circa 970–930 BC

Solomon & The Temple

Solomon builds the great Temple in Jerusalem and rules with unprecedented wisdom and wealth before foreign gods divide his heart.

635 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים ח׳:נ״חבערך ת״ד לפנה״ס

    להטות לבבנו אליו ללכת בכל דרכיו ולשמר מצותיו וחקיו ומשפטיו אשר צוה את אבתינו׃

  2. 1 מְלָכִים ח׳:נ״טבערך ת״ד לפנה״ס

    ויהיו דברי אלה אשר התחננתי לפני יהוה קרבים אל יהוה אלהינו יומם ולילה לעשות משפט עבדו ומשפט עמו ישראל דבר יום ביומו׃

  3. 1 מְלָכִים ח׳:ס׳בערך ת״ד לפנה״ס

    למען דעת כל עמי הארץ כי יהוה הוא האלהים אין עוד׃

  4. 1 מְלָכִים ח׳:ס״אבערך ת״ד לפנה״ס

    והיה לבבכם שלם עם יהוה אלהינו ללכת בחקיו ולשמר מצותיו כיום הזה׃

  5. 1 מְלָכִים ח׳:ס״בבערך ת״ד לפנה״ס

    והמלך וכל ישראל עמו זבחים זבח לפני יהוה׃

  6. 1 מְלָכִים ח׳:ס״גבערך ת״ד לפנה״ס

    ויזבח שלמה את זבח השלמים אשר זבח ליהוה בקר עשרים ושנים אלף וצאן מאה ועשרים אלף ויחנכו את בית יהוה המלך וכל בני ישראל׃

  7. 1 מְלָכִים ח׳:ס״דבערך ת״ד לפנה״ס

    ביום ההוא קדש המלך את תוך החצר אשר לפני בית יהוה כי עשה שם את העלה ואת המנחה ואת חלבי השלמים כי מזבח הנחשת אשר לפני יהוה קטן מהכיל את העלה ואת המנחה ואת חלבי השלמים׃

  8. 1 מְלָכִים ח׳:ס״הבערך ת״ד לפנה״ס

    ויעש שלמה בעת ההיא את החג וכל ישראל עמו קהל גדול מלבוא חמת עד נחל מצרים לפני יהוה אלהינו שבעת ימים ושבעת ימים ארבעה עשר יום׃

  9. 1 מְלָכִים ח׳:ס״ובערך ת״ד לפנה״ס

    ביום השמיני שלח את העם ויברכו את המלך וילכו לאהליהם שמחים וטובי לב על כל הטובה אשר עשה יהוה לדוד עבדו ולישראל עמו׃

  10. 1 מְלָכִים ט׳:א׳בערך תצ״א לפנה״ס

    ¶ ויהי ככלות שלמה לבנות את בית יהוה ואת בית המלך ואת כל חשק שלמה אשר חפץ לעשות׃

  11. 1 מְלָכִים ט׳:ב׳בערך תצ״א לפנה״ס

    וירא יהוה אל שלמה שנית כאשר נראה אליו בגבעון׃

  12. 1 מְלָכִים ט׳:ג׳בערך תצ״א לפנה״ס

    ויאמר יהוה אליו שמעתי את תפלתך ואת תחנתך אשר התחננתה לפני הקדשתי את הבית הזה אשר בנתה לשום שמי שם עד עולם והיו עיני ולבי שם כל הימים׃

  13. 1 מְלָכִים ט׳:ד׳בערך תצ״א לפנה״ס

    ואתה אם תלך לפני כאשר הלך דוד אביך בתם לבב ובישר לעשות ככל אשר צויתיך חקי ומשפטי תשמר׃

  14. 1 מְלָכִים ט׳:ה׳בערך תצ״א לפנה״ס

    והקמתי את כסא ממלכתך על ישראל לעלם כאשר דברתי על דוד אביך לאמר לא יכרת לך איש מעל כסא ישראל׃

  15. 1 מְלָכִים ט׳:ו׳בערך תצ״א לפנה״ס

    אם שוב תשבון אתם ובניכם מאחרי ולא תשמרו מצותי חקתי אשר נתתי לפניכם והלכתם ועבדתם אלהים אחרים והשתחויתם להם׃

  16. 1 מְלָכִים ט׳:ז׳בערך תצ״א לפנה״ס

    והכרתי את ישראל מעל פני האדמה אשר נתתי להם ואת הבית אשר הקדשתי לשמי אשלח מעל פני והיה ישראל למשל ולשנינה בכל העמים׃

  17. 1 מְלָכִים ט׳:ח׳בערך תצ״א לפנה״ס

    והבית הזה יהיה עליון כל עבר עליו ישם ושרק ואמרו על מה עשה יהוה ככה לארץ הזאת ולבית הזה׃

  18. 1 מְלָכִים ט׳:ט׳בערך תצ״א לפנה״ס

    ואמרו על אשר עזבו את יהוה אלהיהם אשר הוציא את אבתם מארץ מצרים ויחזקו באלהים אחרים וישתחו להם ויעבדם על כן הביא יהוה עליהם את כל הרעה הזאת׃

  19. 1 מְלָכִים ט׳:י׳בערך תצ״א לפנה״ס

    ויהי מקצה עשרים שנה אשר בנה שלמה את שני הבתים את בית יהוה ואת בית המלך׃

  20. 1 מְלָכִים ט׳:י״אבערך תצ״א לפנה״ס

    חירם מלך צר נשא את שלמה בעצי ארזים ובעצי ברושים ובזהב לכל חפצו אז יתן המלך שלמה לחירם עשרים עיר בארץ הגליל׃

  21. 1 מְלָכִים ט׳:י״בבערך תצ״א לפנה״ס

    ויצא חירם מצר לראות את הערים אשר נתן לו שלמה ולא ישרו בעיניו׃

  22. 1 מְלָכִים ט׳:י״גבערך תצ״א לפנה״ס

    ויאמר מה הערים האלה אשר נתתה לי אחי ויקרא להם ארץ כבול עד היום הזה׃

  23. 1 מְלָכִים ט׳:י״דבערך תצ״א לפנה״ס

    וישלח חירם למלך מאה ועשרים ככר זהב׃

  24. 1 מְלָכִים ט׳:ט״ובערך תט״ו לפנה״ס

    וזה דבר המס אשר העלה המלך שלמה לבנות את בית יהוה ואת ביתו ואת המלוא ואת חומת ירושלם ואת חצר ואת מגדו ואת גזר׃

  25. 1 מְלָכִים ט׳:ט״זבערך תט״ו לפנה״ס

    פרעה מלך מצרים עלה וילכד את גזר וישרפה באש ואת הכנעני הישב בעיר הרג ויתנה שלחים לבתו אשת שלמה׃