circa 970–930 BC

Solomon & The Temple

Solomon builds the great Temple in Jerusalem and rules with unprecedented wisdom and wealth before foreign gods divide his heart.

635 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים ט׳:י״זבערך תט״ו לפנה״ס

    ויבן שלמה את גזר ואת בית חרן תחתון׃

  2. 1 מְלָכִים ט׳:י״חבערך תט״ו לפנה״ס

    ואת בעלת ואת תמר במדבר בארץ׃

  3. 1 מְלָכִים ט׳:י״טבערך תט״ו לפנה״ס

    ואת כל ערי המסכנות אשר היו לשלמה ואת ערי הרכב ואת ערי הפרשים ואת חשק שלמה אשר חשק לבנות בירושלם ובלבנון ובכל ארץ ממשלתו׃

  4. 1 מְלָכִים ט׳:כ׳בערך תט״ו לפנה״ס

    כל העם הנותר מן האמרי החתי הפרזי החוי והיבוסי אשר לא מבני ישראל המה׃

  5. 1 מְלָכִים ט׳:כ״אבערך תט״ו לפנה״ס

    בניהם אשר נתרו אחריהם בארץ אשר לא יכלו בני ישראל להחרימם ויעלם שלמה למס עבד עד היום הזה׃

  6. 1 מְלָכִים ט׳:כ״בבערך תט״ו לפנה״ס

    ומבני ישראל לא נתן שלמה עבד כי הם אנשי המלחמה ועבדיו ושריו ושלשיו ושרי רכבו ופרשיו׃

  7. 1 מְלָכִים ט׳:כ״גבערך תט״ו לפנה״ס

    אלה שרי הנצבים אשר על המלאכה לשלמה חמשים וחמש מאות הרדים בעם העשים במלאכה׃

  8. 1 מְלָכִים ט׳:כ״דבערך תט״ו לפנה״ס

    אך בת פרעה עלתה מעיר דוד אל ביתה אשר בנה לה אז בנה את המלוא׃

  9. 1 מְלָכִים ט׳:כ״הבערך תט״ו לפנה״ס

    והעלה שלמה שלש פעמים בשנה עלות ושלמים על המזבח אשר בנה ליהוה והקטיר אתו אשר לפני יהוה ושלם את הבית׃

  10. 1 מְלָכִים ט׳:כ״ובערך תט״ו לפנה״ס

    ואני עשה המלך שלמה בעציון גבר אשר את אלות על שפת ים סוף בארץ אדום׃

  11. 1 מְלָכִים ט׳:כ״זבערך תט״ו לפנה״ס

    וישלח חירם באני את עבדיו אנשי אניות ידעי הים עם עבדי שלמה׃

  12. 1 מְלָכִים ט׳:כ״חבערך תט״ו לפנה״ס

    ויבאו אופירה ויקחו משם זהב ארבע מאות ועשרים ככר ויבאו אל המלך שלמה׃

  13. 1 מְלָכִים י׳:א׳בערך ת״צ לפנה״ס

    ¶ ומלכת שבא שמעת את שמע שלמה לשם יהוה ותבא לנסתו בחידות׃

  14. 1 מְלָכִים י׳:ב׳בערך ת״צ לפנה״ס

    ותבא ירושלמה בחיל כבד מאד גמלים נשאים בשמים וזהב רב מאד ואבן יקרה ותבא אל שלמה ותדבר אליו את כל אשר היה עם לבבה׃

  15. 1 מְלָכִים י׳:ג׳בערך ת״צ לפנה״ס

    ויגד לה שלמה את כל דבריה לא היה דבר נעלם מן המלך אשר לא הגיד לה׃

  16. 1 מְלָכִים י׳:ד׳בערך ת״צ לפנה״ס

    ותרא מלכת שבא את כל חכמת שלמה והבית אשר בנה׃

  17. 1 מְלָכִים י׳:ה׳בערך ת״צ לפנה״ס

    ומאכל שלחנו ומושב עבדיו ומעמד משרתו ומלבשיהם ומשקיו ועלתו אשר יעלה בית יהוה ולא היה בה עוד רוח׃

  18. 1 מְלָכִים י׳:ו׳בערך ת״צ לפנה״ס

    ותאמר אל המלך אמת היה הדבר אשר שמעתי בארצי על דבריך ועל חכמתך׃

  19. 1 מְלָכִים י׳:ז׳בערך ת״צ לפנה״ס

    ולא האמנתי לדברים עד אשר באתי ותראינה עיני והנה לא הגד לי החצי הוספת חכמה וטוב אל השמועה אשר שמעתי׃

  20. 1 מְלָכִים י׳:ח׳בערך ת״צ לפנה״ס

    אשרי אנשיך אשרי עבדיך אלה העמדים לפניך תמיד השמעים את חכמתך׃

  21. 1 מְלָכִים י׳:ט׳בערך ת״צ לפנה״ס

    יהי יהוה אלהיך ברוך אשר חפץ בך לתתך על כסא ישראל באהבת יהוה את ישראל לעלם וישימך למלך לעשות משפט וצדקה׃

  22. 1 מְלָכִים י׳:י׳בערך ת״צ לפנה״ס

    ותתן למלך מאה ועשרים ככר זהב ובשמים הרבה מאד ואבן יקרה לא בא כבשם ההוא עוד לרב אשר נתנה מלכת שבא למלך שלמה׃

  23. 1 מְלָכִים י׳:י״אבערך ת״צ לפנה״ס

    וגם אני חירם אשר נשא זהב מאופיר הביא מאפיר עצי אלמגים הרבה מאד ואבן יקרה׃

  24. 1 מְלָכִים י׳:י״בבערך ת״צ לפנה״ס

    ויעש המלך את עצי האלמגים מסעד לבית יהוה ולבית המלך וכנרות ונבלים לשרים לא בא כן עצי אלמגים ולא נראה עד היום הזה׃

  25. 1 מְלָכִים י׳:י״גבערך ת״צ לפנה״ס

    והמלך שלמה נתן למלכת שבא את כל חפצה אשר שאלה מלבד אשר נתן לה כיד המלך שלמה ותפן ותלך לארצה היא ועבדיה׃