פסוקים על Wicked

724 פסוקים · 18 היבטים

פסוקי מפתח

סינון לפי ספר
  1. אִיּוֹב י״ח:ח׳

    כי שלח ברשת ברגליו ועל שבכה יתהלך׃

  2. אִיּוֹב י״ח:ט׳

    יאחז בעקב פח יחזק עליו צמים׃

  3. אִיּוֹב י״ח:י׳

    טמון בארץ חבלו ומלכדתו עלי נתיב׃

  4. אִיּוֹב י״ח:י״א

    סביב בעתהו בלהות והפיצהו לרגליו׃

  5. אִיּוֹב י״ח:י״ב

    יהי רעב אנו ואיד נכון לצלעו׃

  6. אִיּוֹב י״ח:י״ג

    יאכל בדי עורו יאכל בדיו בכור מות׃

  7. אִיּוֹב י״ח:י״ד

    ינתק מאהלו מבטחו ותצעדהו למלך בלהות׃

  8. אִיּוֹב י״ח:ט״ו

    תשכון באהלו מבלי לו יזרה על נוהו גפרית׃

  9. אִיּוֹב י״ח:ט״ז

    מתחת שרשיו יבשו וממעל ימל קצירו׃

  10. אִיּוֹב י״ח:י״ז

    זכרו אבד מני ארץ ולא שם לו על פני חוץ׃

  11. אִיּוֹב י״ח:י״ח

    יהדפהו מאור אל חשך ומתבל ינדהו׃

  12. אִיּוֹב י״ח:י״ט

    לא נין לו ולא נכד בעמו ואין שריד במגוריו׃

  13. אִיּוֹב י״ח:כ׳

    על יומו נשמו אחרנים וקדמנים אחזו שער׃

  14. אִיּוֹב י״ח:כ״א

    אך אלה משכנות עול וזה מקום לא ידע אל׃

  15. אִיּוֹב כ׳:ה׳

    כי רננת רשעים מקרוב ושמחת חנף עדי רגע׃

  16. אִיּוֹב כ׳:ו׳

    אם יעלה לשמים שיאו וראשו לעב יגיע׃

  17. אִיּוֹב כ׳:ז׳

    כגללו לנצח יאבד ראיו יאמרו איו׃

  18. אִיּוֹב כ׳:ח׳

    כחלום יעוף ולא ימצאוהו וידד כחזיון לילה׃

  19. אִיּוֹב כ׳:ט׳

    עין שזפתו ולא תוסיף ולא עוד תשורנו מקומו׃

  20. אִיּוֹב כ׳:י׳

    בניו ירצו דלים וידיו תשבנה אונו׃

  21. אִיּוֹב כ׳:י״א

    עצמותיו מלאו עלומו ועמו על עפר תשכב׃

  22. אִיּוֹב כ׳:י״ב

    אם תמתיק בפיו רעה יכחידנה תחת לשונו׃

  23. אִיּוֹב כ׳:י״ג

    יחמל עליה ולא יעזבנה וימנענה בתוך חכו׃

  24. אִיּוֹב כ׳:י״ד

    לחמו במעיו נהפך מרורת פתנים בקרבו׃

  25. אִיּוֹב כ׳:ט״ו

    חיל בלע ויקאנו מבטנו יורשנו אל׃