circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים ט׳:כ״אבערך תתפ״ד לפנה״ס

    ויאמר יהורם אסר ויאסר רכבו ויצא יהורם מלך ישראל ואחזיהו מלך יהודה איש ברכבו ויצאו לקראת יהוא וימצאהו בחלקת נבות היזרעאלי׃

  2. 2 מְלָכִים ט׳:כ״בבערך תתפ״ד לפנה״ס

    ויהי כראות יהורם את יהוא ויאמר השלום יהוא ויאמר מה השלום עד זנוני איזבל אמך וכשפיה הרבים׃

  3. 2 מְלָכִים ט׳:כ״גבערך תתפ״ד לפנה״ס

    ויהפך יהורם ידיו וינס ויאמר אל אחזיהו מרמה אחזיה׃

  4. 2 מְלָכִים ט׳:כ״דבערך תתפ״ד לפנה״ס

    ויהוא מלא ידו בקשת ויך את יהורם בין זרעיו ויצא החצי מלבו ויכרע ברכבו׃

  5. 2 מְלָכִים ט׳:כ״הבערך תתפ״ד לפנה״ס

    ויאמר אל בדקר שלשה שא השלכהו בחלקת שדה נבות היזרעאלי כי זכר אני ואתה את רכבים צמדים אחרי אחאב אביו ויהוה נשא עליו את המשא הזה׃

  6. 2 מְלָכִים ט׳:כ״ובערך תתפ״ד לפנה״ס

    אם לא את דמי נבות ואת דמי בניו ראיתי אמש נאם יהוה ושלמתי לך בחלקה הזאת נאם יהוה ועתה שא השלכהו בחלקה כדבר יהוה׃

  7. 2 מְלָכִים ט׳:כ״זבערך תתפ״ד לפנה״ס

    ואחזיה מלך יהודה ראה וינס דרך בית הגן וירדף אחריו יהוא ויאמר גם אתו הכהו אל המרכבה במעלה גור אשר את יבלעם וינס מגדו וימת שם׃

  8. 2 מְלָכִים ט׳:כ״חבערך תתפ״ד לפנה״ס

    וירכבו אתו עבדיו ירושלמה ויקברו אתו בקברתו עם אבתיו בעיר דוד׃

  9. 2 מְלָכִים ט׳:כ״טבערך תתפ״ד לפנה״ס

    ובשנת אחת עשרה שנה ליורם בן אחאב מלך אחזיה על יהודה׃

  10. 2 מְלָכִים ט׳:ל׳בערך תתפ״ד לפנה״ס

    ויבוא יהוא יזרעאלה ואיזבל שמעה ותשם בפוך עיניה ותיטב את ראשה ותשקף בעד החלון׃

  11. 2 מְלָכִים ט׳:ל״אבערך תתפ״ד לפנה״ס

    ויהוא בא בשער ותאמר השלום זמרי הרג אדניו׃

  12. 2 מְלָכִים ט׳:ל״בבערך תתפ״ד לפנה״ס

    וישא פניו אל החלון ויאמר מי אתי מי וישקיפו אליו שנים שלשה סריסים׃

  13. 2 מְלָכִים ט׳:ל״גבערך תתפ״ד לפנה״ס

    ויאמר שמטהו וישמטוה ויז מדמה אל הקיר ואל הסוסים וירמסנה׃

  14. 2 מְלָכִים ט׳:ל״דבערך תתפ״ד לפנה״ס

    ויבא ויאכל וישת ויאמר פקדו נא את הארורה הזאת וקברוה כי בת מלך היא׃

  15. 2 מְלָכִים ט׳:ל״הבערך תתפ״ד לפנה״ס

    וילכו לקברה ולא מצאו בה כי אם הגלגלת והרגלים וכפות הידים׃

  16. 2 מְלָכִים ט׳:ל״ובערך תתפ״ד לפנה״ס

    וישבו ויגידו לו ויאמר דבר יהוה הוא אשר דבר ביד עבדו אליהו התשבי לאמר בחלק יזרעאל יאכלו הכלבים את בשר איזבל׃

  17. 2 מְלָכִים ט׳:ל״זבערך תתפ״ד לפנה״ס

    והית נבלת איזבל כדמן על פני השדה בחלק יזרעאל אשר לא יאמרו זאת איזבל׃

  18. 2 מְלָכִים י׳:א׳

    ¶ ולאחאב שבעים בנים בשמרון ויכתב יהוא ספרים וישלח שמרון אל שרי יזרעאל הזקנים ואל האמנים אחאב לאמר׃

  19. 2 מְלָכִים י׳:ב׳

    ועתה כבא הספר הזה אליכם ואתכם בני אדניכם ואתכם הרכב והסוסים ועיר מבצר והנשק׃

  20. 2 מְלָכִים י׳:ג׳

    וראיתם הטוב והישר מבני אדניכם ושמתם על כסא אביו והלחמו על בית אדניכם׃

  21. 2 מְלָכִים י׳:ד׳

    ויראו מאד מאד ויאמרו הנה שני המלכים לא עמדו לפניו ואיך נעמד אנחנו׃

  22. 2 מְלָכִים י׳:ה׳

    וישלח אשר על הבית ואשר על העיר והזקנים והאמנים אל יהוא לאמר עבדיך אנחנו וכל אשר תאמר אלינו נעשה לא נמליך איש הטוב בעיניך עשה׃

  23. 2 מְלָכִים י׳:ו׳

    ויכתב אליהם ספר שנית לאמר אם לי אתם ולקלי אתם שמעים קחו את ראשי אנשי בני אדניכם ובאו אלי כעת מחר יזרעאלה ובני המלך שבעים איש את גדלי העיר מגדלים אותם׃

  24. 2 מְלָכִים י׳:ז׳

    ויהי כבא הספר אליהם ויקחו את בני המלך וישחטו שבעים איש וישימו את ראשיהם בדודים וישלחו אליו יזרעאלה׃

  25. 2 מְלָכִים י׳:ח׳

    ויבא המלאך ויגד לו לאמר הביאו ראשי בני המלך ויאמר שימו אתם שני צברים פתח השער עד הבקר׃