circa 970–930 BC

Solomon & The Temple

Solomon builds the great Temple in Jerusalem and rules with unprecedented wisdom and wealth before foreign gods divide his heart.

635 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים ח׳:ל״גבערך ת״ד לפנה״ס

    בהנגף עמך ישראל לפני אויב אשר יחטאו לך ושבו אליך והודו את שמך והתפללו והתחננו אליך בבית הזה׃

  2. 1 מְלָכִים ח׳:ל״דבערך ת״ד לפנה״ס

    ואתה תשמע השמים וסלחת לחטאת עמך ישראל והשבתם אל האדמה אשר נתת לאבותם׃

  3. 1 מְלָכִים ח׳:ל״הבערך ת״ד לפנה״ס

    בהעצר שמים ולא יהיה מטר כי יחטאו לך והתפללו אל המקום הזה והודו את שמך ומחטאתם ישובון כי תענם׃

  4. 1 מְלָכִים ח׳:ל״ובערך ת״ד לפנה״ס

    ואתה תשמע השמים וסלחת לחטאת עבדיך ועמך ישראל כי תורם את הדרך הטובה אשר ילכו בה ונתתה מטר על ארצך אשר נתתה לעמך לנחלה׃

  5. 1 מְלָכִים ח׳:ל״זבערך ת״ד לפנה״ס

    רעב כי יהיה בארץ דבר כי יהיה שדפון ירקון ארבה חסיל כי יהיה כי יצר לו איבו בארץ שעריו כל נגע כל מחלה׃

  6. 1 מְלָכִים ח׳:ל״חבערך ת״ד לפנה״ס

    כל תפלה כל תחנה אשר תהיה לכל האדם לכל עמך ישראל אשר ידעון איש נגע לבבו ופרש כפיו אל הבית הזה׃

  7. 1 מְלָכִים ח׳:ל״טבערך ת״ד לפנה״ס

    ואתה תשמע השמים מכון שבתך וסלחת ועשית ונתת לאיש ככל דרכיו אשר תדע את לבבו כי אתה ידעת לבדך את לבב כל בני האדם׃

  8. 1 מְלָכִים ח׳:מ׳בערך ת״ד לפנה״ס

    למען יראוך כל הימים אשר הם חיים על פני האדמה אשר נתתה לאבתינו׃

  9. 1 מְלָכִים ח׳:מ״אבערך ת״ד לפנה״ס

    וגם אל הנכרי אשר לא מעמך ישראל הוא ובא מארץ רחוקה למען שמך׃

  10. 1 מְלָכִים ח׳:מ״בבערך ת״ד לפנה״ס

    כי ישמעון את שמך הגדול ואת ידך החזקה וזרעך הנטויה ובא והתפלל אל הבית הזה׃

  11. 1 מְלָכִים ח׳:מ״גבערך ת״ד לפנה״ס

    אתה תשמע השמים מכון שבתך ועשית ככל אשר יקרא אליך הנכרי למען ידעון כל עמי הארץ את שמך ליראה אתך כעמך ישראל ולדעת כי שמך נקרא על הבית הזה אשר בניתי׃

  12. 1 מְלָכִים ח׳:מ״דבערך ת״ד לפנה״ס

    כי יצא עמך למלחמה על איבו בדרך אשר תשלחם והתפללו אל יהוה דרך העיר אשר בחרת בה והבית אשר בנתי לשמך׃

  13. 1 מְלָכִים ח׳:מ״הבערך ת״ד לפנה״ס

    ושמעת השמים את תפלתם ואת תחנתם ועשית משפטם׃

  14. 1 מְלָכִים ח׳:מ״ובערך ת״ד לפנה״ס

    כי יחטאו לך כי אין אדם אשר לא יחטא ואנפת בם ונתתם לפני אויב ושבום שביהם אל ארץ האויב רחוקה או קרובה׃

  15. 1 מְלָכִים ח׳:מ״זבערך ת״ד לפנה״ס

    והשיבו אל לבם בארץ אשר נשבו שם ושבו והתחננו אליך בארץ שביהם לאמר חטאנו והעוינו רשענו׃

  16. 1 מְלָכִים ח׳:מ״חבערך ת״ד לפנה״ס

    ושבו אליך בכל לבבם ובכל נפשם בארץ איביהם אשר שבו אתם והתפללו אליך דרך ארצם אשר נתתה לאבותם העיר אשר בחרת והבית אשר בנית לשמך׃

  17. 1 מְלָכִים ח׳:מ״טבערך ת״ד לפנה״ס

    ושמעת השמים מכון שבתך את תפלתם ואת תחנתם ועשית משפטם׃

  18. 1 מְלָכִים ח׳:נ׳בערך ת״ד לפנה״ס

    וסלחת לעמך אשר חטאו לך ולכל פשעיהם אשר פשעו בך ונתתם לרחמים לפני שביהם ורחמום׃

  19. 1 מְלָכִים ח׳:נ״אבערך ת״ד לפנה״ס

    כי עמך ונחלתך הם אשר הוצאת ממצרים מתוך כור הברזל׃

  20. 1 מְלָכִים ח׳:נ״בבערך ת״ד לפנה״ס

    להיות עיניך פתחות אל תחנת עבדך ואל תחנת עמך ישראל לשמע אליהם בכל קראם אליך׃

  21. 1 מְלָכִים ח׳:נ״גבערך ת״ד לפנה״ס

    כי אתה הבדלתם לך לנחלה מכל עמי הארץ כאשר דברת ביד משה עבדך בהוציאך את אבתינו ממצרים אדני יהוה׃

  22. 1 מְלָכִים ח׳:נ״דבערך ת״ד לפנה״ס

    ויהי ככלות שלמה להתפלל אל יהוה את כל התפלה והתחנה הזאת קם מלפני מזבח יהוה מכרע על ברכיו וכפיו פרשות השמים׃

  23. 1 מְלָכִים ח׳:נ״הבערך ת״ד לפנה״ס

    ויעמד ויברך את כל קהל ישראל קול גדול לאמר׃

  24. 1 מְלָכִים ח׳:נ״ובערך ת״ד לפנה״ס

    ברוך יהוה אשר נתן מנוחה לעמו ישראל ככל אשר דבר לא נפל דבר אחד מכל דברו הטוב אשר דבר ביד משה עבדו׃

  25. 1 מְלָכִים ח׳:נ״זבערך ת״ד לפנה״ס

    יהי יהוה אלהינו עמנו כאשר היה עם אבתינו אל יעזבנו ואל יטשנו׃