פסוקים על Wicked: Worship of, offensive to God

ולרשע אמר אלהים מה לך לספר חקי ותשא בריתי עלי פיך׃

ואתה שנאת מוסר ותשלך דברי אחריך׃

שמעו דבר יהוה קציני סדם האזינו תורת אלהינו עם עמרה׃

למה לי רב זבחיכם יאמר יהוה שבעתי עלות אילים וחלב מריאים ודם פרים וכבשים ועתודים לא חפצתי׃

כי תבאו לראות פני מי בקש זאת מידכם רמס חצרי׃

לא תוסיפו הביא מנחת שוא קטרת תועבה היא לי חדש ושבת קרא מקרא לא אוכל און ועצרה׃

חדשיכם ומועדיכם שנאה נפשי היו עלי לטרח נלאיתי נשא׃

ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו׃