתמ״א לפנה״ס

    ויתר דברי יואש וכל אשר עשה וגבורתו אשר נלחם עם אמציה מלך יהודה הלוא הם כתובים על ספר דברי הימים למלכי ישראל׃

  8. 2 מְלָכִים י״ג:י״גבערך תתמ״א לפנה״ס

    וישכב יואש עם אבתיו וירבעם ישב על כסאו ויקבר יואש בשמרון עם מלכי ישראל׃

  9. 2 מְלָכִים י״ג:י״דבערך תתל״ח לפנה״ס

    ואלישע חלה את חליו אשר ימות בו וירד אליו יואש מלך ישראל ויבך על פניו ויאמר אבי אבי רכב ישראל ופרשיו׃

  10. 2 מְלָכִים י״ג:ט״ובערך תתל״ח לפנה״ס

    ויאמר לו אלישע קח קשת וחצים ויקח אליו קשת וחצים׃

  11. 2 מְלָכִים י״ג:ט״זבערך תתל״ח לפנה״ס

    ויאמר למלך ישראל הרכב ידך על הקשת וירכב ידו וישם אלישע ידיו על ידי המלך׃

  12. 2 מְלָכִים י״ג:י״זבערך תתל״ח לפנה״ס

    ויאמר פתח החלון קדמה ויפתח ויאמר אלישע ירה ויור ויאמר חץ תשועה ליהוה וחץ תשועה בארם והכית את ארם באפק עד כלה׃

  13. 2 מְלָכִים י״ג:י״חבערך תתל״ח לפנה״ס

    ויאמר קח החצים ויקח ויאמר למלך ישראל הך ארצה ויך שלש פעמים ויעמד׃

  14. 2 מְלָכִים י״ג:י״טבערך תתל״ח לפנה״ס

    ויקצף עליו איש האלהים ויאמר להכות חמש או שש פעמים אז הכית את ארם עד כלה ועתה שלש פעמים תכה את ארם׃

  15. 2 מְלָכִים י״ג:כ׳בערך תתל״ז לפנה״ס

    וימת אלישע ויקברהו וגדודי מואב יבאו בארץ בא שנה׃

  16. 2 מְלָכִים י״ג:כ״אבערך תתל״ז לפנה״ס

    ויהי הם קברים איש והנה ראו את הגדוד וישליכו את האיש בקבר אלישע וילך ויגע האיש בעצמות אלישע ויחי ויקם על רגליו׃

  17. 2 מְלָכִים י״ג:כ״בבערך תתנ״ו לפנה״ס

    וחזאל מלך ארם לחץ את ישראל כל ימי יהואחז׃

  18. 2 מְלָכִים י״ג:כ״גבערך תתנ״ו לפנה״ס

    ויחן יהוה אתם וירחמם ויפן אליהם למען בריתו את אברהם יצחק ויעקב ולא אבה השחיתם ולא השליכם מעל פניו עד עתה׃

  19. 2 מְלָכִים י״ג:כ״דבערך תתנ״ו לפנה״ס

    וימת חזאל מלך ארם וימלך בן הדד בנו תחתיו׃

  20. 2 מְלָכִים י״ג:כ״הבערך תתל״ו לפנה״ס

    וישב יהואש בן יהואחז ויקח את הערים מיד בן הדד בן חזאל אשר לקח מיד יהואחז אביו במלחמה שלש פעמים הכהו יואש וישב את ערי ישראל׃

  21. 2 מְלָכִים י״ד:א׳בערך תתל״ט לפנה״ס

    ¶ בשנת שתים ליואש בן יואחז מלך ישראל מלך אמציהו בן יואש מלך יהודה׃

  22. 2 מְלָכִים י״ד:ב׳בערך תתל״ט לפנה״ס

    בן עשרים וחמש שנה היה במלכו ועשרים ותשע שנה מלך בירושלם ושם אמו יהועדין מן ירושלם׃

  23. 2 מְלָכִים י״ד:ג׳בערך תתל״ט לפנה״ס

    ויעש הישר בעיני יהוה רק לא כדוד אביו ככל אשר עשה יואש אביו עשה׃

  24. 2 מְלָכִים י״ד:ד׳בערך תתל״ט לפנה״ס

    רק הבמות לא סרו עוד העם מזבחים ומקטרים בבמות׃

  25. 2 מְלָכִים י״ד:ה׳בערך תתל״ח לפנה״ס

    ויהי כאשר חזקה הממלכה בידו ויך את עבדיו המכים את המלך אביו׃