פסוקים על Wicked

ויאמר יהוה לא ידון רוחי באדם לעלם בשגם הוא בשר והיו ימיו מאה ועשרים שנה׃

ואנשי סדם רעים וחטאים ליהוה מאד׃

ויאמר יהוה זעקת סדם ועמרה כי רבה וחטאתם כי כבדה מאד׃

ותטמא הארץ ואפקד עונה עליה ותקא הארץ את ישביה׃

ותשבו ותבכו לפני יהוה ולא שמע יהוה בקלכם ולא האזין אליכם׃

ויתעבר יהוה בי למענכם ולא שמע אלי ויאמר יהוה אלי רב לך אל תוסף דבר אלי עוד בדבר הזה׃

ויאמר יהוה אלי לאמר ראיתי את העם הזה והנה עם קשה ערף הוא׃

ממרים הייתם עם יהוה מיום דעתי אתכם׃

ימצאהו בארץ מדבר ובתהו ילל ישמן יסבבנהו יבוננהו יצרנהו כאישון עינו׃

כי מגפן סדם גפנם ומשדמת עמרה ענבמו ענבי רוש אשכלת מררת למו׃

חמת תנינם יינם וראש פתנים אכזר׃

כאשר יאמר משל הקדמני מרשעים יצא רשע וידי לא תהיה בך׃

ישעו ואין משיע אל יהוה ולא ענם׃

ויאמר אחאב אל אליהו המצאתני איבי ויאמר מצאתי יען התמכרך לעשות הרע בעיני יהוה׃

ויאמר מלך ישראל אל יהושפט עוד איש אחד לדרש את יהוה מאתו ואני שנאתיו כי לא יתנבא עלי טוב כי אם רע מיכיהו בן ימלה ויאמר יהושפט אל יאמר המלך כן׃

ויאמר מלך ישראל אל יהושפט עוד איש אחד לדרוש את יהוה מאתו ואני שנאתיהו כי איננו מתנבא עלי לטובה כי כל ימיו לרעה הוא מיכיהו בן ימלא ויאמר יהושפט אל יאמר המלך כן׃

ועתה בני יהודה וירושלם אתם אמרים לכבש לעבדים ולשפחות לכם הלא רק אתם עמכם אשמות ליהוה אלהיכם׃

ובעת הצר לו ויוסף למעול ביהוה הוא המלך אחז׃

אשר צוית ביד עבדיך הנביאים לאמר הארץ אשר אתם באים לרשתה ארץ נדה היא בנדת עמי הארצות בתועבתיהם אשר מלאוה מפה אל פה בטמאתם׃

אני ראיתי אויל משריש ואקוב נוהו פתאם׃

ירחקו בניו מישע וידכאו בשער ואין מציל׃

אשר קצירו רעב יאכל ואל מצנים יקחהו ושאף צמים חילם׃

כן ארחות כל שכחי אל ותקות חנף תאבד׃

אשר יקוט כסלו ובית עכביש מבטחו׃

ישען על ביתו ולא יעמד יחזיק בו ולא יקום׃