circa 970–930 BC

Solomon & The Temple

Solomon builds the great Temple in Jerusalem and rules with unprecedented wisdom and wealth before foreign gods divide his heart.

635 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 דִּבְרֵי הַיָּמִים א׳:י״זבערך תט״ו לפנה״ס

    ויעלו ויוציאו ממצרים מרכבה בשש מאות כסף וסוס בחמשים ומאה וכן לכל מלכי החתים ומלכי ארם בידם יוציאו׃

  2. 2 דִּבְרֵי הַיָּמִים ב׳:א׳בערך תט״ו לפנה״ס

    ¶ ויאמר שלמה לבנות בית לשם יהוה ובית למלכותו׃

  3. 2 דִּבְרֵי הַיָּמִים ב׳:ב׳בערך תט״ו לפנה״ס

    ויספר שלמה שבעים אלף איש סבל ושמונים אלף איש חצב בהר ומנצחים עליהם שלשת אלפים ושש מאות׃

  4. 2 דִּבְרֵי הַיָּמִים ב׳:ג׳בערך תט״ו לפנה״ס

    וישלח שלמה אל חורם מלך צר לאמר כאשר עשית עם דויד אבי ותשלח לו ארזים לבנות לו בית לשבת בו׃

  5. 2 דִּבְרֵי הַיָּמִים ב׳:ד׳בערך תט״ו לפנה״ס

    הנה אני בונה בית לשם יהוה אלהי להקדיש לו להקטיר לפניו קטרת סמים ומערכת תמיד ועלות לבקר ולערב לשבתות ולחדשים ולמועדי יהוה אלהינו לעולם זאת על ישראל׃

  6. 2 דִּבְרֵי הַיָּמִים ב׳:ה׳בערך תט״ו לפנה״ס

    והבית אשר אני בונה גדול כי גדול אלהינו מכל האלהים׃

  7. 2 דִּבְרֵי הַיָּמִים ב׳:ו׳בערך תט״ו לפנה״ס

    ומי יעצר כח לבנות לו בית כי השמים ושמי השמים לא יכלכלהו ומי אני אשר אבנה לו בית כי אם להקטיר לפניו׃

  8. 2 דִּבְרֵי הַיָּמִים ב׳:ז׳בערך תט״ו לפנה״ס

    ועתה שלח לי איש חכם לעשות בזהב ובכסף ובנחשת ובברזל ובארגון וכרמיל ותכלת וידע לפתח פתוחים עם החכמים אשר עמי ביהודה ובירושלם אשר הכין דויד אבי׃

  9. 2 דִּבְרֵי הַיָּמִים ב׳:ח׳בערך תט״ו לפנה״ס

    ושלח לי עצי ארזים ברושים ואלגומים מהלבנון כי אני ידעתי אשר עבדיך יודעים לכרות עצי לבנון והנה עבדי עם עבדיך׃

  10. 2 דִּבְרֵי הַיָּמִים ב׳:ט׳בערך תט״ו לפנה״ס

    ולהכין לי עצים לרב כי הבית אשר אני בונה גדול והפלא׃

  11. 2 דִּבְרֵי הַיָּמִים ב׳:י׳בערך תט״ו לפנה״ס

    והנה לחטבים לכרתי העצים נתתי חטים מכות לעבדיך כרים עשרים אלף ושערים כרים עשרים אלף ויין בתים עשרים אלף ושמן בתים עשרים אלף׃

  12. 2 דִּבְרֵי הַיָּמִים ב׳:י״אבערך תט״ו לפנה״ס

    ויאמר חורם מלך צר בכתב וישלח אל שלמה באהבת יהוה את עמו נתנך עליהם מלך׃

  13. 2 דִּבְרֵי הַיָּמִים ב׳:י״בבערך תט״ו לפנה״ס

    ויאמר חורם ברוך יהוה אלהי ישראל אשר עשה את השמים ואת הארץ אשר נתן לדויד המלך בן חכם יודע שכל ובינה אשר יבנה בית ליהוה ובית למלכותו׃

  14. 2 דִּבְרֵי הַיָּמִים ב׳:י״גבערך תט״ו לפנה״ס

    ועתה שלחתי איש חכם יודע בינה לחורם אבי׃

  15. 2 דִּבְרֵי הַיָּמִים ב׳:י״דבערך תט״ו לפנה״ס

    בן אשה מן בנות דן ואביו איש צרי יודע לעשות בזהב ובכסף בנחשת בברזל באבנים ובעצים בארגמן בתכלת ובבוץ ובכרמיל ולפתח כל פתוח ולחשב כל מחשבת אשר ינתן לו עם חכמיך וחכמי אדני דויד אביך׃

  16. 2 דִּבְרֵי הַיָּמִים ב׳:ט״ובערך תט״ו לפנה״ס

    ועתה החטים והשערים השמן והיין אשר אמר אדני ישלח לעבדיו׃

  17. 2 דִּבְרֵי הַיָּמִים ב׳:ט״זבערך תט״ו לפנה״ס

    ואנחנו נכרת עצים מן הלבנון ככל צרכך ונביאם לך רפסדות על ים יפו ואתה תעלה אתם ירושלם׃

  18. 2 דִּבְרֵי הַיָּמִים ב׳:י״זבערך תט״ו לפנה״ס

    ויספר שלמה כל האנשים הגירים אשר בארץ ישראל אחרי הספר אשר ספרם דויד אביו וימצאו מאה וחמשים אלף ושלשת אלפים ושש מאות׃

  19. 2 דִּבְרֵי הַיָּמִים ב׳:י״חבערך תט״ו לפנה״ס

    ויעש מהם שבעים אלף סבל ושמנים אלף חצב בהר ושלשת אלפים ושש מאות מנצחים להעביד את העם׃

  20. 2 דִּבְרֵי הַיָּמִים ג׳:א׳בערך תי״א לפנה״ס

    ¶ ויחל שלמה לבנות את בית יהוה בירושלם בהר המוריה אשר נראה לדויד אביהו אשר הכין במקום דויד בגרן ארנן היבוסי׃

  21. 2 דִּבְרֵי הַיָּמִים ג׳:ב׳בערך תי״א לפנה״ס

    ויחל לבנות בחדש השני בשני בשנת ארבע למלכותו׃

  22. 2 דִּבְרֵי הַיָּמִים ג׳:ג׳בערך תי״א לפנה״ס

    ואלה הוסד שלמה לבנות את בית האלהים הארך אמות במדה הראשונה אמות ששים ורחב אמות עשרים׃

  23. 2 דִּבְרֵי הַיָּמִים ג׳:ד׳בערך תי״א לפנה״ס

    והאולם אשר על פני הארך על פני רחב הבית אמות עשרים והגבה מאה ועשרים ויצפהו מפנימה זהב טהור׃

  24. 2 דִּבְרֵי הַיָּמִים ג׳:ה׳בערך תי״א לפנה״ס

    ואת הבית הגדול חפה עץ ברושים ויחפהו זהב טוב ויעל עליו תמרים ושרשרות׃

  25. 2 דִּבְרֵי הַיָּמִים ג׳:ו׳בערך תי״א לפנה״ס

    ויצף את הבית אבן יקרה לתפארת והזהב זהב פרוים׃