פסוקים על Wicked: Prosperity of

אני ראיתי אויל משריש ואקוב נוהו פתאם׃

ירחקו בניו מישע וידכאו בשער ואין מציל׃

אשר קצירו רעב יאכל ואל מצנים יקחהו ושאף צמים חילם׃

ישליו אהלים לשדדים ובטחות למרגיזי אל לאשר הביא אלוה בידו׃

קול פחדים באזניו בשלום שודד יבואנו׃

נדד הוא ללחם איה ידע כי נכון בידו יום חשך׃

כי כסה פניו בחלבו ויעש פימה עלי כסל׃

לא יעשר ולא יקום חילו ולא יטה לארץ מנלם׃

כי רננת רשעים מקרוב ושמחת חנף עדי רגע׃

במלאות שפקו יצר לו כל יד עמל תבואנו׃

מדוע רשעים יחיו עתקו גם גברו חיל׃

זרעם נכון לפניהם עמם וצאצאיהם לעיניהם׃

בתיהם שלום מפחד ולא שבט אלוה עליהם׃

שורו עבר ולא יגעל תפלט פרתו ולא תשכל׃

ישלחו כצאן עויליהם וילדיהם ירקדון׃

ישאו כתף וכנור וישמחו לקול עוגב׃

יבלו בטוב ימיהם וברגע שאול יחתו׃

¶ לדוד אל תתחר במרעים אל תקנא בעשי עולה׃

ראיתי רשע עריץ ומתערה כאזרח רענן׃

ויעבר והנה איננו ואבקשהו ולא נמצא׃

כי יראה חכמים ימותו יחד כסיל ובער יאבדו ועזבו לאחרים חילם׃

קרבם בתימו לעולם משכנתם לדר ודר קראו בשמותם עלי אדמות׃

ואדם ביקר בל ילין נמשל כבהמות נדמו׃

זה דרכם כסל למו ואחריהם בפיהם ירצו סלה׃

כצאן לשאול שתו מות ירעם וירדו בם ישרים לבקר וצירם לבלות שאול מזבל לו׃