Ayoyin Littafi Mai Tsarki game da All Christians Should Be As Missionaries

Zan cika alkawurana ga Ubangiji a gaban dukan mutanensa,

a filayen gidan Ubangiji, a tsakiyarki, ya Urushalima. Yabi Ubangiji.

Bari in gane koyarwar farillanka; sa’an nan zan yi tunani a kan abubuwan banmamakinka.

Zan yi maganar farillanka a gaban sarakuna ba kuwa za a kunyata ni ba,

Za su yi maganar ɗaukakar mulkinka za su kuma yi zancen ikonka,

saboda dukan mutane su san manyan ayyukanka da ɗaukakar darajar mulkinka.

samari da ’yan mata, tsofaffi da yara.

Bari su yabi sunan Ubangiji, gama sunansa ne kaɗai mafi ɗaukaka; darajarsa ta fi ƙarfin duniya da sammai.

Bakin adalai kan fitar da hikima, amma za a dakatar da mugun harshe.

Mutum mai kyauta zai azurta; shi da yakan taimake waɗansu, za a taimake shi.

’Ya’yan itacen adali itacen rai ne, kuma duk mai samun rayuka mai hikima ne.

Leɓunan masu hikima sukan baza sani; ba haka zukatan wawaye suke ba.

Tana magana da hikima, kuma umarnai mai aminci yana a harshenta.

Ka jefa burodinka a bisa ruwaye, gama bayan kwanaki masu yawa, za ka sāke samunsa.

Mutane da yawa za su zo su ce, “Ku zo, bari mu haura zuwa dutsen Ubangiji, zuwa gidan Allah na Yaƙub. Zai koya mana hanyoyinsa, domin mu yi tafiya cikin hanyoyinsa.” Dokar za tă fito daga Sihiyona, maganar Ubangiji daga Urushalima.

Ku ƙarfafa hannuwa marasa ƙarfi, ku ƙarfafa gwiwoyin da suka gaji;

ku faɗa wa waɗanda suka karai a zukata, “Ku yi ƙarfin hali, kada ku ji tsoro; Allahnku zai zo, zai zo domin ya ɗau fansa; da ramuwar Allah zai zo don yă cece ku.”

Masu rai, masu rai, su suke yabonka, kamar yadda nake yi a yau; iyaye za su faɗa wa ’ya’yansu game da amincinka.

mutanen da na yi saboda kaina don su furta yabona.

Yara sukan tara itace, iyaye suka hura wuta, mata kuma sukan kwaɓa kullu don su yi wa Sarauniyar Sama waina. Sukan miƙa hadayun sha ga waɗansu alloli don su tsokane ni in yi fushi.

Sai Shadrak, Meshak da Abednego suka amsa wa sarki suka ce, “Ya Nebukadnezzar, ba mu bukata mu kāre kanmu a gabanka a kan wannan batu.

In an jefa mu cikin tanderun wutar nan, Allahn da muke bauta wa zai iya cetonmu daga ita, kuma ya sarki, zai cece mu daga hannunka.

Amma ko da bai cece mu ba, muna so ka sani, ya sarki; cewa ba za mu bauta wa allolinka ba ko kuma mu yi sujada ga gunkin zinariyar da ka kafa ba.”

Waɗanda suke da hikima za su haskaka kamar hasken samaniya, waɗanda kuma suka jagoranci waɗansu da yawa zuwa adalci, za su zama kamar taurari har abada abadin.

Haka ma, bari haskenku yă haskaka a gaban mutane, domin su ga ayyukanku masu kyau, su kuwa yabi Ubanku da yake cikin sama.