circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים כ״א:ח׳בערך תרצ״ח לפנה״ס

    ולא אסיף להניד רגל ישראל מן האדמה אשר נתתי לאבותם רק אם ישמרו לעשות ככל אשר צויתים ולכל התורה אשר צוה אתם עבדי משה׃

  2. 2 מְלָכִים כ״א:ט׳בערך תרצ״ח לפנה״ס

    ולא שמעו ויתעם מנשה לעשות את הרע מן הגוים אשר השמיד יהוה מפני בני ישראל׃

  3. 2 מְלָכִים כ״א:י׳בערך תרצ״ח לפנה״ס

    וידבר יהוה ביד עבדיו הנביאים לאמר׃

  4. 2 מְלָכִים כ״א:י״אבערך תרצ״ח לפנה״ס

    יען אשר עשה מנשה מלך יהודה התעבות האלה הרע מכל אשר עשו האמרי אשר לפניו ויחטא גם את יהודה בגלוליו׃

  5. 2 מְלָכִים כ״א:י״בבערך תרצ״ח לפנה״ס

    לכן כה אמר יהוה אלהי ישראל הנני מביא רעה על ירושלם ויהודה אשר כל שמעיו תצלנה שתי אזניו׃

  6. 2 מְלָכִים כ״א:י״גבערך תרצ״ח לפנה״ס

    ונטיתי על ירושלם את קו שמרון ואת משקלת בית אחאב ומחיתי את ירושלם כאשר ימחה את הצלחת מחה והפך על פניה׃

  7. 2 מְלָכִים כ״א:י״דבערך תרצ״ח לפנה״ס

    ונטשתי את שארית נחלתי ונתתים ביד איביהם והיו לבז ולמשסה לכל איביהם׃

  8. 2 מְלָכִים כ״א:ט״ובערך תרצ״ח לפנה״ס

    יען אשר עשו את הרע בעיני ויהיו מכעסים אתי מן היום אשר יצאו אבותם ממצרים ועד היום הזה׃

  9. 2 מְלָכִים כ״א:ט״זבערך תרצ״ח לפנה״ס

    וגם דם נקי שפך מנשה הרבה מאד עד אשר מלא את ירושלם פה לפה לבד מחטאתו אשר החטיא את יהודה לעשות הרע בעיני יהוה׃

  10. 2 מְלָכִים כ״א:י״זבערך תרצ״ח לפנה״ס

    ויתר דברי מנשה וכל אשר עשה וחטאתו אשר חטא הלא הם כתובים על ספר דברי הימים למלכי יהודה׃

  11. 2 מְלָכִים כ״א:י״חבערך תרמ״ג לפנה״ס

    וישכב מנשה עם אבתיו ויקבר בגן ביתו בגן עזא וימלך אמון בנו תחתיו׃

  12. 2 מְלָכִים כ״א:י״טבערך תרמ״ג לפנה״ס

    בן עשרים ושתים שנה אמון במלכו ושתים שנים מלך בירושלם ושם אמו משלמת בת חרוץ מן יטבה׃

  13. 2 מְלָכִים כ״א:כ׳בערך תרמ״ג לפנה״ס

    ויעש הרע בעיני יהוה כאשר עשה מנשה אביו׃

  14. 2 מְלָכִים כ״א:כ״אבערך תרמ״ג לפנה״ס

    וילך בכל הדרך אשר הלך אביו ויעבד את הגללים אשר עבד אביו וישתחו להם׃

  15. 2 מְלָכִים כ״א:כ״בבערך תרמ״ג לפנה״ס

    ויעזב את יהוה אלהי אבתיו ולא הלך בדרך יהוה׃

  16. 2 מְלָכִים כ״א:כ״גבערך תרמ״א לפנה״ס

    ויקשרו עבדי אמון עליו וימיתו את המלך בביתו׃

  17. 2 מְלָכִים כ״א:כ״דבערך תרמ״א לפנה״ס

    ויך עם הארץ את כל הקשרים על המלך אמון וימליכו עם הארץ את יאשיהו בנו תחתיו׃

  18. 2 מְלָכִים כ״א:כ״הבערך תרמ״א לפנה״ס

    ויתר דברי אמון אשר עשה הלא הם כתובים על ספר דברי הימים למלכי יהודה׃

  19. 2 מְלָכִים כ״א:כ״ובערך תרמ״א לפנה״ס

    ויקבר אתו בקברתו בגן עזא וימלך יאשיהו בנו תחתיו׃

  20. 2 מְלָכִים כ״ב:א׳בערך תרמ״א לפנה״ס

    ¶ בן שמנה שנה יאשיהו במלכו ושלשים ואחת שנה מלך בירושלם ושם אמו ידידה בת עדיה מבצקת׃

  21. 2 מְלָכִים כ״ב:ב׳בערך תרמ״א לפנה״ס

    ויעש הישר בעיני יהוה וילך בכל דרך דוד אביו ולא סר ימין ושמאול׃

  22. 2 מְלָכִים כ״ב:ג׳בערך תרמ״ב לפנה״ס

    ויהי בשמנה עשרה שנה למלך יאשיהו שלח המלך את שפן בן אצליהו בן משלם הספר בית יהוה לאמר׃

  23. 2 מְלָכִים כ״ב:ד׳בערך תרמ״ב לפנה״ס

    עלה אל חלקיהו הכהן הגדול ויתם את הכסף המובא בית יהוה אשר אספו שמרי הסף מאת העם׃

  24. 2 מְלָכִים כ״ב:ה׳בערך תרמ״ב לפנה״ס

    ויתנה על יד עשי המלאכה המפקדים בבית יהוה ויתנו אתו לעשי המלאכה אשר בבית יהוה לחזק בדק הבית׃

  25. 2 מְלָכִים כ״ב:ו׳בערך תרמ״ב לפנה״ס

    לחרשים ולבנים ולגדרים ולקנות עצים ואבני מחצב לחזק את הבית׃