circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים י׳:ל״דבערך תתפ״ד לפנה״ס

    ויתר דברי יהוא וכל אשר עשה וכל גבורתו הלוא הם כתובים על ספר דברי הימים למלכי ישראל׃

  2. 2 מְלָכִים י׳:ל״הבערך תתנ״ו לפנה״ס

    וישכב יהוא עם אבתיו ויקברו אתו בשמרון וימלך יהואחז בנו תחתיו׃

  3. 2 מְלָכִים י׳:ל״ובערך תתנ״ו לפנה״ס

    והימים אשר מלך יהוא על ישראל עשרים ושמנה שנה בשמרון׃

  4. 2 מְלָכִים י״א:א׳בערך תתפ״ד לפנה״ס

    ¶ ועתליה אם אחזיהו וראתה כי מת בנה ותקם ותאבד את כל זרע הממלכה׃

  5. 2 מְלָכִים י״א:ב׳בערך תתפ״ד לפנה״ס

    ותקח יהושבע בת המלך יורם אחות אחזיהו את יואש בן אחזיה ותגנב אתו מתוך בני המלך הממותתים אתו ואת מינקתו בחדר המטות ויסתרו אתו מפני עתליהו ולא הומת׃

  6. 2 מְלָכִים י״א:ג׳בערך תתפ״ד לפנה״ס

    ויהי אתה בית יהוה מתחבא שש שנים ועתליה מלכת על הארץ׃

  7. 2 מְלָכִים י״א:ד׳בערך תתע״ח לפנה״ס

    ובשנה השביעית שלח יהוידע ויקח את שרי המאיות לכרי ולרצים ויבא אתם אליו בית יהוה ויכרת להם ברית וישבע אתם בבית יהוה וירא אתם את בן המלך׃

  8. 2 מְלָכִים י״א:ה׳בערך תתע״ח לפנה״ס

    ויצום לאמר זה הדבר אשר תעשון השלשית מכם באי השבת ושמרי משמרת בית המלך׃

  9. 2 מְלָכִים י״א:ו׳בערך תתע״ח לפנה״ס

    והשלשית בשער סור והשלשית בשער אחר הרצים ושמרתם את משמרת הבית מסח׃

  10. 2 מְלָכִים י״א:ז׳בערך תתע״ח לפנה״ס

    ושתי הידות בכם כל יצאי השבת ושמרו את משמרת בית יהוה אל המלך׃

  11. 2 מְלָכִים י״א:ח׳בערך תתע״ח לפנה״ס

    והקפתם על המלך סביב איש וכליו בידו והבא אל השדרות יומת והיו את המלך בצאתו ובבאו׃

  12. 2 מְלָכִים י״א:ט׳בערך תתע״ח לפנה״ס

    ויעשו שרי המאיות ככל אשר צוה יהוידע הכהן ויקחו איש את אנשיו באי השבת עם יצאי השבת ויבאו אל יהוידע הכהן׃

  13. 2 מְלָכִים י״א:י׳בערך תתע״ח לפנה״ס

    ויתן הכהן לשרי המאיות את החנית ואת השלטים אשר למלך דוד אשר בבית יהוה׃

  14. 2 מְלָכִים י״א:י״אבערך תתע״ח לפנה״ס

    ויעמדו הרצים איש וכליו בידו מכתף הבית הימנית עד כתף הבית השמאלית למזבח ולבית על המלך סביב׃

  15. 2 מְלָכִים י״א:י״בבערך תתע״ח לפנה״ס

    ויוצא את בן המלך ויתן עליו את הנזר ואת העדות וימלכו אתו וימשחהו ויכו כף ויאמרו יחי המלך׃

  16. 2 מְלָכִים י״א:י״גבערך תתע״ח לפנה״ס

    ותשמע עתליה את קול הרצין העם ותבא אל העם בית יהוה׃

  17. 2 מְלָכִים י״א:י״דבערך תתע״ח לפנה״ס

    ותרא והנה המלך עמד על העמוד כמשפט והשרים והחצצרות אל המלך וכל עם הארץ שמח ותקע בחצצרות ותקרע עתליה את בגדיה ותקרא קשר קשר׃

  18. 2 מְלָכִים י״א:ט״ובערך תתע״ח לפנה״ס

    ויצו יהוידע הכהן את שרי המאיות פקדי החיל ויאמר אליהם הוציאו אתה אל מבית לשדרת והבא אחריה המת בחרב כי אמר הכהן אל תומת בית יהוה׃

  19. 2 מְלָכִים י״א:ט״זבערך תתע״ח לפנה״ס

    וישמו לה ידים ותבוא דרך מבוא הסוסים בית המלך ותומת שם׃

  20. 2 מְלָכִים י״א:י״זבערך תתע״ח לפנה״ס

    ויכרת יהוידע את הברית בין יהוה ובין המלך ובין העם להיות לעם ליהוה ובין המלך ובין העם׃

  21. 2 מְלָכִים י״א:י״חבערך תתע״ח לפנה״ס

    ויבאו כל עם הארץ בית הבעל ויתצהו את מזבחתו ואת צלמיו שברו היטב ואת מתן כהן הבעל הרגו לפני המזבחות וישם הכהן פקדות על בית יהוה׃

  22. 2 מְלָכִים י״א:י״טבערך תתע״ח לפנה״ס

    ויקח את שרי המאות ואת הכרי ואת הרצים ואת כל עם הארץ וירידו את המלך מבית יהוה ויבואו דרך שער הרצים בית המלך וישב על כסא המלכים׃

  23. 2 מְלָכִים י״א:כ׳בערך תתע״ח לפנה״ס

    וישמח כל עם הארץ והעיר שקטה ואת עתליהו המיתו בחרב בית מלך׃

  24. 2 מְלָכִים י״א:כ״אבערך תתע״ח לפנה״ס

    בן שבע שנים יהואש במלכו׃

  25. 2 מְלָכִים י״ב:א׳

    ¶ בשנת שבע ליהוא מלך יהואש וארבעים שנה מלך בירושלם ושם אמו צביה מבאר שבע׃