circa 970–930 BC

Solomon & The Temple

Solomon builds the great Temple in Jerusalem and rules with unprecedented wisdom and wealth before foreign gods divide his heart.

635 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים ח׳:ח׳בערך ת״ד לפנה״ס

    ויארכו הבדים ויראו ראשי הבדים מן הקדש על פני הדביר ולא יראו החוצה ויהיו שם עד היום הזה׃

  2. 1 מְלָכִים ח׳:ט׳בערך ת״ד לפנה״ס

    אין בארון רק שני לחות האבנים אשר הנח שם משה בחרב אשר כרת יהוה עם בני ישראל בצאתם מארץ מצרים׃

  3. 1 מְלָכִים ח׳:י׳בערך ת״ד לפנה״ס

    ויהי בצאת הכהנים מן הקדש והענן מלא את בית יהוה׃

  4. 1 מְלָכִים ח׳:י״אבערך ת״ד לפנה״ס

    ולא יכלו הכהנים לעמד לשרת מפני הענן כי מלא כבוד יהוה את בית יהוה׃

  5. 1 מְלָכִים ח׳:י״בבערך ת״ד לפנה״ס

    אז אמר שלמה יהוה אמר לשכן בערפל׃

  6. 1 מְלָכִים ח׳:י״גבערך ת״ד לפנה״ס

    בנה בניתי בית זבל לך מכון לשבתך עולמים׃

  7. 1 מְלָכִים ח׳:י״דבערך ת״ד לפנה״ס

    ויסב המלך את פניו ויברך את כל קהל ישראל וכל קהל ישראל עמד׃

  8. 1 מְלָכִים ח׳:ט״ובערך ת״ד לפנה״ס

    ויאמר ברוך יהוה אלהי ישראל אשר דבר בפיו את דוד אבי ובידו מלא לאמר׃

  9. 1 מְלָכִים ח׳:ט״זבערך ת״ד לפנה״ס

    מן היום אשר הוצאתי את עמי את ישראל ממצרים לא בחרתי בעיר מכל שבטי ישראל לבנות בית להיות שמי שם ואבחר בדוד להיות על עמי ישראל׃

  10. 1 מְלָכִים ח׳:י״זבערך ת״ד לפנה״ס

    ויהי עם לבב דוד אבי לבנות בית לשם יהוה אלהי ישראל׃

  11. 1 מְלָכִים ח׳:י״חבערך ת״ד לפנה״ס

    ויאמר יהוה אל דוד אבי יען אשר היה עם לבבך לבנות בית לשמי הטיבת כי היה עם לבבך׃

  12. 1 מְלָכִים ח׳:י״טבערך ת״ד לפנה״ס

    רק אתה לא תבנה הבית כי אם בנך היצא מחלציך הוא יבנה הבית לשמי׃

  13. 1 מְלָכִים ח׳:כ׳בערך ת״ד לפנה״ס

    ויקם יהוה את דברו אשר דבר ואקם תחת דוד אבי ואשב על כסא ישראל כאשר דבר יהוה ואבנה הבית לשם יהוה אלהי ישראל׃

  14. 1 מְלָכִים ח׳:כ״אבערך ת״ד לפנה״ס

    ואשם שם מקום לארון אשר שם ברית יהוה אשר כרת עם אבתינו בהוציאו אתם מארץ מצרים׃

  15. 1 מְלָכִים ח׳:כ״בבערך ת״ד לפנה״ס

    ויעמד שלמה לפני מזבח יהוה נגד כל קהל ישראל ויפרש כפיו השמים׃

  16. 1 מְלָכִים ח׳:כ״גבערך ת״ד לפנה״ס

    ויאמר יהוה אלהי ישראל אין כמוך אלהים בשמים ממעל ועל הארץ מתחת שמר הברית והחסד לעבדיך ההלכים לפניך בכל לבם׃

  17. 1 מְלָכִים ח׳:כ״דבערך ת״ד לפנה״ס

    אשר שמרת לעבדך דוד אבי את אשר דברת לו ותדבר בפיך ובידך מלאת כיום הזה׃

  18. 1 מְלָכִים ח׳:כ״הבערך ת״ד לפנה״ס

    ועתה יהוה אלהי ישראל שמר לעבדך דוד אבי את אשר דברת לו לאמר לא יכרת לך איש מלפני ישב על כסא ישראל רק אם ישמרו בניך את דרכם ללכת לפני כאשר הלכת לפני׃

  19. 1 מְלָכִים ח׳:כ״ובערך ת״ד לפנה״ס

    ועתה אלהי ישראל יאמן נא דבריך אשר דברת לעבדך דוד אבי׃

  20. 1 מְלָכִים ח׳:כ״זבערך ת״ד לפנה״ס

    כי האמנם ישב אלהים על הארץ הנה השמים ושמי השמים לא יכלכלוך אף כי הבית הזה אשר בניתי׃

  21. 1 מְלָכִים ח׳:כ״חבערך ת״ד לפנה״ס

    ופנית אל תפלת עבדך ואל תחנתו יהוה אלהי לשמע אל הרנה ואל התפלה אשר עבדך מתפלל לפניך היום׃

  22. 1 מְלָכִים ח׳:כ״טבערך ת״ד לפנה״ס

    להיות עינך פתחות אל הבית הזה לילה ויום אל המקום אשר אמרת יהיה שמי שם לשמע אל התפלה אשר יתפלל עבדך אל המקום הזה׃

  23. 1 מְלָכִים ח׳:ל׳בערך ת״ד לפנה״ס

    ושמעת אל תחנת עבדך ועמך ישראל אשר יתפללו אל המקום הזה ואתה תשמע אל מקום שבתך אל השמים ושמעת וסלחת׃

  24. 1 מְלָכִים ח׳:ל״אבערך ת״ד לפנה״ס

    את אשר יחטא איש לרעהו ונשא בו אלה להאלתו ובא אלה לפני מזבחך בבית הזה׃

  25. 1 מְלָכִים ח׳:ל״בבערך ת״ד לפנה״ס

    ואתה תשמע השמים ועשית ושפטת את עבדיך להרשיע רשע לתת דרכו בראשו ולהצדיק צדיק לתת לו כצדקתו׃