circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים כ״ג:ל״זבערך תר״י לפנה״ס

    ויעש הרע בעיני יהוה ככל אשר עשו אבתיו׃

  2. 2 מְלָכִים כ״ד:א׳

    ¶ בימיו עלה נבכדנאצר מלך בבל ויהי לו יהויקים עבד שלש שנים וישב וימרד בו׃

  3. 2 מְלָכִים כ״ד:ב׳

    וישלח יהוה בו את גדודי כשדים ואת גדודי ארם ואת גדודי מואב ואת גדודי בני עמון וישלחם ביהודה להאבידו כדבר יהוה אשר דבר ביד עבדיו הנביאים׃

  4. 2 מְלָכִים כ״ד:ג׳

    אך על פי יהוה היתה ביהודה להסיר מעל פניו בחטאת מנשה ככל אשר עשה׃

  5. 2 מְלָכִים כ״ד:ד׳

    וגם דם הנקי אשר שפך וימלא את ירושלם דם נקי ולא אבה יהוה לסלח׃

  6. 2 מְלָכִים כ״ד:ה׳

    ויתר דברי יהויקים וכל אשר עשה הלא הם כתובים על ספר דברי הימים למלכי יהודה׃

  7. 2 מְלָכִים כ״ד:ו׳בערך תקצ״ט לפנה״ס

    וישכב יהויקים עם אבתיו וימלך יהויכין בנו תחתיו׃

  8. 2 מְלָכִים כ״ד:ז׳בערך תקצ״ט לפנה״ס

    ולא הסיף עוד מלך מצרים לצאת מארצו כי לקח מלך בבל מנחל מצרים עד נהר פרת כל אשר היתה למלך מצרים׃

  9. 2 מְלָכִים כ״ד:ח׳בערך תקצ״ט לפנה״ס

    בן שמנה עשרה שנה יהויכין במלכו ושלשה חדשים מלך בירושלם ושם אמו נחשתא בת אלנתן מירושלם׃

  10. 2 מְלָכִים כ״ד:ט׳בערך תקצ״ט לפנה״ס

    ויעש הרע בעיני יהוה ככל אשר עשה אביו׃

  11. 2 מְלָכִים כ״ד:י׳בערך תקצ״ט לפנה״ס

    בעת ההיא עלה עבדי נבכדנאצר מלך בבל ירושלם ותבא העיר במצור׃

  12. 2 מְלָכִים כ״ד:י״אבערך תקצ״ט לפנה״ס

    ויבא נבוכדנאצר מלך בבל על העיר ועבדיו צרים עליה׃

  13. 2 מְלָכִים כ״ד:י״בבערך תקצ״ט לפנה״ס

    ויצא יהויכין מלך יהודה על מלך בבל הוא ואמו ועבדיו ושריו וסריסיו ויקח אתו מלך בבל בשנת שמנה למלכו׃

  14. 2 מְלָכִים כ״ד:י״גבערך תקצ״ט לפנה״ס

    ויוצא משם את כל אוצרות בית יהוה ואוצרות בית המלך ויקצץ את כל כלי הזהב אשר עשה שלמה מלך ישראל בהיכל יהוה כאשר דבר יהוה׃

  15. 2 מְלָכִים כ״ד:י״דבערך תקצ״ט לפנה״ס

    והגלה את כל ירושלם ואת כל השרים ואת כל גבורי החיל עשרה אלפים גולה וכל החרש והמסגר לא נשאר זולת דלת עם הארץ׃

  16. 2 מְלָכִים כ״ד:ט״ובערך תקצ״ט לפנה״ס

    ויגל את יהויכין בבלה ואת אם המלך ואת נשי המלך ואת סריסיו ואת אולי הארץ הוליך גולה מירושלם בבלה׃

  17. 2 מְלָכִים כ״ד:ט״זבערך תקצ״ט לפנה״ס

    ואת כל אנשי החיל שבעת אלפים והחרש והמסגר אלף הכל גבורים עשי מלחמה ויביאם מלך בבל גולה בבלה׃

  18. 2 מְלָכִים כ״ד:י״זבערך תקצ״ט לפנה״ס

    וימלך מלך בבל את מתניה דדו תחתיו ויסב את שמו צדקיהו׃

  19. 2 מְלָכִים כ״ד:י״חבערך תקצ״ט לפנה״ס

    בן עשרים ואחת שנה צדקיהו במלכו ואחת עשרה שנה מלך בירושלם ושם אמו חמיטל בת ירמיהו מלבנה׃

  20. 2 מְלָכִים כ״ד:י״טבערך תקצ״ט לפנה״ס

    ויעש הרע בעיני יהוה ככל אשר עשה יהויקים׃

  21. 2 מְלָכִים כ״ד:כ׳בערך תקצ״ט לפנה״ס

    כי על אף יהוה היתה בירושלם וביהודה עד השלכו אתם מעל פניו וימרד צדקיהו במלך בבל׃

  22. 2 מְלָכִים כ״ה:א׳בערך תק״צ לפנה״ס

    ¶ ויהי בשנת התשיעית למלכו בחדש העשירי בעשור לחדש בא נבכדנאצר מלך בבל הוא וכל חילו על ירושלם ויחן עליה ויבנו עליה דיק סביב׃

  23. 2 מְלָכִים כ״ה:ב׳בערך תק״צ לפנה״ס

    ותבא העיר במצור עד עשתי עשרה שנה למלך צדקיהו׃

  24. 2 מְלָכִים כ״ה:ג׳בערך תקפ״ח לפנה״ס

    בתשעה לחדש ויחזק הרעב בעיר ולא היה לחם לעם הארץ׃

  25. 2 מְלָכִים כ״ה:ד׳בערך תקפ״ח לפנה״ס

    ותבקע העיר וכל אנשי המלחמה הלילה דרך שער בין החמתים אשר על גן המלך וכשדים על העיר סביב וילך דרך הערבה׃