circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים י׳:ט׳

    ויהי בבקר ויצא ויעמד ויאמר אל כל העם צדקים אתם הנה אני קשרתי על אדני ואהרגהו ומי הכה את כל אלה׃

  2. 2 מְלָכִים י׳:י׳

    דעו אפוא כי לא יפל מדבר יהוה ארצה אשר דבר יהוה על בית אחאב ויהוה עשה את אשר דבר ביד עבדו אליהו׃

  3. 2 מְלָכִים י׳:י״א

    ויך יהוא את כל הנשארים לבית אחאב ביזרעאל וכל גדליו ומידעיו וכהניו עד בלתי השאיר לו שריד׃

  4. 2 מְלָכִים י׳:י״ב

    ויקם ויבא וילך שמרון הוא בית עקד הרעים בדרך׃

  5. 2 מְלָכִים י׳:י״ג

    ויהוא מצא את אחי אחזיהו מלך יהודה ויאמר מי אתם ויאמרו אחי אחזיהו אנחנו ונרד לשלום בני המלך ובני הגבירה׃

  6. 2 מְלָכִים י׳:י״ד

    ויאמר תפשום חיים ויתפשום חיים וישחטום אל בור בית עקד ארבעים ושנים איש ולא השאיר איש מהם׃

  7. 2 מְלָכִים י׳:ט״ו

    וילך משם וימצא את יהונדב בן רכב לקראתו ויברכהו ויאמר אליו היש את לבבך ישר כאשר לבבי עם לבבך ויאמר יהונדב יש ויש תנה את ידך ויתן ידו ויעלהו אליו אל המרכבה׃

  8. 2 מְלָכִים י׳:ט״ז

    ויאמר לכה אתי וראה בקנאתי ליהוה וירכבו אתו ברכבו׃

  9. 2 מְלָכִים י׳:י״ז

    ויבא שמרון ויך את כל הנשארים לאחאב בשמרון עד השמידו כדבר יהוה אשר דבר אל אליהו׃

  10. 2 מְלָכִים י׳:י״ח

    ויקבץ יהוא את כל העם ויאמר אלהם אחאב עבד את הבעל מעט יהוא יעבדנו הרבה׃

  11. 2 מְלָכִים י׳:י״ט

    ועתה כל נביאי הבעל כל עבדיו וכל כהניו קראו אלי איש אל יפקד כי זבח גדול לי לבעל כל אשר יפקד לא יחיה ויהוא עשה בעקבה למען האביד את עבדי הבעל׃

  12. 2 מְלָכִים י׳:כ׳

    ויאמר יהוא קדשו עצרה לבעל ויקראו׃

  13. 2 מְלָכִים י׳:כ״א

    וישלח יהוא בכל ישראל ויבאו כל עבדי הבעל ולא נשאר איש אשר לא בא ויבאו בית הבעל וימלא בית הבעל פה לפה׃

  14. 2 מְלָכִים י׳:כ״ב

    ויאמר לאשר על המלתחה הוצא לבוש לכל עבדי הבעל ויצא להם המלבוש׃

  15. 2 מְלָכִים י׳:כ״ג

    ויבא יהוא ויהונדב בן רכב בית הבעל ויאמר לעבדי הבעל חפשו וראו פן יש פה עמכם מעבדי יהוה כי אם עבדי הבעל לבדם׃

  16. 2 מְלָכִים י׳:כ״ד

    ויבאו לעשות זבחים ועלות ויהוא שם לו בחוץ שמנים איש ויאמר האיש אשר ימלט מן האנשים אשר אני מביא על ידיכם נפשו תחת נפשו׃

  17. 2 מְלָכִים י׳:כ״ה

    ויהי ככלתו לעשות העלה ויאמר יהוא לרצים ולשלשים באו הכום איש אל יצא ויכום לפי חרב וישלכו הרצים והשלשים וילכו עד עיר בית הבעל׃

  18. 2 מְלָכִים י׳:כ״ו

    ויצאו את מצבות בית הבעל וישרפוה׃

  19. 2 מְלָכִים י׳:כ״ז

    ויתצו את מצבת הבעל ויתצו את בית הבעל וישמהו למחראות עד היום׃

  20. 2 מְלָכִים י׳:כ״ח

    וישמד יהוא את הבעל מישראל׃

  21. 2 מְלָכִים י׳:כ״טבערך תתפ״ד לפנה״ס

    רק חטאי ירבעם בן נבט אשר החטיא את ישראל לא סר יהוא מאחריהם עגלי הזהב אשר בית אל ואשר בדן׃

  22. 2 מְלָכִים י׳:ל׳בערך תתפ״ד לפנה״ס

    ויאמר יהוה אל יהוא יען אשר הטיבת לעשות הישר בעיני ככל אשר בלבבי עשית לבית אחאב בני רבעים ישבו לך על כסא ישראל׃

  23. 2 מְלָכִים י׳:ל״אבערך תתפ״ד לפנה״ס

    ויהוא לא שמר ללכת בתורת יהוה אלהי ישראל בכל לבבו לא סר מעל חטאות ירבעם אשר החטיא את ישראל׃

  24. 2 מְלָכִים י׳:ל״בבערך תתפ״ד לפנה״ס

    בימים ההם החל יהוה לקצות בישראל ויכם חזאל בכל גבול ישראל׃

  25. 2 מְלָכִים י׳:ל״גבערך תתפ״ד לפנה״ס

    מן הירדן מזרח השמש את כל ארץ הגלעד הגדי והראובני והמנשי מערער אשר על נחל ארנן והגלעד והבשן׃