Ayoyin Littafi Mai Tsarki game da Women

Sarki da hakimansa suka gamsu da wannan shawara. Saboda haka sarki ya yi kamar yadda Memukan ya faɗa.

Ya aika da saƙo zuwa ga dukan ɓangarorin masarautar, zuwa ga kowane lardi a irin nasa rubutu, zuwa kuma ga kowane mutane a nasu harshe, ana shelar a kowane yare na mutane, cewa kowane mutum yă zama mai mulki bisa gidansa.

Yarinyar ta gamshe shi, ta kuma sami tagomashinsa. Nan da nan ya tanada mata, ya ba ta man shafawa da abinci na musamman. Ya ba ta bayi mata bakwai da aka zaɓa daga fadar sarki. Ya kuma kai ta tare da bayinta zuwa wuri mafi kyau na gidan matan kulle.

Kowace rana Mordekai yana kai da komowa kusa da harabar filin gidan matan kulle, domin ya san yadda Esta take, da kuma abin da yake faruwa da ita.

Wuta ta cinye matasansu maza, ’yan matansu kuma ba su da waƙoƙin aure;

suna kiyaye ka daga mace marar ɗa’a daga sulɓin harshen mace marar aminci.

Kada ka yi sha’awarta a cikin zuciyarka kada ka bar ta tă ɗauki hankalinka da idanunta.

Gama karuwa takan mai da kai kamar burodin kyauta, mazinaciya kuma takan farauci ranka.

Mutum zai iya ɗiba wuta ya zuba a cinyarsa ba tare da rigunansa sun ƙone ba?

Mutum zai iya yin tafi a garwashi wuta mai zafi ba tare da ƙafafunsa sun ƙone ba?

Haka yake da wanda ya kwana da matar wani; babu wanda ya taɓa ta da zai tafi babu hukunci.

Amma mutumin da ya yi zina ba shi da hankali; duk wanda ya yi haka yana hallaka kansa ne.

Dūka da kunya ne za su zama rabonsa, kuma kunyarsa za tă dawwama.

Gama kishi kan tā da hasalar miji, kuma ba zai ji tausayi ba sa’ad da yake ramawa.

Ba zai karɓi duk wata biya ba; zai ƙi cin hanci, kome yawansu.

A tagar gidana na leƙa ta labule mai rammuka.

Sai na gani a cikin marasa azanci, na lura a cikin samari, wani matashi wanda ba shi da hankali.

Yana gangarawa a titi kusa da kusurwarta, yana tafiya a gefen wajen gidanta

da magariba, yayinda rana tana fāɗuwa, yayinda duhun dare yana farawa.

Sai ga mace ta fito don ta sadu da shi, saye da riga kamar karuwa shirye kuma don ta yaudare shi.

(Ba ta jin tsoro, ko kuma kunya, ƙafafunta ba sa zama a gida;

wani lokaci a titi, wani lokaci a dandali, tana yawo a kowace kusurwa.)

Sai ta kama shi ta rungume shi da duban soyayya a fuskarta ta ce,

“Ina da hadaya ta salama a gida; yau zan cika alkawarina.

Saboda haka na fito don in sadu da kai; na neme ka na kuma same ka!