circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים ו׳:כ״חבערך תתצ״ג לפנה״ס

    ויאמר לה המלך מה לך ותאמר האשה הזאת אמרה אלי תני את בנך ונאכלנו היום ואת בני נאכל מחר׃

  2. 2 מְלָכִים ו׳:כ״טבערך תתצ״ג לפנה״ס

    ונבשל את בני ונאכלהו ואמר אליה ביום האחר תני את בנך ונאכלנו ותחבא את בנה׃

  3. 2 מְלָכִים ו׳:ל׳בערך תתצ״ג לפנה״ס

    ויהי כשמע המלך את דברי האשה ויקרע את בגדיו והוא עבר על החמה וירא העם והנה השק על בשרו מבית׃

  4. 2 מְלָכִים ו׳:ל״אבערך תתצ״ג לפנה״ס

    ויאמר כה יעשה לי אלהים וכה יוסף אם יעמד ראש אלישע בן שפט עליו היום׃

  5. 2 מְלָכִים ו׳:ל״בבערך תתצ״ג לפנה״ס

    ואלישע ישב בביתו והזקנים ישבים אתו וישלח איש מלפניו בטרם יבא המלאך אליו והוא אמר אל הזקנים הראיתם כי שלח בן המרצח הזה להסיר את ראשי ראו כבא המלאך סגרו הדלת ולחצתם אתו בדלת הלוא קול רגלי אדניו אחריו׃

  6. 2 מְלָכִים ו׳:ל״גבערך תתצ״ג לפנה״ס

    עודנו מדבר עמם והנה המלאך ירד אליו ויאמר הנה זאת הרעה מאת יהוה מה אוחיל ליהוה עוד׃

  7. 2 מְלָכִים ז׳:א׳בערך תתצ״ב לפנה״ס

    ¶ ויאמר אלישע שמעו דבר יהוה כה אמר יהוה כעת מחר סאה סלת בשקל וסאתים שערים בשקל בשער שמרון׃

  8. 2 מְלָכִים ז׳:ב׳בערך תתצ״ב לפנה״ס

    ויען השליש אשר למלך נשען על ידו את איש האלהים ויאמר הנה יהוה עשה ארבות בשמים היהיה הדבר הזה ויאמר הנכה ראה בעיניך ומשם לא תאכל׃

  9. 2 מְלָכִים ז׳:ג׳בערך תתצ״ב לפנה״ס

    וארבעה אנשים היו מצרעים פתח השער ויאמרו איש אל רעהו מה אנחנו ישבים פה עד מתנו׃

  10. 2 מְלָכִים ז׳:ד׳בערך תתצ״ב לפנה״ס

    אם אמרנו נבוא העיר והרעב בעיר ומתנו שם ואם ישבנו פה ומתנו ועתה לכו ונפלה אל מחנה ארם אם יחינו נחיה ואם ימיתנו ומתנו׃

  11. 2 מְלָכִים ז׳:ה׳בערך תתצ״ב לפנה״ס

    ויקומו בנשף לבוא אל מחנה ארם ויבאו עד קצה מחנה ארם והנה אין שם איש׃

  12. 2 מְלָכִים ז׳:ו׳בערך תתצ״ב לפנה״ס

    ואדני השמיע את מחנה ארם קול רכב קול סוס קול חיל גדול ויאמרו איש אל אחיו הנה שכר עלינו מלך ישראל את מלכי החתים ואת מלכי מצרים לבוא עלינו׃

  13. 2 מְלָכִים ז׳:ז׳בערך תתצ״ב לפנה״ס

    ויקומו וינוסו בנשף ויעזבו את אהליהם ואת סוסיהם ואת חמריהם המחנה כאשר היא וינסו אל נפשם׃

  14. 2 מְלָכִים ז׳:ח׳בערך תתצ״ב לפנה״ס

    ויבאו המצרעים האלה עד קצה המחנה ויבאו אל אהל אחד ויאכלו וישתו וישאו משם כסף וזהב ובגדים וילכו ויטמנו וישבו ויבאו אל אהל אחר וישאו משם וילכו ויטמנו׃

  15. 2 מְלָכִים ז׳:ט׳בערך תתצ״ב לפנה״ס

    ויאמרו איש אל רעהו לא כן אנחנו עשים היום הזה יום בשרה הוא ואנחנו מחשים וחכינו עד אור הבקר ומצאנו עוון ועתה לכו ונבאה ונגידה בית המלך׃

  16. 2 מְלָכִים ז׳:י׳בערך תתצ״ב לפנה״ס

    ויבאו ויקראו אל שער העיר ויגידו להם לאמר באנו אל מחנה ארם והנה אין שם איש וקול אדם כי אם הסוס אסור והחמור אסור ואהלים כאשר המה׃

  17. 2 מְלָכִים ז׳:י״אבערך תתצ״ב לפנה״ס

    ויקרא השערים ויגידו בית המלך פנימה׃

  18. 2 מְלָכִים ז׳:י״בבערך תתצ״ב לפנה״ס

    ויקם המלך לילה ויאמר אל עבדיו אגידה נא לכם את אשר עשו לנו ארם ידעו כי רעבים אנחנו ויצאו מן המחנה להחבה בהשדה לאמר כי יצאו מן העיר ונתפשם חיים ואל העיר נבא׃

  19. 2 מְלָכִים ז׳:י״גבערך תתצ״ב לפנה״ס

    ויען אחד מעבדיו ויאמר ויקחו נא חמשה מן הסוסים הנשארים אשר נשארו בה הנם ככל ההמון ישראל אשר נשארו בה הנם ככל המון ישראל אשר תמו ונשלחה ונראה׃

  20. 2 מְלָכִים ז׳:י״דבערך תתצ״ב לפנה״ס

    ויקחו שני רכב סוסים וישלח המלך אחרי מחנה ארם לאמר לכו וראו׃

  21. 2 מְלָכִים ז׳:ט״ובערך תתצ״ב לפנה״ס

    וילכו אחריהם עד הירדן והנה כל הדרך מלאה בגדים וכלים אשר השליכו ארם בהחפזם וישבו המלאכים ויגדו למלך׃

  22. 2 מְלָכִים ז׳:ט״זבערך תתצ״ב לפנה״ס

    ויצא העם ויבזו את מחנה ארם ויהי סאה סלת בשקל וסאתים שערים בשקל כדבר יהוה׃

  23. 2 מְלָכִים ז׳:י״זבערך תתצ״ב לפנה״ס

    והמלך הפקיד את השליש אשר נשען על ידו על השער וירמסהו העם בשער וימת כאשר דבר איש האלהים אשר דבר ברדת המלך אליו׃

  24. 2 מְלָכִים ז׳:י״חבערך תתצ״ב לפנה״ס

    ויהי כדבר איש האלהים אל המלך לאמר סאתים שערים בשקל וסאה סלת בשקל יהיה כעת מחר בשער שמרון׃

  25. 2 מְלָכִים ז׳:י״טבערך תתצ״ב לפנה״ס

    ויען השליש את איש האלהים ויאמר והנה יהוה עשה ארבות בשמים היהיה כדבר הזה ויאמר הנך ראה בעיניך ומשם לא תאכל׃