circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים כ״ג:י״ב

    ואת המזבחות אשר על הגג עלית אחז אשר עשו מלכי יהודה ואת המזבחות אשר עשה מנשה בשתי חצרות בית יהוה נתץ המלך וירץ משם והשליך את עפרם אל נחל קדרון׃

  2. 2 מְלָכִים כ״ג:י״ג

    ואת הבמות אשר על פני ירושלם אשר מימין להר המשחית אשר בנה שלמה מלך ישראל לעשתרת שקץ צידנים ולכמוש שקץ מואב ולמלכם תועבת בני עמון טמא המלך׃

  3. 2 מְלָכִים כ״ג:י״ד

    ושבר את המצבות ויכרת את האשרים וימלא את מקומם עצמות אדם׃

  4. 2 מְלָכִים כ״ג:ט״ו

    וגם את המזבח אשר בבית אל הבמה אשר עשה ירבעם בן נבט אשר החטיא את ישראל גם את המזבח ההוא ואת הבמה נתץ וישרף את הבמה הדק לעפר ושרף אשרה׃

  5. 2 מְלָכִים כ״ג:ט״ז

    ויפן יאשיהו וירא את הקברים אשר שם בהר וישלח ויקח את העצמות מן הקברים וישרף על המזבח ויטמאהו כדבר יהוה אשר קרא איש האלהים אשר קרא את הדברים האלה׃

  6. 2 מְלָכִים כ״ג:י״ז

    ויאמר מה הציון הלז אשר אני ראה ויאמרו אליו אנשי העיר הקבר איש האלהים אשר בא מיהודה ויקרא את הדברים האלה אשר עשית על המזבח בית אל׃

  7. 2 מְלָכִים כ״ג:י״ח

    ויאמר הניחו לו איש אל ינע עצמתיו וימלטו עצמתיו את עצמות הנביא אשר בא משמרון׃

  8. 2 מְלָכִים כ״ג:י״ט

    וגם את כל בתי הבמות אשר בערי שמרון אשר עשו מלכי ישראל להכעיס הסיר יאשיהו ויעש להם ככל המעשים אשר עשה בבית אל׃

  9. 2 מְלָכִים כ״ג:כ׳

    ויזבח את כל כהני הבמות אשר שם על המזבחות וישרף את עצמות אדם עליהם וישב ירושלם׃

  10. 2 מְלָכִים כ״ג:כ״א

    ויצו המלך את כל העם לאמר עשו פסח ליהוה אלהיכם ככתוב על ספר הברית הזה׃

  11. 2 מְלָכִים כ״ג:כ״ב

    כי לא נעשה כפסח הזה מימי השפטים אשר שפטו את ישראל וכל ימי מלכי ישראל ומלכי יהודה׃

  12. 2 מְלָכִים כ״ג:כ״ג

    כי אם בשמנה עשרה שנה למלך יאשיהו נעשה הפסח הזה ליהוה בירושלם׃

  13. 2 מְלָכִים כ״ג:כ״ד

    וגם את האבות ואת הידענים ואת התרפים ואת הגללים ואת כל השקצים אשר נראו בארץ יהודה ובירושלם בער יאשיהו למען הקים את דברי התורה הכתבים על הספר אשר מצא חלקיהו הכהן בית יהוה׃

  14. 2 מְלָכִים כ״ג:כ״הבערך תרמ״א לפנה״ס

    וכמהו לא היה לפניו מלך אשר שב אל יהוה בכל לבבו ובכל נפשו ובכל מאדו ככל תורת משה ואחריו לא קם כמהו׃

  15. 2 מְלָכִים כ״ג:כ״ובערך תרמ״א לפנה״ס

    אך לא שב יהוה מחרון אפו הגדול אשר חרה אפו ביהודה על כל הכעסים אשר הכעיסו מנשה׃

  16. 2 מְלָכִים כ״ג:כ״זבערך תרמ״א לפנה״ס

    ויאמר יהוה גם את יהודה אסיר מעל פני כאשר הסרתי את ישראל ומאסתי את העיר הזאת אשר בחרתי את ירושלם ואת הבית אשר אמרתי יהיה שמי שם׃

  17. 2 מְלָכִים כ״ג:כ״חבערך תרמ״א לפנה״ס

    ויתר דברי יאשיהו וכל אשר עשה הלא הם כתובים על ספר דברי הימים למלכי יהודה׃

  18. 2 מְלָכִים כ״ג:כ״טבערך תר״י לפנה״ס

    בימיו עלה פרעה נכה מלך מצרים על מלך אשור על נהר פרת וילך המלך יאשיהו לקראתו וימיתהו במגדו כראתו אתו׃

  19. 2 מְלָכִים כ״ג:ל׳בערך תר״י לפנה״ס

    וירכבהו עבדיו מת ממגדו ויבאהו ירושלם ויקברהו בקברתו ויקח עם הארץ את יהואחז בן יאשיהו וימשחו אתו וימליכו אתו תחת אביו׃

  20. 2 מְלָכִים כ״ג:ל״אבערך תר״י לפנה״ס

    בן עשרים ושלש שנה יהואחז במלכו ושלשה חדשים מלך בירושלם ושם אמו חמוטל בת ירמיהו מלבנה׃

  21. 2 מְלָכִים כ״ג:ל״בבערך תר״י לפנה״ס

    ויעש הרע בעיני יהוה ככל אשר עשו אבתיו׃

  22. 2 מְלָכִים כ״ג:ל״גבערך תר״י לפנה״ס

    ויאסרהו פרעה נכה ברבלה בארץ חמת במלך בירושלם ויתן ענש על הארץ מאה ככר כסף וככר זהב׃

  23. 2 מְלָכִים כ״ג:ל״דבערך תר״י לפנה״ס

    וימלך פרעה נכה את אליקים בן יאשיהו תחת יאשיהו אביו ויסב את שמו יהויקים ואת יהואחז לקח ויבא מצרים וימת שם׃

  24. 2 מְלָכִים כ״ג:ל״הבערך תר״י לפנה״ס

    והכסף והזהב נתן יהויקים לפרעה אך העריך את הארץ לתת את הכסף על פי פרעה איש כערכו נגש את הכסף ואת הזהב את עם הארץ לתת לפרעה נכה׃

  25. 2 מְלָכִים כ״ג:ל״ובערך תר״י לפנה״ס

    בן עשרים וחמש שנה יהויקים במלכו ואחת עשרה שנה מלך בירושלם ושם אמו זבידה בת פדיה מן רומה׃