פסוקים על The Edomites

89 פסוקים · 62 היבטים

פסוקי מפתח

סינון לפי ספר
  1. יִרְמְיָהוּ כ״ז:ה׳

    אנכי עשיתי את הארץ את האדם ואת הבהמה אשר על פני הארץ בכחי הגדול ובזרועי הנטויה ונתתיה לאשר ישר בעיני׃

  2. יִרְמְיָהוּ כ״ז:ו׳

    ועתה אנכי נתתי את כל הארצות האלה ביד נבוכדנאצר מלך בבל עבדי וגם את חית השדה נתתי לו לעבדו׃

  3. יְחֶזְקֵאל ל״ה:ז׳

    ונתתי את הר שעיר לשממה ושממה והכרתי ממנו עבר ושב׃

  4. יְחֶזְקֵאל ל״ה:ח׳

    ומלאתי את הריו חלליו גבעותיך וגיאותיך וכל אפיקיך חללי חרב יפלו בהם׃

  5. יְחֶזְקֵאל ל״ה:ט׳

    שממות עולם אתנך ועריך לא תישבנה וידעתם כי אני יהוה׃

  6. יְחֶזְקֵאל ל״ה:י׳

    יען אמרך את שני הגוים ואת שתי הארצות לי תהיינה וירשנוה ויהוה שם היה׃

  7. יְחֶזְקֵאל ל״ה:י״א

    לכן חי אני נאם אדני יהוה ועשיתי כאפך וכקנאתך אשר עשיתה משנאתיך בם ונודעתי בם כאשר אשפטך׃

  8. יְחֶזְקֵאל ל״ה:י״ב

    וידעת כי אני יהוה שמעתי את כל נאצותיך אשר אמרת על הרי ישראל לאמר שממה לנו נתנו לאכלה׃

  9. יְחֶזְקֵאל ל״ה:י״ג

    ותגדילו עלי בפיכם והעתרתם עלי דבריכם אני שמעתי׃

  10. יְחֶזְקֵאל ל״ה:י״ד

    כה אמר אדני יהוה כשמח כל הארץ שממה אעשה לך׃

  11. יְחֶזְקֵאל ל״ה:ט״ו

    כשמחתך לנחלת בית ישראל על אשר שממה כן אעשה לך שממה תהיה הר שעיר וכל אדום כלה וידעו כי אני יהוה׃

  12. עֹבַדְיָה א׳:י״ז

    ובהר ציון תהיה פליטה והיה קדש וירשו בית יעקב את מורשיהם׃

  13. עֹבַדְיָה א׳:י״ח

    והיה בית יעקב אש ובית יוסף להבה ובית עשו לקש ודלקו בהם ואכלום ולא יהיה שריד לבית עשו כי יהוה דבר׃

  14. עֹבַדְיָה א׳:י״ט

    וירשו הנגב את הר עשו והשפלה את פלשתים וירשו את שדה אפרים ואת שדה שמרון ובנימן את הגלעד׃