circa 970–930 BC

Solomon & The Temple

Solomon builds the great Temple in Jerusalem and rules with unprecedented wisdom and wealth before foreign gods divide his heart.

635 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים י״א:ל״הבערך תפ״ד לפנה״ס

    ולקחתי המלוכה מיד בנו ונתתיה לך את עשרת השבטים׃

  2. 1 מְלָכִים י״א:ל״ובערך תפ״ד לפנה״ס

    ולבנו אתן שבט אחד למען היות ניר לדויד עבדי כל הימים לפני בירושלם העיר אשר בחרתי לי לשום שמי שם׃

  3. 1 מְלָכִים י״א:ל״זבערך תפ״ד לפנה״ס

    ואתך אקח ומלכת בכל אשר תאוה נפשך והיית מלך על ישראל׃

  4. 1 מְלָכִים י״א:ל״חבערך תפ״ד לפנה״ס

    והיה אם תשמע את כל אשר אצוך והלכת בדרכי ועשית הישר בעיני לשמור חקותי ומצותי כאשר עשה דוד עבדי והייתי עמך ובניתי לך בית נאמן כאשר בניתי לדוד ונתתי לך את ישראל׃

  5. 1 מְלָכִים י״א:ל״טבערך תפ״ד לפנה״ס

    ואענה את זרע דוד למען זאת אך לא כל הימים׃

  6. 1 מְלָכִים י״א:מ׳בערך תפ״ד לפנה״ס

    ויבקש שלמה להמית את ירבעם ויקם ירבעם ויברח מצרים אל שישק מלך מצרים ויהי במצרים עד מות שלמה׃

  7. 1 מְלָכִים י״א:מ״אבערך תפ״ד לפנה״ס

    ויתר דברי שלמה וכל אשר עשה וחכמתו הלוא הם כתבים על ספר דברי שלמה׃

  8. 1 מְלָכִים י״א:מ״בבערך תפ״ד לפנה״ס

    והימים אשר מלך שלמה בירושלם על כל ישראל ארבעים שנה׃

  9. 1 מְלָכִים י״א:מ״גבערך תע״ה לפנה״ס

    וישכב שלמה עם אבתיו ויקבר בעיר דוד אביו וימלך רחבעם בנו תחתיו׃

  10. 2 דִּבְרֵי הַיָּמִים א׳:א׳בערך תט״ו לפנה״ס

    ¶ ויתחזק שלמה בן דויד על מלכותו ויהוה אלהיו עמו ויגדלהו למעלה׃

  11. 2 דִּבְרֵי הַיָּמִים א׳:ב׳בערך תט״ו לפנה״ס

    ויאמר שלמה לכל ישראל לשרי האלפים והמאות ולשפטים ולכל נשיא לכל ישראל ראשי האבות׃

  12. 2 דִּבְרֵי הַיָּמִים א׳:ג׳בערך תט״ו לפנה״ס

    וילכו שלמה וכל הקהל עמו לבמה אשר בגבעון כי שם היה אהל מועד האלהים אשר עשה משה עבד יהוה במדבר׃

  13. 2 דִּבְרֵי הַיָּמִים א׳:ד׳בערך תט״ו לפנה״ס

    אבל ארון האלהים העלה דויד מקרית יערים בהכין לו דויד כי נטה לו אהל בירושלם׃

  14. 2 דִּבְרֵי הַיָּמִים א׳:ה׳בערך תט״ו לפנה״ס

    ומזבח הנחשת אשר עשה בצלאל בן אורי בן חור שם לפני משכן יהוה וידרשהו שלמה והקהל׃

  15. 2 דִּבְרֵי הַיָּמִים א׳:ו׳בערך תט״ו לפנה״ס

    ויעל שלמה שם על מזבח הנחשת לפני יהוה אשר לאהל מועד ויעל עליו עלות אלף׃

  16. 2 דִּבְרֵי הַיָּמִים א׳:ז׳בערך תט״ו לפנה״ס

    בלילה ההוא נראה אלהים לשלמה ויאמר לו שאל מה אתן לך׃

  17. 2 דִּבְרֵי הַיָּמִים א׳:ח׳בערך תט״ו לפנה״ס

    ויאמר שלמה לאלהים אתה עשית עם דויד אבי חסד גדול והמלכתני תחתיו׃

  18. 2 דִּבְרֵי הַיָּמִים א׳:ט׳בערך תט״ו לפנה״ס

    עתה יהוה אלהים יאמן דברך עם דויד אבי כי אתה המלכתני על עם רב כעפר הארץ׃

  19. 2 דִּבְרֵי הַיָּמִים א׳:י׳בערך תט״ו לפנה״ס

    עתה חכמה ומדע תן לי ואצאה לפני העם הזה ואבואה כי מי ישפט את עמך הזה הגדול׃

  20. 2 דִּבְרֵי הַיָּמִים א׳:י״אבערך תט״ו לפנה״ס

    ויאמר אלהים לשלמה יען אשר היתה זאת עם לבבך ולא שאלת עשר נכסים וכבוד ואת נפש שנאיך וגם ימים רבים לא שאלת ותשאל לך חכמה ומדע אשר תשפוט את עמי אשר המלכתיך עליו׃

  21. 2 דִּבְרֵי הַיָּמִים א׳:י״בבערך תט״ו לפנה״ס

    החכמה והמדע נתון לך ועשר ונכסים וכבוד אתן לך אשר לא היה כן למלכים אשר לפניך ואחריך לא יהיה כן׃

  22. 2 דִּבְרֵי הַיָּמִים א׳:י״גבערך תט״ו לפנה״ס

    ויבא שלמה לבמה אשר בגבעון ירושלם מלפני אהל מועד וימלך על ישראל׃

  23. 2 דִּבְרֵי הַיָּמִים א׳:י״דבערך תט״ו לפנה״ס

    ויאסף שלמה רכב ופרשים ויהי לו אלף וארבע מאות רכב ושנים עשר אלף פרשים ויניחם בערי הרכב ועם המלך בירושלם׃

  24. 2 דִּבְרֵי הַיָּמִים א׳:ט״ובערך תט״ו לפנה״ס

    ויתן המלך את הכסף ואת הזהב בירושלם כאבנים ואת הארזים נתן כשקמים אשר בשפלה לרב׃

  25. 2 דִּבְרֵי הַיָּמִים א׳:ט״זבערך תט״ו לפנה״ס

    ומוצא הסוסים אשר לשלמה ממצרים ומקוא סחרי המלך מקוא יקחו במחיר׃