פסוקים על Wicked: Contrasted with the righteous

¶ אשרי האיש אשר לא הלך בעצת רשעים ובדרך חטאים לא עמד ובמושב לצים לא ישב׃

כי אם בתורת יהוה חפצו ובתורתו יהגה יומם ולילה׃

והיה כעץ שתול על פלגי מים אשר פריו יתן בעתו ועלהו לא יבול וכל אשר יעשה יצליח׃

לא כן הרשעים כי אם כמץ אשר תדפנו רוח׃

על כן לא יקמו רשעים במשפט וחטאים בעדת צדיקים׃

כי יודע יהוה דרך צדיקים ודרך רשעים תאבד׃

יהוה צדיק יבחן ורשע ואהב חמס שנאה נפשו׃

ממתים ידך יהוה ממתים מחלד חלקם בחיים וצפינך תמלא בטנם ישבעו בנים והניחו יתרם לעולליהם׃

אני בצדק אחזה פניך אשבעה בהקיץ תמונתך׃

רבים מכאובים לרשע והבוטח ביהוה חסד יסובבנו׃

כי זרועות רשעים תשברנה וסומך צדיקים יהוה׃

יודע יהוה ימי תמימם ונחלתם לעולם תהיה׃

לא יבשו בעת רעה ובימי רעבון ישבעו׃

כי רשעים יאבדו ואיבי יהוה כיקר כרים כלו בעשן כלו׃

לוה רשע ולא ישלם וצדיק חונן ונותן׃

כי מברכיו יירשו ארץ ומקלליו יכרתו׃

שמר תם וראה ישר כי אחרית לאיש שלום׃

ופשעים נשמדו יחדו אחרית רשעים נכרתה׃

אלהים מושיב יחידים ביתה מוציא אסירים בכושרות אך סוררים שכנו צחיחה׃

¶ מזמור לאסף אך טוב לישראל אלהים לברי לבב׃

ואני כמעט נטוי רגלי כאין שפכה אשרי׃

כי קנאתי בהוללים שלום רשעים אראה׃

כי אין חרצבות למותם ובריא אולם׃

בעמל אנוש אינמו ועם אדם לא ינגעו׃

לכן ענקתמו גאוה יעטף שית חמס למו׃