circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים י״ח:כ״חבערך תש״י לפנה״ס

    ויעמד רב שקה ויקרא בקול גדול יהודית וידבר ויאמר שמעו דבר המלך הגדול מלך אשור׃

  2. 2 מְלָכִים י״ח:כ״טבערך תש״י לפנה״ס

    כה אמר המלך אל ישיא לכם חזקיהו כי לא יוכל להציל אתכם מידו׃

  3. 2 מְלָכִים י״ח:ל׳בערך תש״י לפנה״ס

    ואל יבטח אתכם חזקיהו אל יהוה לאמר הצל יצילנו יהוה ולא תנתן את העיר הזאת ביד מלך אשור׃

  4. 2 מְלָכִים י״ח:ל״אבערך תש״י לפנה״ס

    אל תשמעו אל חזקיהו כי כה אמר מלך אשור עשו אתי ברכה וצאו אלי ואכלו איש גפנו ואיש תאנתו ושתו איש מי בורו׃

  5. 2 מְלָכִים י״ח:ל״בבערך תש״י לפנה״ס

    עד באי ולקחתי אתכם אל ארץ כארצכם ארץ דגן ותירוש ארץ לחם וכרמים ארץ זית יצהר ודבש וחיו ולא תמתו ואל תשמעו אל חזקיהו כי יסית אתכם לאמר יהוה יצילנו׃

  6. 2 מְלָכִים י״ח:ל״גבערך תש״י לפנה״ס

    ההצל הצילו אלהי הגוים איש את ארצו מיד מלך אשור׃

  7. 2 מְלָכִים י״ח:ל״דבערך תש״י לפנה״ס

    איה אלהי חמת וארפד איה אלהי ספרוים הנע ועוה כי הצילו את שמרון מידי׃

  8. 2 מְלָכִים י״ח:ל״הבערך תש״י לפנה״ס

    מי בכל אלהי הארצות אשר הצילו את ארצם מידי כי יציל יהוה את ירושלם מידי׃

  9. 2 מְלָכִים י״ח:ל״ובערך תש״י לפנה״ס

    והחרישו העם ולא ענו אתו דבר כי מצות המלך היא לאמר לא תענהו׃

  10. 2 מְלָכִים י״ח:ל״זבערך תש״י לפנה״ס

    ויבא אליקים בן חלקיה אשר על הבית ושבנא הספר ויואח בן אסף המזכיר אל חזקיהו קרועי בגדים ויגדו לו דברי רב שקה׃

  11. 2 מְלָכִים י״ט:א׳בערך תש״י לפנה״ס

    ¶ ויהי כשמע המלך חזקיהו ויקרע את בגדיו ויתכס בשק ויבא בית יהוה׃

  12. 2 מְלָכִים י״ט:ב׳בערך תש״י לפנה״ס

    וישלח את אליקים אשר על הבית ושבנא הספר ואת זקני הכהנים מתכסים בשקים אל ישעיהו הנביא בן אמוץ׃

  13. 2 מְלָכִים י״ט:ג׳בערך תש״י לפנה״ס

    ויאמרו אליו כה אמר חזקיהו יום צרה ותוכחה ונאצה היום הזה כי באו בנים עד משבר וכח אין ללדה׃

  14. 2 מְלָכִים י״ט:ד׳בערך תש״י לפנה״ס

    אולי ישמע יהוה אלהיך את כל דברי רב שקה אשר שלחו מלך אשור אדניו לחרף אלהים חי והוכיח בדברים אשר שמע יהוה אלהיך ונשאת תפלה בעד השארית הנמצאה׃

  15. 2 מְלָכִים י״ט:ה׳בערך תש״י לפנה״ס

    ויבאו עבדי המלך חזקיהו אל ישעיהו׃

  16. 2 מְלָכִים י״ט:ו׳בערך תש״י לפנה״ס

    ויאמר להם ישעיהו כה תאמרון אל אדניכם כה אמר יהוה אל תירא מפני הדברים אשר שמעת אשר גדפו נערי מלך אשור אתי׃

  17. 2 מְלָכִים י״ט:ז׳בערך תש״י לפנה״ס

    הנני נתן בו רוח ושמע שמועה ושב לארצו והפלתיו בחרב בארצו׃

  18. 2 מְלָכִים י״ט:ח׳בערך תש״י לפנה״ס

    וישב רב שקה וימצא את מלך אשור נלחם על לבנה כי שמע כי נסע מלכיש׃

  19. 2 מְלָכִים י״ט:ט׳בערך תש״י לפנה״ס

    וישמע אל תרהקה מלך כוש לאמר הנה יצא להלחם אתך וישב וישלח מלאכים אל חזקיהו לאמר׃

  20. 2 מְלָכִים י״ט:י׳בערך תש״י לפנה״ס

    כה תאמרון אל חזקיהו מלך יהודה לאמר אל ישאך אלהיך אשר אתה בטח בו לאמר לא תנתן ירושלם ביד מלך אשור׃

  21. 2 מְלָכִים י״ט:י״אבערך תש״י לפנה״ס

    הנה אתה שמעת את אשר עשו מלכי אשור לכל הארצות להחרימם ואתה תנצל׃

  22. 2 מְלָכִים י״ט:י״בבערך תש״י לפנה״ס

    ההצילו אתם אלהי הגוים אשר שחתו אבותי את גוזן ואת חרן ורצף ובני עדן אשר בתלאשר׃

  23. 2 מְלָכִים י״ט:י״גבערך תש״י לפנה״ס

    איו מלך חמת ומלך ארפד ומלך לעיר ספרוים הנע ועוה׃

  24. 2 מְלָכִים י״ט:י״דבערך תש״י לפנה״ס

    ויקח חזקיהו את הספרים מיד המלאכים ויקראם ויעל בית יהוה ויפרשהו חזקיהו לפני יהוה׃

  25. 2 מְלָכִים י״ט:ט״ובערך תש״י לפנה״ס

    ויתפלל חזקיהו לפני יהוה ויאמר יהוה אלהי ישראל ישב הכרבים אתה הוא האלהים לבדך לכל ממלכות הארץ אתה עשית את השמים ואת הארץ׃