circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים ז׳:כ׳בערך תתצ״ב לפנה״ס

    ויהי לו כן וירמסו אתו העם בשער וימת׃

  2. 2 מְלָכִים ח׳:א׳בערך תתצ״א לפנה״ס

    ¶ ואלישע דבר אל האשה אשר החיה את בנה לאמר קומי ולכי אתי וביתך וגורי באשר תגורי כי קרא יהוה לרעב וגם בא אל הארץ שבע שנים׃

  3. 2 מְלָכִים ח׳:ב׳בערך תתצ״א לפנה״ס

    ותקם האשה ותעש כדבר איש האלהים ותלך היא וביתה ותגר בארץ פלשתים שבע שנים׃

  4. 2 מְלָכִים ח׳:ג׳בערך תתפ״ה לפנה״ס

    ויהי מקצה שבע שנים ותשב האשה מארץ פלשתים ותצא לצעק אל המלך אל ביתה ואל שדה׃

  5. 2 מְלָכִים ח׳:ד׳בערך תתפ״ה לפנה״ס

    והמלך מדבר אל גחזי נער איש האלהים לאמר ספרה נא לי את כל הגדלות אשר עשה אלישע׃

  6. 2 מְלָכִים ח׳:ה׳בערך תתפ״ה לפנה״ס

    ויהי הוא מספר למלך את אשר החיה את המת והנה האשה אשר החיה את בנה צעקת אל המלך על ביתה ועל שדה ויאמר גחזי אדני המלך זאת האשה וזה בנה אשר החיה אלישע׃

  7. 2 מְלָכִים ח׳:ו׳בערך תתפ״ה לפנה״ס

    וישאל המלך לאשה ותספר לו ויתן לה המלך סריס אחד לאמר השיב את כל אשר לה ואת כל תבואת השדה מיום עזבה את הארץ ועד עתה׃

  8. 2 מְלָכִים ח׳:ז׳בערך תתפ״ה לפנה״ס

    ויבא אלישע דמשק ובן הדד מלך ארם חלה ויגד לו לאמר בא איש האלהים עד הנה׃

  9. 2 מְלָכִים ח׳:ח׳בערך תתפ״ה לפנה״ס

    ויאמר המלך אל חזהאל קח בידך מנחה ולך לקראת איש האלהים ודרשת את יהוה מאותו לאמר האחיה מחלי זה׃

  10. 2 מְלָכִים ח׳:ט׳בערך תתפ״ה לפנה״ס

    וילך חזאל לקראתו ויקח מנחה בידו וכל טוב דמשק משא ארבעים גמל ויבא ויעמד לפניו ויאמר בנך בן הדד מלך ארם שלחני אליך לאמר האחיה מחלי זה׃

  11. 2 מְלָכִים ח׳:י׳בערך תתפ״ה לפנה״ס

    ויאמר אליו אלישע לך אמר לא חיה תחיה והראני יהוה כי מות ימות׃

  12. 2 מְלָכִים ח׳:י״אבערך תתפ״ה לפנה״ס

    ויעמד את פניו וישם עד בש ויבך איש האלהים׃

  13. 2 מְלָכִים ח׳:י״בבערך תתפ״ה לפנה״ס

    ויאמר חזאל מדוע אדני בכה ויאמר כי ידעתי את אשר תעשה לבני ישראל רעה מבצריהם תשלח באש ובחריהם בחרב תהרג ועלליהם תרטש והרתיהם תבקע׃

  14. 2 מְלָכִים ח׳:י״גבערך תתפ״ה לפנה״ס

    ויאמר חזהאל כי מה עבדך הכלב כי יעשה הדבר הגדול הזה ויאמר אלישע הראני יהוה אתך מלך על ארם׃

  15. 2 מְלָכִים ח׳:י״דבערך תתפ״ה לפנה״ס

    וילך מאת אלישע ויבא אל אדניו ויאמר לו מה אמר לך אלישע ויאמר אמר לי חיה תחיה׃

  16. 2 מְלָכִים ח׳:ט״ובערך תתפ״ה לפנה״ס

    ויהי ממחרת ויקח המכבר ויטבל במים ויפרש על פניו וימת וימלך חזהאל תחתיו׃

  17. 2 מְלָכִים ח׳:ט״זבערך תתצ״ב לפנה״ס

    ובשנת חמש ליורם בן אחאב מלך ישראל ויהושפט מלך יהודה מלך יהורם בן יהושפט מלך יהודה׃

  18. 2 מְלָכִים ח׳:י״זבערך תתצ״ב לפנה״ס

    בן שלשים ושתים שנה היה במלכו ושמנה שנה מלך בירושלם׃

  19. 2 מְלָכִים ח׳:י״חבערך תתצ״ב לפנה״ס

    וילך בדרך מלכי ישראל כאשר עשו בית אחאב כי בת אחאב היתה לו לאשה ויעש הרע בעיני יהוה׃

  20. 2 מְלָכִים ח׳:י״טבערך תתצ״ב לפנה״ס

    ולא אבה יהוה להשחית את יהודה למען דוד עבדו כאשר אמר לו לתת לו ניר לבניו כל הימים׃

  21. 2 מְלָכִים ח׳:כ׳בערך תתצ״ב לפנה״ס

    בימיו פשע אדום מתחת יד יהודה וימלכו עליהם מלך׃

  22. 2 מְלָכִים ח׳:כ״אבערך תתצ״ב לפנה״ס

    ויעבר יורם צעירה וכל הרכב עמו ויהי הוא קם לילה ויכה את אדום הסביב אליו ואת שרי הרכב וינס העם לאהליו׃

  23. 2 מְלָכִים ח׳:כ״בבערך תתצ״ב לפנה״ס

    ויפשע אדום מתחת יד יהודה עד היום הזה אז תפשע לבנה בעת ההיא׃

  24. 2 מְלָכִים ח׳:כ״גבערך תתצ״ב לפנה״ס

    ויתר דברי יורם וכל אשר עשה הלוא הם כתובים על ספר דברי הימים למלכי יהודה׃

  25. 2 מְלָכִים ח׳:כ״דבערך תתצ״ב לפנה״ס

    וישכב יורם עם אבתיו ויקבר עם אבתיו בעיר דוד וימלך אחזיהו בנו תחתיו׃