circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים י״ט:ט״זבערך תש״י לפנה״ס

    הטה יהוה אזנך ושמע פקח יהוה עיניך וראה ושמע את דברי סנחריב אשר שלחו לחרף אלהים חי׃

  2. 2 מְלָכִים י״ט:י״זבערך תש״י לפנה״ס

    אמנם יהוה החריבו מלכי אשור את הגוים ואת ארצם׃

  3. 2 מְלָכִים י״ט:י״חבערך תש״י לפנה״ס

    ונתנו את אלהיהם באש כי לא אלהים המה כי אם מעשה ידי אדם עץ ואבן ויאבדום׃

  4. 2 מְלָכִים י״ט:י״טבערך תש״י לפנה״ס

    ועתה יהוה אלהינו הושיענו נא מידו וידעו כל ממלכות הארץ כי אתה יהוה אלהים לבדך׃

  5. 2 מְלָכִים י״ט:כ׳בערך תש״י לפנה״ס

    וישלח ישעיהו בן אמוץ אל חזקיהו לאמר כה אמר יהוה אלהי ישראל אשר התפללת אלי אל סנחרב מלך אשור שמעתי׃

  6. 2 מְלָכִים י״ט:כ״אבערך תש״י לפנה״ס

    זה הדבר אשר דבר יהוה עליו בזה לך לעגה לך בתולת בת ציון אחריך ראש הניעה בת ירושלם׃

  7. 2 מְלָכִים י״ט:כ״בבערך תש״י לפנה״ס

    את מי חרפת וגדפת ועל מי הרימות קול ותשא מרום עיניך על קדוש ישראל׃

  8. 2 מְלָכִים י״ט:כ״גבערך תש״י לפנה״ס

    ביד מלאכיך חרפת אדני ותאמר ברכב רכבי אני עליתי מרום הרים ירכתי לבנון ואכרת קומת ארזיו מבחור ברשיו ואבואה מלון קצה יער כרמלו׃

  9. 2 מְלָכִים י״ט:כ״דבערך תש״י לפנה״ס

    אני קרתי ושתיתי מים זרים ואחרב בכף פעמי כל יארי מצור׃

  10. 2 מְלָכִים י״ט:כ״הבערך תש״י לפנה״ס

    הלא שמעת למרחוק אתה עשיתי למימי קדם ויצרתיה עתה הביאתיה ותהי להשות גלים נצים ערים בצרות׃

  11. 2 מְלָכִים י״ט:כ״ובערך תש״י לפנה״ס

    וישביהן קצרי יד חתו ויבשו היו עשב שדה וירק דשא חציר גגות ושדפה לפני קמה׃

  12. 2 מְלָכִים י״ט:כ״זבערך תש״י לפנה״ס

    ושבתך וצאתך ובאך ידעתי ואת התרגזך אלי׃

  13. 2 מְלָכִים י״ט:כ״חבערך תש״י לפנה״ס

    יען התרגזך אלי ושאננך עלה באזני ושמתי חחי באפך ומתגי בשפתיך והשבתיך בדרך אשר באת בה׃

  14. 2 מְלָכִים י״ט:כ״טבערך תש״י לפנה״ס

    וזה לך האות אכול השנה ספיח ובשנה השנית סחיש ובשנה השלישית זרעו וקצרו ונטעו כרמים ואכלו פרים׃

  15. 2 מְלָכִים י״ט:ל׳בערך תש״י לפנה״ס

    ויספה פליטת בית יהודה הנשארה שרש למטה ועשה פרי למעלה׃

  16. 2 מְלָכִים י״ט:ל״אבערך תש״י לפנה״ס

    כי מירושלם תצא שארית ופליטה מהר ציון קנאת יהוה תעשה זאת׃

  17. 2 מְלָכִים י״ט:ל״בבערך תש״י לפנה״ס

    לכן כה אמר יהוה אל מלך אשור לא יבא אל העיר הזאת ולא יורה שם חץ ולא יקדמנה מגן ולא ישפך עליה סללה׃

  18. 2 מְלָכִים י״ט:ל״גבערך תש״י לפנה״ס

    בדרך אשר יבא בה ישוב ואל העיר הזאת לא יבא נאם יהוה׃

  19. 2 מְלָכִים י״ט:ל״דבערך תש״י לפנה״ס

    וגנותי אל העיר הזאת להושיעה למעני ולמען דוד עבדי׃

  20. 2 מְלָכִים י״ט:ל״הבערך תש״י לפנה״ס

    ויהי בלילה ההוא ויצא מלאך יהוה ויך במחנה אשור מאה שמונים וחמשה אלף וישכימו בבקר והנה כלם פגרים מתים׃

  21. 2 מְלָכִים י״ט:ל״ובערך תש״י לפנה״ס

    ויסע וילך וישב סנחריב מלך אשור וישב בנינוה׃

  22. 2 מְלָכִים י״ט:ל״זבערך תש״י לפנה״ס

    ויהי הוא משתחוה בית נסרך אלהיו ואדרמלך ושראצר הכהו בחרב והמה נמלטו ארץ אררט וימלך אסר חדן בנו תחתיו׃

  23. 2 מְלָכִים כ׳:א׳בערך תשי״ג לפנה״ס

    ¶ בימים ההם חלה חזקיהו למות ויבא אליו ישעיהו בן אמוץ הנביא ויאמר אליו כה אמר יהוה צו לביתך כי מת אתה ולא תחיה׃

  24. 2 מְלָכִים כ׳:ב׳בערך תשי״ג לפנה״ס

    ויסב את פניו אל הקיר ויתפלל אל יהוה לאמר׃

  25. 2 מְלָכִים כ׳:ג׳בערך תשי״ג לפנה״ס

    אנה יהוה זכר נא את אשר התהלכתי לפניך באמת ובלבב שלם והטוב בעיניך עשיתי ויבך חזקיהו בכי גדול׃