circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים ט״ז:י״דבערך תש״מ לפנה״ס

    ואת המזבח הנחשת אשר לפני יהוה ויקרב מאת פני הבית מבין המזבח ומבין בית יהוה ויתן אתו על ירך המזבח צפונה׃

  2. 2 מְלָכִים ט״ז:ט״ובערך תש״מ לפנה״ס

    ויצוהו המלך אחז את אוריה הכהן לאמר על המזבח הגדול הקטר את עלת הבקר ואת מנחת הערב ואת עלת המלך ואת מנחתו ואת עלת כל עם הארץ ומנחתם ונסכיהם וכל דם עלה וכל דם זבח עליו תזרק ומזבח הנחשת יהיה לי לבקר׃

  3. 2 מְלָכִים ט״ז:ט״זבערך תש״מ לפנה״ס

    ויעש אוריה הכהן ככל אשר צוה המלך אחז׃

  4. 2 מְלָכִים ט״ז:י״זבערך תשל״ט לפנה״ס

    ויקצץ המלך אחז את המסגרות המכנות ויסר מעליהם ואת הכיר ואת הים הורד מעל הבקר הנחשת אשר תחתיה ויתן אתו על מרצפת אבנים׃

  5. 2 מְלָכִים ט״ז:י״חבערך תשל״ט לפנה״ס

    ואת מיסך השבת אשר בנו בבית ואת מבוא המלך החיצונה הסב בית יהוה מפני מלך אשור׃

  6. 2 מְלָכִים ט״ז:י״טבערך תשמ״ב לפנה״ס

    ויתר דברי אחז אשר עשה הלא הם כתובים על ספר דברי הימים למלכי יהודה׃

  7. 2 מְלָכִים ט״ז:כ׳בערך תשכ״ו לפנה״ס

    וישכב אחז עם אבתיו ויקבר עם אבתיו בעיר דוד וימלך חזקיהו בנו תחתיו׃

  8. 2 מְלָכִים י״ז:א׳בערך תש״ל לפנה״ס

    ¶ בשנת שתים עשרה לאחז מלך יהודה מלך הושע בן אלה בשמרון על ישראל תשע שנים׃

  9. 2 מְלָכִים י״ז:ב׳בערך תש״ל לפנה״ס

    ויעש הרע בעיני יהוה רק לא כמלכי ישראל אשר היו לפניו׃

  10. 2 מְלָכִים י״ז:ג׳בערך תש״ל לפנה״ס

    עליו עלה שלמנאסר מלך אשור ויהי לו הושע עבד וישב לו מנחה׃

  11. 2 מְלָכִים י״ז:ד׳בערך תשכ״ה לפנה״ס

    וימצא מלך אשור בהושע קשר אשר שלח מלאכים אל סוא מלך מצרים ולא העלה מנחה למלך אשור כשנה בשנה ויעצרהו מלך אשור ויאסרהו בית כלא׃

  12. 2 מְלָכִים י״ז:ה׳בערך תשכ״ג לפנה״ס

    ויעל מלך אשור בכל הארץ ויעל שמרון ויצר עליה שלש שנים׃

  13. 2 מְלָכִים י״ז:ו׳בערך תשכ״א לפנה״ס

    בשנת התשיעית להושע לכד מלך אשור את שמרון ויגל את ישראל אשורה וישב אתם בחלח ובחבור נהר גוזן וערי מדי׃

  14. 2 מְלָכִים י״ז:ז׳בערך תשכ״א לפנה״ס

    ויהי כי חטאו בני ישראל ליהוה אלהיהם המעלה אתם מארץ מצרים מתחת יד פרעה מלך מצרים וייראו אלהים אחרים׃

  15. 2 מְלָכִים י״ז:ח׳בערך תשכ״א לפנה״ס

    וילכו בחקות הגוים אשר הוריש יהוה מפני בני ישראל ומלכי ישראל אשר עשו׃

  16. 2 מְלָכִים י״ז:ט׳בערך תשכ״א לפנה״ס

    ויחפאו בני ישראל דברים אשר לא כן על יהוה אלהיהם ויבנו להם במות בכל עריהם ממגדל נוצרים עד עיר מבצר׃

  17. 2 מְלָכִים י״ז:י׳בערך תשכ״א לפנה״ס

    ויצבו להם מצבות ואשרים על כל גבעה גבהה ותחת כל עץ רענן׃

  18. 2 מְלָכִים י״ז:י״אבערך תשכ״א לפנה״ס

    ויקטרו שם בכל במות כגוים אשר הגלה יהוה מפניהם ויעשו דברים רעים להכעיס את יהוה׃

  19. 2 מְלָכִים י״ז:י״בבערך תשכ״א לפנה״ס

    ויעבדו הגללים אשר אמר יהוה להם לא תעשו את הדבר הזה׃

  20. 2 מְלָכִים י״ז:י״גבערך תשכ״א לפנה״ס

    ויעד יהוה בישראל וביהודה ביד כל נביאו כל חזה לאמר שבו מדרכיכם הרעים ושמרו מצותי חקותי ככל התורה אשר צויתי את אבתיכם ואשר שלחתי אליכם ביד עבדי הנביאים׃

  21. 2 מְלָכִים י״ז:י״דבערך תשכ״א לפנה״ס

    ולא שמעו ויקשו את ערפם כערף אבותם אשר לא האמינו ביהוה אלהיהם׃

  22. 2 מְלָכִים י״ז:ט״ובערך תשכ״א לפנה״ס

    וימאסו את חקיו ואת בריתו אשר כרת את אבותם ואת עדותיו אשר העיד בם וילכו אחרי ההבל ויהבלו ואחרי הגוים אשר סביבתם אשר צוה יהוה אתם לבלתי עשות כהם׃

  23. 2 מְלָכִים י״ז:ט״זבערך תשכ״א לפנה״ס

    ויעזבו את כל מצות יהוה אלהיהם ויעשו להם מסכה שנים עגלים ויעשו אשירה וישתחוו לכל צבא השמים ויעבדו את הבעל׃

  24. 2 מְלָכִים י״ז:י״זבערך תשכ״א לפנה״ס

    ויעבירו את בניהם ואת בנותיהם באש ויקסמו קסמים וינחשו ויתמכרו לעשות הרע בעיני יהוה להכעיסו׃

  25. 2 מְלָכִים י״ז:י״חבערך תשכ״א לפנה״ס

    ויתאנף יהוה מאד בישראל ויסרם מעל פניו לא נשאר רק שבט יהודה לבדו׃