circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים כ׳:ד׳בערך תשי״ג לפנה״ס

    ויהי ישעיהו לא יצא העיר התיכנה ודבר יהוה היה אליו לאמר׃

  2. 2 מְלָכִים כ׳:ה׳בערך תשי״ג לפנה״ס

    שוב ואמרת אל חזקיהו נגיד עמי כה אמר יהוה אלהי דוד אביך שמעתי את תפלתך ראיתי את דמעתך הנני רפא לך ביום השלישי תעלה בית יהוה׃

  3. 2 מְלָכִים כ׳:ו׳בערך תשי״ג לפנה״ס

    והספתי על ימיך חמש עשרה שנה ומכף מלך אשור אצילך ואת העיר הזאת וגנותי על העיר הזאת למעני ולמען דוד עבדי׃

  4. 2 מְלָכִים כ׳:ז׳בערך תשי״ג לפנה״ס

    ויאמר ישעיהו קחו דבלת תאנים ויקחו וישימו על השחין ויחי׃

  5. 2 מְלָכִים כ׳:ח׳בערך תשי״ג לפנה״ס

    ויאמר חזקיהו אל ישעיהו מה אות כי ירפא יהוה לי ועליתי ביום השלישי בית יהוה׃

  6. 2 מְלָכִים כ׳:ט׳בערך תשי״ג לפנה״ס

    ויאמר ישעיהו זה לך האות מאת יהוה כי יעשה יהוה את הדבר אשר דבר הלך הצל עשר מעלות אם ישוב עשר מעלות׃

  7. 2 מְלָכִים כ׳:י׳בערך תשי״ג לפנה״ס

    ויאמר יחזקיהו נקל לצל לנטות עשר מעלות לא כי ישוב הצל אחרנית עשר מעלות׃

  8. 2 מְלָכִים כ׳:י״אבערך תשי״ג לפנה״ס

    ויקרא ישעיהו הנביא אל יהוה וישב את הצל במעלות אשר ירדה במעלות אחז אחרנית עשר מעלות׃

  9. 2 מְלָכִים כ׳:י״בבערך תשי״ב לפנה״ס

    בעת ההיא שלח בראדך בלאדן בן בלאדן מלך בבל ספרים ומנחה אל חזקיהו כי שמע כי חלה חזקיהו׃

  10. 2 מְלָכִים כ׳:י״גבערך תשי״ב לפנה״ס

    וישמע עליהם חזקיהו ויראם את כל בית נכתה את הכסף ואת הזהב ואת הבשמים ואת שמן הטוב ואת בית כליו ואת כל אשר נמצא באוצרתיו לא היה דבר אשר לא הראם חזקיהו בביתו ובכל ממשלתו׃

  11. 2 מְלָכִים כ׳:י״דבערך תשי״ב לפנה״ס

    ויבא ישעיהו הנביא אל המלך חזקיהו ויאמר אליו מה אמרו האנשים האלה ומאין יבאו אליך ויאמר חזקיהו מארץ רחוקה באו מבבל׃

  12. 2 מְלָכִים כ׳:ט״ובערך תשי״ב לפנה״ס

    ויאמר מה ראו בביתך ויאמר חזקיהו את כל אשר בביתי ראו לא היה דבר אשר לא הראיתם באצרתי׃

  13. 2 מְלָכִים כ׳:ט״זבערך תשי״ב לפנה״ס

    ויאמר ישעיהו אל חזקיהו שמע דבר יהוה׃

  14. 2 מְלָכִים כ׳:י״זבערך תשי״ב לפנה״ס

    הנה ימים באים ונשא כל אשר בביתך ואשר אצרו אבתיך עד היום הזה בבלה לא יותר דבר אמר יהוה׃

  15. 2 מְלָכִים כ׳:י״חבערך תשי״ב לפנה״ס

    ומבניך אשר יצאו ממך אשר תוליד יקח והיו סריסים בהיכל מלך בבל׃

  16. 2 מְלָכִים כ׳:י״טבערך תשי״ב לפנה״ס

    ויאמר חזקיהו אל ישעיהו טוב דבר יהוה אשר דברת ויאמר הלוא אם שלום ואמת יהיה בימי׃

  17. 2 מְלָכִים כ׳:כ׳בערך תשי״ב לפנה״ס

    ויתר דברי חזקיהו וכל גבורתו ואשר עשה את הברכה ואת התעלה ויבא את המים העירה הלא הם כתובים על ספר דברי הימים למלכי יהודה׃

  18. 2 מְלָכִים כ׳:כ״אבערך תרצ״ח לפנה״ס

    וישכב חזקיהו עם אבתיו וימלך מנשה בנו תחתיו׃

  19. 2 מְלָכִים כ״א:א׳בערך תרצ״ח לפנה״ס

    ¶ בן שתים עשרה שנה מנשה במלכו וחמשים וחמש שנה מלך בירושלם ושם אמו חפצי בה׃

  20. 2 מְלָכִים כ״א:ב׳בערך תרצ״ח לפנה״ס

    ויעש הרע בעיני יהוה כתועבת הגוים אשר הוריש יהוה מפני בני ישראל׃

  21. 2 מְלָכִים כ״א:ג׳בערך תרצ״ח לפנה״ס

    וישב ויבן את הבמות אשר אבד חזקיהו אביו ויקם מזבחת לבעל ויעש אשרה כאשר עשה אחאב מלך ישראל וישתחו לכל צבא השמים ויעבד אתם׃

  22. 2 מְלָכִים כ״א:ד׳בערך תרצ״ח לפנה״ס

    ובנה מזבחת בבית יהוה אשר אמר יהוה בירושלם אשים את שמי׃

  23. 2 מְלָכִים כ״א:ה׳בערך תרצ״ח לפנה״ס

    ויבן מזבחות לכל צבא השמים בשתי חצרות בית יהוה׃

  24. 2 מְלָכִים כ״א:ו׳בערך תרפ״ג לפנה״ס

    והעביר את בנו באש ועונן ונחש ועשה אוב וידענים הרבה לעשות הרע בעיני יהוה להכעיס׃

  25. 2 מְלָכִים כ״א:ז׳בערך תרצ״ח לפנה״ס

    וישם את פסל האשרה אשר עשה בבית אשר אמר יהוה אל דוד ואל שלמה בנו בבית הזה ובירושלם אשר בחרתי מכל שבטי ישראל אשים את שמי לעולם׃