circa 970–930 BC

Solomon & The Temple

Solomon builds the great Temple in Jerusalem and rules with unprecedented wisdom and wealth before foreign gods divide his heart.

635 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים י״א:י׳בערך תפ״ד לפנה״ס

    וצוה אליו על הדבר הזה לבלתי לכת אחרי אלהים אחרים ולא שמר את אשר צוה יהוה׃

  2. 1 מְלָכִים י״א:י״אבערך תפ״ד לפנה״ס

    ויאמר יהוה לשלמה יען אשר היתה זאת עמך ולא שמרת בריתי וחקתי אשר צויתי עליך קרע אקרע את הממלכה מעליך ונתתיה לעבדך׃

  3. 1 מְלָכִים י״א:י״בבערך תפ״ד לפנה״ס

    אך בימיך לא אעשנה למען דוד אביך מיד בנך אקרענה׃

  4. 1 מְלָכִים י״א:י״גבערך תפ״ד לפנה״ס

    רק את כל הממלכה לא אקרע שבט אחד אתן לבנך למען דוד עבדי ולמען ירושלם אשר בחרתי׃

  5. 1 מְלָכִים י״א:י״דבערך תפ״ד לפנה״ס

    ויקם יהוה שטן לשלמה את הדד האדמי מזרע המלך הוא באדום׃

  6. 1 מְלָכִים י״א:ט״ובערך תפ״ד לפנה״ס

    ויהי בהיות דוד את אדום בעלות יואב שר הצבא לקבר את החללים ויך כל זכר באדום׃

  7. 1 מְלָכִים י״א:ט״זבערך תפ״ד לפנה״ס

    כי ששת חדשים ישב שם יואב וכל ישראל עד הכרית כל זכר באדום׃

  8. 1 מְלָכִים י״א:י״זבערך תפ״ד לפנה״ס

    ויברח אדד הוא ואנשים אדמיים מעבדי אביו אתו לבוא מצרים והדד נער קטן׃

  9. 1 מְלָכִים י״א:י״חבערך תפ״ד לפנה״ס

    ויקמו ממדין ויבאו פארן ויקחו אנשים עמם מפארן ויבאו מצרים אל פרעה מלך מצרים ויתן לו בית ולחם אמר לו וארץ נתן לו׃

  10. 1 מְלָכִים י״א:י״טבערך תפ״ד לפנה״ס

    וימצא הדד חן בעיני פרעה מאד ויתן לו אשה את אחות אשתו אחות תחפניס הגבירה׃

  11. 1 מְלָכִים י״א:כ׳בערך תפ״ד לפנה״ס

    ותלד לו אחות תחפניס את גנבת בנו ותגמלהו תחפנס בתוך בית פרעה ויהי גנבת בית פרעה בתוך בני פרעה׃

  12. 1 מְלָכִים י״א:כ״אבערך תפ״ד לפנה״ס

    והדד שמע במצרים כי שכב דוד עם אבתיו וכי מת יואב שר הצבא ויאמר הדד אל פרעה שלחני ואלך אל ארצי׃

  13. 1 מְלָכִים י״א:כ״בבערך תפ״ד לפנה״ס

    ויאמר לו פרעה כי מה אתה חסר עמי והנך מבקש ללכת אל ארצך ויאמר לא כי שלח תשלחני׃

  14. 1 מְלָכִים י״א:כ״גבערך תפ״ד לפנה״ס

    ויקם אלהים לו שטן את רזון בן אלידע אשר ברח מאת הדדעזר מלך צובה אדניו׃

  15. 1 מְלָכִים י״א:כ״דבערך תפ״ד לפנה״ס

    ויקבץ עליו אנשים ויהי שר גדוד בהרג דוד אתם וילכו דמשק וישבו בה וימלכו בדמשק׃

  16. 1 מְלָכִים י״א:כ״הבערך תפ״ד לפנה״ס

    ויהי שטן לישראל כל ימי שלמה ואת הרעה אשר הדד ויקץ בישראל וימלך על ארם׃

  17. 1 מְלָכִים י״א:כ״ובערך תפ״ד לפנה״ס

    וירבעם בן נבט אפרתי מן הצרדה ושם אמו צרועה אשה אלמנה עבד לשלמה וירם יד במלך׃

  18. 1 מְלָכִים י״א:כ״זבערך תפ״ד לפנה״ס

    וזה הדבר אשר הרים יד במלך שלמה בנה את המלוא סגר את פרץ עיר דוד אביו׃

  19. 1 מְלָכִים י״א:כ״חבערך תפ״ד לפנה״ס

    והאיש ירבעם גבור חיל וירא שלמה את הנער כי עשה מלאכה הוא ויפקד אתו לכל סבל בית יוסף׃

  20. 1 מְלָכִים י״א:כ״טבערך תפ״ד לפנה״ס

    ויהי בעת ההיא וירבעם יצא מירושלם וימצא אתו אחיה השילני הנביא בדרך והוא מתכסה בשלמה חדשה ושניהם לבדם בשדה׃

  21. 1 מְלָכִים י״א:ל׳בערך תפ״ד לפנה״ס

    ויתפש אחיה בשלמה החדשה אשר עליו ויקרעה שנים עשר קרעים׃

  22. 1 מְלָכִים י״א:ל״אבערך תפ״ד לפנה״ס

    ויאמר לירבעם קח לך עשרה קרעים כי כה אמר יהוה אלהי ישראל הנני קרע את הממלכה מיד שלמה ונתתי לך את עשרה השבטים׃

  23. 1 מְלָכִים י״א:ל״בבערך תפ״ד לפנה״ס

    והשבט האחד יהיה לו למען עבדי דוד ולמען ירושלם העיר אשר בחרתי בה מכל שבטי ישראל׃

  24. 1 מְלָכִים י״א:ל״גבערך תפ״ד לפנה״ס

    יען אשר עזבוני וישתחוו לעשתרת אלהי צדנין לכמוש אלהי מואב ולמלכם אלהי בני עמון ולא הלכו בדרכי לעשות הישר בעיני וחקתי ומשפטי כדוד אביו׃

  25. 1 מְלָכִים י״א:ל״דבערך תפ״ד לפנה״ס

    ולא אקח את כל הממלכה מידו כי נשיא אשתנו כל ימי חייו למען דוד עבדי אשר בחרתי אתו אשר שמר מצותי וחקתי׃