circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים י״ח:ג׳בערך תשכ״ו לפנה״ס

    ויעש הישר בעיני יהוה ככל אשר עשה דוד אביו׃

  2. 2 מְלָכִים י״ח:ד׳בערך תשכ״ו לפנה״ס

    הוא הסיר את הבמות ושבר את המצבת וכרת את האשרה וכתת נחש הנחשת אשר עשה משה כי עד הימים ההמה היו בני ישראל מקטרים לו ויקרא לו נחשתן׃

  3. 2 מְלָכִים י״ח:ה׳בערך תשכ״ו לפנה״ס

    ביהוה אלהי ישראל בטח ואחריו לא היה כמהו בכל מלכי יהודה ואשר היו לפניו׃

  4. 2 מְלָכִים י״ח:ו׳בערך תשכ״ו לפנה״ס

    וידבק ביהוה לא סר מאחריו וישמר מצותיו אשר צוה יהוה את משה׃

  5. 2 מְלָכִים י״ח:ז׳בערך תשכ״ו לפנה״ס

    והיה יהוה עמו בכל אשר יצא ישכיל וימרד במלך אשור ולא עבדו׃

  6. 2 מְלָכִים י״ח:ח׳בערך תשכ״ו לפנה״ס

    הוא הכה את פלשתים עד עזה ואת גבוליה ממגדל נוצרים עד עיר מבצר׃

  7. 2 מְלָכִים י״ח:ט׳בערך תשכ״ג לפנה״ס

    ויהי בשנה הרביעית למלך חזקיהו היא השנה השביעית להושע בן אלה מלך ישראל עלה שלמנאסר מלך אשור על שמרון ויצר עליה׃

  8. 2 מְלָכִים י״ח:י׳בערך תשכ״א לפנה״ס

    וילכדה מקצה שלש שנים בשנת שש לחזקיה היא שנת תשע להושע מלך ישראל נלכדה שמרון׃

  9. 2 מְלָכִים י״ח:י״אבערך תשכ״א לפנה״ס

    ויגל מלך אשור את ישראל אשורה וינחם בחלח ובחבור נהר גוזן וערי מדי׃

  10. 2 מְלָכִים י״ח:י״בבערך תשכ״א לפנה״ס

    על אשר לא שמעו בקול יהוה אלהיהם ויעברו את בריתו את כל אשר צוה משה עבד יהוה ולא שמעו ולא עשו׃

  11. 2 מְלָכִים י״ח:י״גבערך תשי״ג לפנה״ס

    ובארבע עשרה שנה למלך חזקיה עלה סנחריב מלך אשור על כל ערי יהודה הבצרות ויתפשם׃

  12. 2 מְלָכִים י״ח:י״דבערך תשי״ג לפנה״ס

    וישלח חזקיה מלך יהודה אל מלך אשור לכישה לאמר חטאתי שוב מעלי את אשר תתן עלי אשא וישם מלך אשור על חזקיה מלך יהודה שלש מאות ככר כסף ושלשים ככר זהב׃

  13. 2 מְלָכִים י״ח:ט״ובערך תשי״ג לפנה״ס

    ויתן חזקיה את כל הכסף הנמצא בית יהוה ובאצרות בית המלך׃

  14. 2 מְלָכִים י״ח:ט״זבערך תשי״ג לפנה״ס

    בעת ההיא קצץ חזקיה את דלתות היכל יהוה ואת האמנות אשר צפה חזקיה מלך יהודה ויתנם למלך אשור׃

  15. 2 מְלָכִים י״ח:י״זבערך תש״י לפנה״ס

    וישלח מלך אשור את תרתן ואת רב סריס ואת רב שקה מן לכיש אל המלך חזקיהו בחיל כבד ירושלם ויעלו ויבאו ירושלם ויעלו ויבאו ויעמדו בתעלת הברכה העליונה אשר במסלת שדה כובס׃

  16. 2 מְלָכִים י״ח:י״חבערך תש״י לפנה״ס

    ויקראו אל המלך ויצא אלהם אליקים בן חלקיהו אשר על הבית ושבנה הספר ויואח בן אסף המזכיר׃

  17. 2 מְלָכִים י״ח:י״טבערך תש״י לפנה״ס

    ויאמר אלהם רב שקה אמרו נא אל חזקיהו כה אמר המלך הגדול מלך אשור מה הבטחון הזה אשר בטחת׃

  18. 2 מְלָכִים י״ח:כ׳בערך תש״י לפנה״ס

    אמרת אך דבר שפתים עצה וגבורה למלחמה עתה על מי בטחת כי מרדת בי׃

  19. 2 מְלָכִים י״ח:כ״אבערך תש״י לפנה״ס

    עתה הנה בטחת לך על משענת הקנה הרצוץ הזה על מצרים אשר יסמך איש עליו ובא בכפו ונקבה כן פרעה מלך מצרים לכל הבטחים עליו׃

  20. 2 מְלָכִים י״ח:כ״בבערך תש״י לפנה״ס

    וכי תאמרון אלי אל יהוה אלהינו בטחנו הלוא הוא אשר הסיר חזקיהו את במתיו ואת מזבחתיו ויאמר ליהודה ולירושלם לפני המזבח הזה תשתחוו בירושלם׃

  21. 2 מְלָכִים י״ח:כ״גבערך תש״י לפנה״ס

    ועתה התערב נא את אדני את מלך אשור ואתנה לך אלפים סוסים אם תוכל לתת לך רכבים עליהם׃

  22. 2 מְלָכִים י״ח:כ״דבערך תש״י לפנה״ס

    ואיך תשיב את פני פחת אחד עבדי אדני הקטנים ותבטח לך על מצרים לרכב ולפרשים׃

  23. 2 מְלָכִים י״ח:כ״הבערך תש״י לפנה״ס

    עתה המבלעדי יהוה עליתי על המקום הזה להשחתו יהוה אמר אלי עלה על הארץ הזאת והשחיתה׃

  24. 2 מְלָכִים י״ח:כ״ובערך תש״י לפנה״ס

    ויאמר אליקים בן חלקיהו ושבנה ויואח אל רב שקה דבר נא אל עבדיך ארמית כי שמעים אנחנו ואל תדבר עמנו יהודית באזני העם אשר על החמה׃

  25. 2 מְלָכִים י״ח:כ״זבערך תש״י לפנה״ס

    ויאמר אליהם רב שקה העל אדניך ואליך שלחני אדני לדבר את הדברים האלה הלא על האנשים הישבים על החמה לאכל את חריהם ולשתות את שיניהם עמכם׃