TRV
circa 930–586 BC
The Divided Kingdom
The kingdom splits into Israel and Judah; prophets warn of judgment as both nations slowly drift into idolatry and exile.
פסוקים מתקופה זו
- 2 מְלָכִים ח׳:כ״הבערך תתפ״ה לפנה״ס
בשנת שתים עשרה שנה ליורם בן אחאב מלך ישראל מלך אחזיהו בן יהורם מלך יהודה׃
- 2 מְלָכִים ח׳:כ״ובערך תתפ״ה לפנה״ס
בן עשרים ושתים שנה אחזיהו במלכו ושנה אחת מלך בירושלם ושם אמו עתליהו בת עמרי מלך ישראל׃
- 2 מְלָכִים ח׳:כ״זבערך תתפ״ה לפנה״ס
וילך בדרך בית אחאב ויעש הרע בעיני יהוה כבית אחאב כי חתן בית אחאב הוא׃
- 2 מְלָכִים ח׳:כ״חבערך תתפ״ד לפנה״ס
וילך את יורם בן אחאב למלחמה עם חזהאל מלך ארם ברמת גלעד ויכו ארמים את יורם׃
- 2 מְלָכִים ח׳:כ״טבערך תתפ״ד לפנה״ס
וישב יורם המלך להתרפא ביזרעאל מן המכים אשר יכהו ארמים ברמה בהלחמו את חזהאל מלך ארם ואחזיהו בן יהורם מלך יהודה ירד לראות את יורם בן אחאב ביזרעאל כי חלה הוא׃
- 2 מְלָכִים ט׳:א׳בערך תתפ״ד לפנה״ס
¶ ואלישע הנביא קרא לאחד מבני הנביאים ויאמר לו חגר מתניך וקח פך השמן הזה בידך ולך רמת גלעד׃
- 2 מְלָכִים ט׳:ב׳בערך תתפ״ד לפנה״ס
ובאת שמה וראה שם יהוא בן יהושפט בן נמשי ובאת והקמתו מתוך אחיו והביאת אתו חדר בחדר׃
- 2 מְלָכִים ט׳:ג׳בערך תתפ״ד לפנה״ס
ולקחת פך השמן ויצקת על ראשו ואמרת כה אמר יהוה משחתיך למלך אל ישראל ופתחת הדלת ונסתה ולא תחכה׃
- 2 מְלָכִים ט׳:ד׳בערך תתפ״ד לפנה״ס
וילך הנער הנער הנביא רמת גלעד׃
- 2 מְלָכִים ט׳:ה׳בערך תתפ״ד לפנה״ס
ויבא והנה שרי החיל ישבים ויאמר דבר לי אליך השר ויאמר יהוא אל מי מכלנו ויאמר אליך השר׃
- 2 מְלָכִים ט׳:ו׳בערך תתפ״ד לפנה״ס
ויקם ויבא הביתה ויצק השמן אל ראשו ויאמר לו כה אמר יהוה אלהי ישראל משחתיך למלך אל עם יהוה אל ישראל׃
- 2 מְלָכִים ט׳:ז׳בערך תתפ״ד לפנה״ס
והכיתה את בית אחאב אדניך ונקמתי דמי עבדי הנביאים ודמי כל עבדי יהוה מיד איזבל׃
- 2 מְלָכִים ט׳:ח׳בערך תתפ״ד לפנה״ס
ואבד כל בית אחאב והכרתי לאחאב משתין בקיר ועצור ועזוב בישראל׃
- 2 מְלָכִים ט׳:ט׳בערך תתפ״ד לפנה״ס
ונתתי את בית אחאב כבית ירבעם בן נבט וכבית בעשא בן אחיה׃
- 2 מְלָכִים ט׳:י׳בערך תתפ״ד לפנה״ס
ואת איזבל יאכלו הכלבים בחלק יזרעאל ואין קבר ויפתח הדלת וינס׃
- 2 מְלָכִים ט׳:י״אבערך תתפ״ד לפנה״ס
ויהוא יצא אל עבדי אדניו ויאמר לו השלום מדוע בא המשגע הזה אליך ויאמר אליהם אתם ידעתם את האיש ואת שיחו׃
- 2 מְלָכִים ט׳:י״בבערך תתפ״ד לפנה״ס
ויאמרו שקר הגד נא לנו ויאמר כזאת וכזאת אמר אלי לאמר כה אמר יהוה משחתיך למלך אל ישראל׃
- 2 מְלָכִים ט׳:י״גבערך תתפ״ד לפנה״ס
וימהרו ויקחו איש בגדו וישימו תחתיו אל גרם המעלות ויתקעו בשופר ויאמרו מלך יהוא׃
- 2 מְלָכִים ט׳:י״דבערך תתפ״ד לפנה״ס
ויתקשר יהוא בן יהושפט בן נמשי אל יורם ויורם היה שמר ברמת גלעד הוא וכל ישראל מפני חזאל מלך ארם׃
- 2 מְלָכִים ט׳:ט״ובערך תתפ״ד לפנה״ס
וישב יהורם המלך להתרפא ביזרעאל מן המכים אשר יכהו ארמים בהלחמו את חזאל מלך ארם ויאמר יהוא אם יש נפשכם אל יצא פליט מן העיר ללכת לגיד ביזרעאל׃
- 2 מְלָכִים ט׳:ט״זבערך תתפ״ד לפנה״ס
וירכב יהוא וילך יזרעאלה כי יורם שכב שמה ואחזיה מלך יהודה ירד לראות את יורם׃
- 2 מְלָכִים ט׳:י״זבערך תתפ״ד לפנה״ס
והצפה עמד על המגדל ביזרעאל וירא את שפעת יהוא בבאו ויאמר שפעת אני ראה ויאמר יהורם קח רכב ושלח לקראתם ויאמר השלום׃
- 2 מְלָכִים ט׳:י״חבערך תתפ״ד לפנה״ס
וילך רכב הסוס לקראתו ויאמר כה אמר המלך השלום ויאמר יהוא מה לך ולשלום סב אל אחרי ויגד הצפה לאמר בא המלאך עד הם ולא שב׃
- 2 מְלָכִים ט׳:י״טבערך תתפ״ד לפנה״ס
וישלח רכב סוס שני ויבא אלהם ויאמר כה אמר המלך שלום ויאמר יהוא מה לך ולשלום סב אל אחרי׃
- 2 מְלָכִים ט׳:כ׳בערך תתפ״ד לפנה״ס
ויגד הצפה לאמר בא עד אליהם ולא שב והמנהג כמנהג יהוא בן נמשי כי בשגעון ינהג׃