circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים כ״ב:ז׳בערך תרמ״ב לפנה״ס

    אך לא יחשב אתם הכסף הנתן על ידם כי באמונה הם עשים׃

  2. 2 מְלָכִים כ״ב:ח׳בערך תרמ״ב לפנה״ס

    ויאמר חלקיהו הכהן הגדול על שפן הספר ספר התורה מצאתי בבית יהוה ויתן חלקיה את הספר אל שפן ויקראהו׃

  3. 2 מְלָכִים כ״ב:ט׳בערך תרמ״ב לפנה״ס

    ויבא שפן הספר אל המלך וישב את המלך דבר ויאמר התיכו עבדיך את הכסף הנמצא בבית ויתנהו על יד עשי המלאכה המפקדים בית יהוה׃

  4. 2 מְלָכִים כ״ב:י׳בערך תרמ״ב לפנה״ס

    ויגד שפן הספר למלך לאמר ספר נתן לי חלקיה הכהן ויקראהו שפן לפני המלך׃

  5. 2 מְלָכִים כ״ב:י״אבערך תרמ״ב לפנה״ס

    ויהי כשמע המלך את דברי ספר התורה ויקרע את בגדיו׃

  6. 2 מְלָכִים כ״ב:י״בבערך תרמ״ב לפנה״ס

    ויצו המלך את חלקיה הכהן ואת אחיקם בן שפן ואת עכבור בן מיכיה ואת שפן הספר ואת עשיה עבד המלך לאמר׃

  7. 2 מְלָכִים כ״ב:י״גבערך תרמ״ב לפנה״ס

    לכו דרשו את יהוה בעדי ובעד העם ובעד כל יהודה על דברי הספר הנמצא הזה כי גדולה חמת יהוה אשר היא נצתה בנו על אשר לא שמעו אבתינו על דברי הספר הזה לעשות ככל הכתוב עלינו׃

  8. 2 מְלָכִים כ״ב:י״דבערך תרמ״ב לפנה״ס

    וילך חלקיהו הכהן ואחיקם ועכבור ושפן ועשיה אל חלדה הנביאה אשת שלם בן תקוה בן חרחס שמר הבגדים והיא ישבת בירושלם במשנה וידברו אליה׃

  9. 2 מְלָכִים כ״ב:ט״ובערך תרמ״ב לפנה״ס

    ותאמר אליהם כה אמר יהוה אלהי ישראל אמרו לאיש אשר שלח אתכם אלי׃

  10. 2 מְלָכִים כ״ב:ט״זבערך תרמ״ב לפנה״ס

    כה אמר יהוה הנני מביא רעה אל המקום הזה ועל ישביו את כל דברי הספר אשר קרא מלך יהודה׃

  11. 2 מְלָכִים כ״ב:י״זבערך תרמ״ב לפנה״ס

    תחת אשר עזבוני ויקטרו לאלהים אחרים למען הכעיסני בכל מעשה ידיהם ונצתה חמתי במקום הזה ולא תכבה׃

  12. 2 מְלָכִים כ״ב:י״חבערך תרמ״ב לפנה״ס

    ואל מלך יהודה השלח אתכם לדרש את יהוה כה תאמרו אליו כה אמר יהוה אלהי ישראל הדברים אשר שמעת׃

  13. 2 מְלָכִים כ״ב:י״טבערך תרמ״ב לפנה״ס

    יען רך לבבך ותכנע מפני יהוה בשמעך אשר דברתי על המקום הזה ועל ישביו להיות לשמה ולקללה ותקרע את בגדיך ותבכה לפני וגם אנכי שמעתי נאם יהוה׃

  14. 2 מְלָכִים כ״ב:כ׳בערך תרמ״ב לפנה״ס

    לכן הנני אספך על אבתיך ונאספת אל קברתיך בשלום ולא תראינה עיניך בכל הרעה אשר אני מביא על המקום הזה וישיבו את המלך דבר׃

  15. 2 מְלָכִים כ״ג:א׳

    ¶ וישלח המלך ויאספו אליו כל זקני יהודה וירושלם׃

  16. 2 מְלָכִים כ״ג:ב׳

    ויעל המלך בית יהוה וכל איש יהודה וכל ישבי ירושלם אתו והכהנים והנביאים וכל העם למקטן ועד גדול ויקרא באזניהם את כל דברי ספר הברית הנמצא בבית יהוה׃

  17. 2 מְלָכִים כ״ג:ג׳

    ויעמד המלך על העמוד ויכרת את הברית לפני יהוה ללכת אחר יהוה ולשמר מצותיו ואת עדותיו ואת חקתיו בכל לב ובכל נפש להקים את דברי הברית הזאת הכתבים על הספר הזה ויעמד כל העם בברית׃

  18. 2 מְלָכִים כ״ג:ד׳

    ויצו המלך את חלקיהו הכהן הגדול ואת כהני המשנה ואת שמרי הסף להוציא מהיכל יהוה את כל הכלים העשוים לבעל ולאשרה ולכל צבא השמים וישרפם מחוץ לירושלם בשדמות קדרון ונשא את עפרם בית אל׃

  19. 2 מְלָכִים כ״ג:ה׳

    והשבית את הכמרים אשר נתנו מלכי יהודה ויקטר בבמות בערי יהודה ומסבי ירושלם ואת המקטרים לבעל לשמש ולירח ולמזלות ולכל צבא השמים׃

  20. 2 מְלָכִים כ״ג:ו׳

    ויצא את האשרה מבית יהוה מחוץ לירושלם אל נחל קדרון וישרף אתה בנחל קדרון וידק לעפר וישלך את עפרה על קבר בני העם׃

  21. 2 מְלָכִים כ״ג:ז׳

    ויתץ את בתי הקדשים אשר בבית יהוה אשר הנשים ארגות שם בתים לאשרה׃

  22. 2 מְלָכִים כ״ג:ח׳

    ויבא את כל הכהנים מערי יהודה ויטמא את הבמות אשר קטרו שמה הכהנים מגבע עד באר שבע ונתץ את במות השערים אשר פתח שער יהושע שר העיר אשר על שמאול איש בשער העיר׃

  23. 2 מְלָכִים כ״ג:ט׳

    אך לא יעלו כהני הבמות אל מזבח יהוה בירושלם כי אם אכלו מצות בתוך אחיהם׃

  24. 2 מְלָכִים כ״ג:י׳

    וטמא את התפת אשר בגי בני הנם לבלתי להעביר איש את בנו ואת בתו באש למלך׃

  25. 2 מְלָכִים כ״ג:י״א

    וישבת את הסוסים אשר נתנו מלכי יהודה לשמש מבא בית יהוה אל לשכת נתן מלך הסריס אשר בפרורים ואת מרכבות השמש שרף באש׃