circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים כ״ה:ה׳בערך תקפ״ח לפנה״ס

    וירדפו חיל כשדים אחר המלך וישגו אתו בערבות ירחו וכל חילו נפצו מעליו׃

  2. 2 מְלָכִים כ״ה:ו׳בערך תקפ״ח לפנה״ס

    ויתפשו את המלך ויעלו אתו אל מלך בבל רבלתה וידברו אתו משפט׃

  3. 2 מְלָכִים כ״ה:ז׳בערך תקפ״ח לפנה״ס

    ואת בני צדקיהו שחטו לעיניו ואת עיני צדקיהו עור ויאסרהו בנחשתים ויבאהו בבל׃

  4. 2 מְלָכִים כ״ה:ח׳בערך תקפ״ח לפנה״ס

    ובחדש החמישי בשבעה לחדש היא שנת תשע עשרה שנה למלך נבכדנאצר מלך בבל בא נבוזראדן רב טבחים עבד מלך בבל ירושלם׃

  5. 2 מְלָכִים כ״ה:ט׳בערך תקפ״ח לפנה״ס

    וישרף את בית יהוה ואת בית המלך ואת כל בתי ירושלם ואת כל בית גדול שרף באש׃

  6. 2 מְלָכִים כ״ה:י׳בערך תקפ״ח לפנה״ס

    ואת חומת ירושלם סביב נתצו כל חיל כשדים אשר רב טבחים׃

  7. 2 מְלָכִים כ״ה:י״אבערך תקפ״ח לפנה״ס

    ואת יתר העם הנשארים בעיר ואת הנפלים אשר נפלו על המלך בבל ואת יתר ההמון הגלה נבוזראדן רב טבחים׃

  8. 2 מְלָכִים כ״ה:י״בבערך תקפ״ח לפנה״ס

    ומדלת הארץ השאיר רב טבחים לכרמים וליגבים׃

  9. 2 מְלָכִים כ״ה:י״גבערך תקפ״ח לפנה״ס

    ואת עמודי הנחשת אשר בית יהוה ואת המכנות ואת ים הנחשת אשר בבית יהוה שברו כשדים וישאו את נחשתם בבלה׃

  10. 2 מְלָכִים כ״ה:י״דבערך תקפ״ח לפנה״ס

    ואת הסירת ואת היעים ואת המזמרות ואת הכפות ואת כל כלי הנחשת אשר ישרתו בם לקחו׃

  11. 2 מְלָכִים כ״ה:ט״ובערך תקפ״ח לפנה״ס

    ואת המחתות ואת המזרקות אשר זהב זהב ואשר כסף כסף לקח רב טבחים׃

  12. 2 מְלָכִים כ״ה:ט״זבערך תקפ״ח לפנה״ס

    העמודים שנים הים האחד והמכנות אשר עשה שלמה לבית יהוה לא היה משקל לנחשת כל הכלים האלה׃

  13. 2 מְלָכִים כ״ה:י״זבערך תקפ״ח לפנה״ס

    שמנה עשרה אמה קומת העמוד האחד וכתרת עליו נחשת וקומת הכתרת שלש אמה ושבכה ורמנים על הכתרת סביב הכל נחשת וכאלה לעמוד השני על השבכה׃

  14. 2 מְלָכִים כ״ה:י״חבערך תקפ״ח לפנה״ס

    ויקח רב טבחים את שריה כהן הראש ואת צפניהו כהן משנה ואת שלשת שמרי הסף׃

  15. 2 מְלָכִים כ״ה:י״טבערך תקפ״ח לפנה״ס

    ומן העיר לקח סריס אחד אשר הוא פקיד על אנשי המלחמה וחמשה אנשים מראי פני המלך אשר נמצאו בעיר ואת הספר שר הצבא המצבא את עם הארץ וששים איש מעם הארץ הנמצאים בעיר׃

  16. 2 מְלָכִים כ״ה:כ׳בערך תקפ״ח לפנה״ס

    ויקח אתם נבוזראדן רב טבחים וילך אתם על מלך בבל רבלתה׃

  17. 2 מְלָכִים כ״ה:כ״אבערך תקפ״ח לפנה״ס

    ויך אתם מלך בבל וימיתם ברבלה בארץ חמת ויגל יהודה מעל אדמתו׃

  18. 2 מְלָכִים כ״ה:כ״בבערך תקפ״ח לפנה״ס

    והעם הנשאר בארץ יהודה אשר השאיר נבוכדנאצר מלך בבל ויפקד עליהם את גדליהו בן אחיקם בן שפן׃

  19. 2 מְלָכִים כ״ה:כ״גבערך תקפ״ח לפנה״ס

    וישמעו כל שרי החילים המה והאנשים כי הפקיד מלך בבל את גדליהו ויבאו אל גדליהו המצפה וישמעאל בן נתניה ויוחנן בן קרח ושריה בן תנחמת הנטפתי ויאזניהו בן המעכתי המה ואנשיהם׃

  20. 2 מְלָכִים כ״ה:כ״דבערך תקפ״ח לפנה״ס

    וישבע להם גדליהו ולאנשיהם ויאמר להם אל תיראו מעבדי הכשדים שבו בארץ ועבדו את מלך בבל ויטב לכם׃

  21. 2 מְלָכִים כ״ה:כ״הבערך תקפ״ח לפנה״ס

    ויהי בחדש השביעי בא ישמעאל בן נתניה בן אלישמע מזרע המלוכה ועשרה אנשים אתו ויכו את גדליהו וימת ואת היהודים ואת הכשדים אשר היו אתו במצפה׃

  22. 2 מְלָכִים כ״ה:כ״ובערך תקפ״ח לפנה״ס

    ויקמו כל העם מקטן ועד גדול ושרי החילים ויבאו מצרים כי יראו מפני כשדים׃

  23. 2 מְלָכִים כ״ה:כ״זבערך תקס״ב לפנה״ס

    ויהי בשלשים ושבע שנה לגלות יהויכין מלך יהודה בשנים עשר חדש בעשרים ושבעה לחדש נשא אויל מרדך מלך בבל בשנת מלכו את ראש יהויכין מלך יהודה מבית כלא׃

  24. 2 מְלָכִים כ״ה:כ״חבערך תקס״ב לפנה״ס

    וידבר אתו טבות ויתן את כסאו מעל כסא המלכים אשר אתו בבבל׃

  25. 2 מְלָכִים כ״ה:כ״טבערך תקס״ב לפנה״ס

    ושנא את בגדי כלאו ואכל לחם תמיד לפניו כל ימי חייו׃