circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים י״ב:ב׳

    ויעש יהואש הישר בעיני יהוה כל ימיו אשר הורהו יהוידע הכהן׃

  2. 2 מְלָכִים י״ב:ג׳

    רק הבמות לא סרו עוד העם מזבחים ומקטרים בבמות׃

  3. 2 מְלָכִים י״ב:ד׳בערך תתנ״ו לפנה״ס

    ויאמר יהואש אל הכהנים כל כסף הקדשים אשר יובא בית יהוה כסף עובר איש כסף נפשות ערכו כל כסף אשר יעלה על לב איש להביא בית יהוה׃

  4. 2 מְלָכִים י״ב:ה׳בערך תתנ״ו לפנה״ס

    יקחו להם הכהנים איש מאת מכרו והם יחזקו את בדק הבית לכל אשר ימצא שם בדק׃

  5. 2 מְלָכִים י״ב:ו׳בערך תתנ״ו לפנה״ס

    ויהי בשנת עשרים ושלש שנה למלך יהואש לא חזקו הכהנים את בדק הבית׃

  6. 2 מְלָכִים י״ב:ז׳בערך תתנ״ו לפנה״ס

    ויקרא המלך יהואש ליהוידע הכהן ולכהנים ויאמר אלהם מדוע אינכם מחזקים את בדק הבית ועתה אל תקחו כסף מאת מכריכם כי לבדק הבית תתנהו׃

  7. 2 מְלָכִים י״ב:ח׳בערך תתנ״ו לפנה״ס

    ויאתו הכהנים לבלתי קחת כסף מאת העם ולבלתי חזק את בדק הבית׃

  8. 2 מְלָכִים י״ב:ט׳בערך תתנ״ו לפנה״ס

    ויקח יהוידע הכהן ארון אחד ויקב חר בדלתו ויתן אתו אצל המזבח בימין בבוא איש בית יהוה ונתנו שמה הכהנים שמרי הסף את כל הכסף המובא בית יהוה׃

  9. 2 מְלָכִים י״ב:י׳בערך תתנ״ו לפנה״ס

    ויהי כראותם כי רב הכסף בארון ויעל ספר המלך והכהן הגדול ויצרו וימנו את הכסף הנמצא בית יהוה׃

  10. 2 מְלָכִים י״ב:י״אבערך תתנ״ו לפנה״ס

    ונתנו את הכסף המתכן על יד עשי המלאכה הפקדים בית יהוה ויוציאהו לחרשי העץ ולבנים העשים בית יהוה׃

  11. 2 מְלָכִים י״ב:י״בבערך תתנ״ו לפנה״ס

    ולגדרים ולחצבי האבן ולקנות עצים ואבני מחצב לחזק את בדק בית יהוה ולכל אשר יצא על הבית לחזקה׃

  12. 2 מְלָכִים י״ב:י״גבערך תתנ״ו לפנה״ס

    אך לא יעשה בית יהוה ספות כסף מזמרות מזרקות חצצרות כל כלי זהב וכלי כסף מן הכסף המובא בית יהוה׃

  13. 2 מְלָכִים י״ב:י״דבערך תתנ״ו לפנה״ס

    כי לעשי המלאכה יתנהו וחזקו בו את בית יהוה׃

  14. 2 מְלָכִים י״ב:ט״ובערך תתנ״ו לפנה״ס

    ולא יחשבו את האנשים אשר יתנו את הכסף על ידם לתת לעשי המלאכה כי באמנה הם עשים׃

  15. 2 מְלָכִים י״ב:ט״זבערך תתנ״ו לפנה״ס

    כסף אשם וכסף חטאות לא יובא בית יהוה לכהנים יהיו׃

  16. 2 מְלָכִים י״ב:י״זבערך תת״מ לפנה״ס

    אז יעלה חזאל מלך ארם וילחם על גת וילכדה וישם חזאל פניו לעלות על ירושלם׃

  17. 2 מְלָכִים י״ב:י״חבערך תת״מ לפנה״ס

    ויקח יהואש מלך יהודה את כל הקדשים אשר הקדישו יהושפט ויהורם ואחזיהו אבתיו מלכי יהודה ואת קדשיו ואת כל הזהב הנמצא באצרות בית יהוה ובית המלך וישלח לחזאל מלך ארם ויעל מעל ירושלם׃

  18. 2 מְלָכִים י״ב:י״טבערך תת״מ לפנה״ס

    ויתר דברי יואש וכל אשר עשה הלוא הם כתובים על ספר דברי הימים למלכי יהודה׃

  19. 2 מְלָכִים י״ב:כ׳בערך תת״מ לפנה״ס

    ויקמו עבדיו ויקשרו קשר ויכו את יואש בית מלא היורד סלא׃

  20. 2 מְלָכִים י״ב:כ״אבערך תת״מ לפנה״ס

    ויוזבד בן שמעת ויהוזבד בן שמר עבדיו הכהו וימת ויקברו אתו עם אבתיו בעיר דוד וימלך אמציה בנו תחתיו׃

  21. 2 מְלָכִים י״ג:א׳

    ¶ בשנת עשרים ושלש שנה ליואש בן אחזיהו מלך יהודה מלך יהואחז בן יהוא על ישראל בשמרון שבע עשרה שנה׃

  22. 2 מְלָכִים י״ג:ב׳בערך תתנ״ו לפנה״ס

    ויעש הרע בעיני יהוה וילך אחר חטאת ירבעם בן נבט אשר החטיא את ישראל לא סר ממנה׃

  23. 2 מְלָכִים י״ג:ג׳בערך תתנ״ו לפנה״ס

    ויחר אף יהוה בישראל ויתנם ביד חזאל מלך ארם וביד בן הדד בן חזאל כל הימים׃

  24. 2 מְלָכִים י״ג:ד׳בערך תתנ״ו לפנה״ס

    ויחל יהואחז את פני יהוה וישמע אליו יהוה כי ראה את לחץ ישראל כי לחץ אתם מלך ארם׃

  25. 2 מְלָכִים י״ג:ה׳בערך תתנ״ו לפנה״ס

    ויתן יהוה לישראל מושיע ויצאו מתחת יד ארם וישבו בני ישראל באהליהם כתמול שלשום׃