פסוקים על Wicked

ראש פתנים יינק תהרגהו לשון אפעה׃

אל ירא בפלגות נהרי נחלי דבש וחמאה׃

משיב יגע ולא יבלע כחיל תמורתו ולא יעלס׃

כי רצץ עזב דלים בית גזל ולא יבנהו׃

כי לא ידע שלו בבטנו בחמודו לא ימלט׃

אין שריד לאכלו על כן לא יחיל טובו׃

במלאות שפקו יצר לו כל יד עמל תבואנו׃

יהי למלא בטנו ישלח בו חרון אפו וימטר עלימו בלחומו׃

יברח מנשק ברזל תחלפהו קשת נחושה׃

שלף ויצא מגוה וברק ממררתו יהלך עליו אמים׃

כל חשך טמון לצפוניו תאכלהו אש לא נפח ירע שריד באהלו׃

יגלו שמים עונו וארץ מתקוממה לו׃

יגל יבול ביתו נגרות ביום אפו׃

זה חלק אדם רשע מאלהים ונחלת אמרו מאל׃

מדוע רשעים יחיו עתקו גם גברו חיל׃

זרעם נכון לפניהם עמם וצאצאיהם לעיניהם׃

בתיהם שלום מפחד ולא שבט אלוה עליהם׃

שורו עבר ולא יגעל תפלט פרתו ולא תשכל׃

ישלחו כצאן עויליהם וילדיהם ירקדון׃

ישאו כתף וכנור וישמחו לקול עוגב׃

יבלו בטוב ימיהם וברגע שאול יחתו׃

ויאמרו לאל סור ממנו ודעת דרכיך לא חפצנו׃

מה שדי כי נעבדנו ומה נועיל כי נפגע בו׃

הן לא בידם טובם עצת רשעים רחקה מני׃

כמה נר רשעים ידעך ויבא עלימו אידם חבלים יחלק באפו׃