פסוקים על The Edomites

89 פסוקים · 62 היבטים

פסוקי מפתח

סינון לפי ספר
  1. בְּרֵאשִׁית ל״ו:מ׳

    ואלה שמות אלופי עשו למשפחתם למקמתם בשמתם אלוף תמנע אלוף עלוה אלוף יתת׃

  2. בְּרֵאשִׁית ל״ו:מ״א

    אלוף אהליבמה אלוף אלה אלוף פינן׃

  3. בְּרֵאשִׁית ל״ו:מ״ב

    אלוף קנז אלוף תימן אלוף מבצר׃

  4. בְּרֵאשִׁית ל״ו:מ״ג

    אלוף מגדיאל אלוף עירם אלה אלופי אדום למשבתם בארץ אחזתם הוא עשו אבי אדום׃

  5. 1 מְלָכִים י״א:י״ז

    ויברח אדד הוא ואנשים אדמיים מעבדי אביו אתו לבוא מצרים והדד נער קטן׃

  6. 1 מְלָכִים י״א:י״ח

    ויקמו ממדין ויבאו פארן ויקחו אנשים עמם מפארן ויבאו מצרים אל פרעה מלך מצרים ויתן לו בית ולחם אמר לו וארץ נתן לו׃

  7. 1 מְלָכִים י״א:י״ט

    וימצא הדד חן בעיני פרעה מאד ויתן לו אשה את אחות אשתו אחות תחפניס הגבירה׃

  8. 1 מְלָכִים י״א:כ״א

    והדד שמע במצרים כי שכב דוד עם אבתיו וכי מת יואב שר הצבא ויאמר הדד אל פרעה שלחני ואלך אל ארצי׃

  9. 1 מְלָכִים י״א:כ״ב

    ויאמר לו פרעה כי מה אתה חסר עמי והנך מבקש ללכת אל ארצך ויאמר לא כי שלח תשלחני׃

  10. 2 מְלָכִים ח׳:כ׳

    בימיו פשע אדום מתחת יד יהודה וימלכו עליהם מלך׃

  11. 2 מְלָכִים ח׳:כ״א

    ויעבר יורם צעירה וכל הרכב עמו ויהי הוא קם לילה ויכה את אדום הסביב אליו ואת שרי הרכב וינס העם לאהליו׃

  12. 2 מְלָכִים ח׳:כ״ב

    ויפשע אדום מתחת יד יהודה עד היום הזה אז תפשע לבנה בעת ההיא׃

  13. 2 דִּבְרֵי הַיָּמִים כ״א:ח׳

    בימיו פשע אדום מתחת יד יהודה וימליכו עליהם מלך׃

  14. 2 דִּבְרֵי הַיָּמִים כ״א:ט׳

    ויעבר יהורם עם שריו וכל הרכב עמו ויהי קם לילה ויך את אדום הסובב אליו ואת שרי הרכב׃

  15. 2 דִּבְרֵי הַיָּמִים כ״א:י׳

    ויפשע אדום מתחת יד יהודה עד היום הזה אז תפשע לבנה בעת ההיא מתחת ידו כי עזב את יהוה אלהי אבתיו׃

  16. תְהִלִּים פ״ג:ד׳

    אמרו לכו ונכחידם מגוי ולא יזכר שם ישראל עוד׃

  17. תְהִלִּים פ״ג:ה׳

    כי נועצו לב יחדו עליך ברית יכרתו׃

  18. תְהִלִּים פ״ג:ו׳

    אהלי אדום וישמעאלים מואב והגרים׃

  19. יְשַׁעְיָהוּ ל״ד:ה׳

    כי רותה בשמים חרבי הנה על אדום תרד ועל עם חרמי למשפט׃

  20. יְשַׁעְיָהוּ ל״ד:ו׳

    חרב ליהוה מלאה דם הדשנה מחלב מדם כרים ועתודים מחלב כליות אילים כי זבח ליהוה בבצרה וטבח גדול בארץ אדום׃

  21. יְשַׁעְיָהוּ ל״ד:ז׳

    וירדו ראמים עמם ופרים עם אבירים ורותה ארצם מדם ועפרם מחלב ידשן׃

  22. יְשַׁעְיָהוּ ל״ד:ח׳

    כי יום נקם ליהוה שנת שלומים לריב ציון׃

  23. יְשַׁעְיָהוּ ל״ד:ט׳

    ונהפכו נחליה לזפת ועפרה לגפרית והיתה ארצה לזפת בערה׃

  24. יְשַׁעְיָהוּ ל״ד:י׳

    לילה ויומם לא תכבה לעולם יעלה עשנה מדור לדור תחרב לנצח נצחים אין עבר בה׃

  25. יְשַׁעְיָהוּ ל״ד:י״א

    וירשוה קאת וקפוד וינשוף וערב ישכנו בה ונטה עליה קו תהו ואבני בהו׃