circa 970–930 BC

Solomon & The Temple

Solomon builds the great Temple in Jerusalem and rules with unprecedented wisdom and wealth before foreign gods divide his heart.

635 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים י׳:י״דבערך תט״ו לפנה״ס

    ויהי משקל הזהב אשר בא לשלמה בשנה אחת שש מאות ששים ושש ככר זהב׃

  2. 1 מְלָכִים י׳:ט״ובערך תט״ו לפנה״ס

    לבד מאנשי התרים ומסחר הרכלים וכל מלכי הערב ופחות הארץ׃

  3. 1 מְלָכִים י׳:ט״זבערך תט״ו לפנה״ס

    ויעש המלך שלמה מאתים צנה זהב שחוט שש מאות זהב יעלה על הצנה האחת׃

  4. 1 מְלָכִים י׳:י״זבערך תט״ו לפנה״ס

    ושלש מאות מגנים זהב שחוט שלשת מנים זהב יעלה על המגן האחת ויתנם המלך בית יער הלבנון׃

  5. 1 מְלָכִים י׳:י״חבערך תט״ו לפנה״ס

    ויעש המלך כסא שן גדול ויצפהו זהב מופז׃

  6. 1 מְלָכִים י׳:י״טבערך תט״ו לפנה״ס

    שש מעלות לכסה וראש עגל לכסה מאחריו וידת מזה ומזה אל מקום השבת ושנים אריות עמדים אצל הידות׃

  7. 1 מְלָכִים י׳:כ׳בערך תט״ו לפנה״ס

    ושנים עשר אריים עמדים שם על שש המעלות מזה ומזה לא נעשה כן לכל ממלכות׃

  8. 1 מְלָכִים י׳:כ״אבערך תט״ו לפנה״ס

    וכל כלי משקה המלך שלמה זהב וכל כלי בית יער הלבנון זהב סגור אין כסף לא נחשב בימי שלמה למאומה׃

  9. 1 מְלָכִים י׳:כ״בבערך תט״ו לפנה״ס

    כי אני תרשיש למלך בים עם אני חירם אחת לשלש שנים תבוא אני תרשיש נשאת זהב וכסף שנהבים וקפים ותכיים׃

  10. 1 מְלָכִים י׳:כ״גבערך תט״ו לפנה״ס

    ויגדל המלך שלמה מכל מלכי הארץ לעשר ולחכמה׃

  11. 1 מְלָכִים י׳:כ״דבערך תט״ו לפנה״ס

    וכל הארץ מבקשים את פני שלמה לשמע את חכמתו אשר נתן אלהים בלבו׃

  12. 1 מְלָכִים י׳:כ״הבערך תט״ו לפנה״ס

    והמה מבאים איש מנחתו כלי כסף וכלי זהב ושלמות ונשק ובשמים סוסים ופרדים דבר שנה בשנה׃

  13. 1 מְלָכִים י׳:כ״ובערך תט״ו לפנה״ס

    ויאסף שלמה רכב ופרשים ויהי לו אלף וארבע מאות רכב ושנים עשר אלף פרשים וינחם בערי הרכב ועם המלך בירושלם׃

  14. 1 מְלָכִים י׳:כ״זבערך תט״ו לפנה״ס

    ויתן המלך את הכסף בירושלם כאבנים ואת הארזים נתן כשקמים אשר בשפלה לרב׃

  15. 1 מְלָכִים י׳:כ״חבערך תט״ו לפנה״ס

    ומוצא הסוסים אשר לשלמה ממצרים ומקוה סחרי המלך יקחו מקוה במחיר׃

  16. 1 מְלָכִים י׳:כ״טבערך תט״ו לפנה״ס

    ותעלה ותצא מרכבה ממצרים בשש מאות כסף וסוס בחמשים ומאה וכן לכל מלכי החתים ולמלכי ארם בידם יצאו׃

  17. 1 מְלָכִים י״א:א׳בערך תפ״ד לפנה״ס

    ¶ והמלך שלמה אהב נשים נכריות רבות ואת בת פרעה מואביות עמניות אדמית צדנית חתית׃

  18. 1 מְלָכִים י״א:ב׳בערך תפ״ד לפנה״ס

    מן הגוים אשר אמר יהוה אל בני ישראל לא תבאו בהם והם לא יבאו בכם אכן יטו את לבבכם אחרי אלהיהם בהם דבק שלמה לאהבה׃

  19. 1 מְלָכִים י״א:ג׳בערך תפ״ד לפנה״ס

    ויהי לו נשים שרות שבע מאות ופלגשים שלש מאות ויטו נשיו את לבו׃

  20. 1 מְלָכִים י״א:ד׳בערך תפ״ד לפנה״ס

    ויהי לעת זקנת שלמה נשיו הטו את לבבו אחרי אלהים אחרים ולא היה לבבו שלם עם יהוה אלהיו כלבב דויד אביו׃

  21. 1 מְלָכִים י״א:ה׳בערך תפ״ד לפנה״ס

    וילך שלמה אחרי עשתרת אלהי צדנים ואחרי מלכם שקץ עמנים׃

  22. 1 מְלָכִים י״א:ו׳בערך תפ״ד לפנה״ס

    ויעש שלמה הרע בעיני יהוה ולא מלא אחרי יהוה כדוד אביו׃

  23. 1 מְלָכִים י״א:ז׳בערך תפ״ד לפנה״ס

    אז יבנה שלמה במה לכמוש שקץ מואב בהר אשר על פני ירושלם ולמלך שקץ בני עמון׃

  24. 1 מְלָכִים י״א:ח׳בערך תפ״ד לפנה״ס

    וכן עשה לכל נשיו הנכריות מקטירות ומזבחות לאלהיהן׃

  25. 1 מְלָכִים י״א:ט׳בערך תפ״ד לפנה״ס

    ויתאנף יהוה בשלמה כי נטה לבבו מעם יהוה אלהי ישראל הנראה אליו פעמים׃