פסוקים על The Edomites

89 פסוקים · 62 היבטים

פסוקי מפתח

יְשַׁעְיָהוּ ל״ד:י״ב
חריה ואין שם מלוכה יקראו וכל שריה יהיו אפס׃
יְשַׁעְיָהוּ ל״ד:י״ג
ועלתה ארמנתיה סירים קמוש וחוח במבצריה והיתה נוה תנים חציר לבנות יענה׃
יְשַׁעְיָהוּ ל״ד:י״ד
ופגשו ציים את איים ושעיר על רעהו יקרא אך שם הרגיעה לילית ומצאה לה מנוח׃
יְשַׁעְיָהוּ ל״ד:ט״ו
שמה קננה קפוז ותמלט ובקעה ודגרה בצלה אך שם נקבצו דיות אשה רעותה׃
יְשַׁעְיָהוּ ל״ד:ט״ז
דרשו מעל ספר יהוה וקראו אחת מהנה לא נעדרה אשה רעותה לא פקדו כי פי הוא צוה ורוחו הוא קבצן׃
יְשַׁעְיָהוּ ל״ד:י״ז
והוא הפיל להן גורל וידו חלקתה להם בקו עד עולם יירשוה לדור ודור ישכנו בה׃
יְשַׁעְיָהוּ ס״ג:א׳
¶ מי זה בא מאדום חמוץ בגדים מבצרה זה הדור בלבושו צעה ברב כחו אני מדבר בצדקה רב להושיע׃
יְשַׁעְיָהוּ ס״ג:ב׳
מדוע אדם ללבושך ובגדיך כדרך בגת׃
יְשַׁעְיָהוּ ס״ג:ג׳
פורה דרכתי לבדי ומעמים אין איש אתי ואדרכם באפי וארמסם בחמתי ויז נצחם על בגדי וכל מלבושי אגאלתי׃
יְשַׁעְיָהוּ ס״ג:ד׳
כי יום נקם בלבי ושנת גאולי באה׃
יִרְמְיָהוּ כ״ה:ט״ו
כי כה אמר יהוה אלהי ישראל אלי קח את כוס היין החמה הזאת מידי והשקיתה אתו את כל הגוים אשר אנכי שלח אותך אליהם׃
יִרְמְיָהוּ כ״ה:ט״ז
ושתו והתגעשו והתהללו מפני החרב אשר אנכי שלח בינתם׃
יִרְמְיָהוּ כ״ה:י״ז
ואקח את הכוס מיד יהוה ואשקה את כל הגוים אשר שלחני יהוה אליהם׃
יִרְמְיָהוּ כ״ה:י״ח
את ירושלם ואת ערי יהודה ואת מלכיה את שריה לתת אתם לחרבה לשמה לשרקה ולקללה כיום הזה׃
יִרְמְיָהוּ כ״ה:י״ט
את פרעה מלך מצרים ואת עבדיו ואת שריו ואת כל עמו׃
יִרְמְיָהוּ כ״ה:כ׳
ואת כל הערב ואת כל מלכי ארץ העוץ ואת כל מלכי ארץ פלשתים ואת אשקלון ואת עזה ואת עקרון ואת שארית אשדוד׃
יִרְמְיָהוּ כ״ה:כ״א
את אדום ואת מואב ואת בני עמון׃
יִרְמְיָהוּ כ״ה:כ״ב
ואת כל מלכי צר ואת כל מלכי צידון ואת מלכי האי אשר בעבר הים׃
יִרְמְיָהוּ כ״ה:כ״ג
ואת דדן ואת תימא ואת בוז ואת כל קצוצי פאה׃
יִרְמְיָהוּ כ״ה:כ״ד
ואת כל מלכי ערב ואת כל מלכי הערב השכנים במדבר׃
יִרְמְיָהוּ כ״ה:כ״ה
ואת כל מלכי זמרי ואת כל מלכי עילם ואת כל מלכי מדי׃
יִרְמְיָהוּ כ״ה:כ״ו
ואת כל מלכי הצפון הקרבים והרחקים איש אל אחיו ואת כל הממלכות הארץ אשר על פני האדמה ומלך ששך ישתה אחריהם׃
יִרְמְיָהוּ כ״ה:כ״ז
ואמרת אליהם כה אמר יהוה צבאות אלהי ישראל שתו ושכרו וקיו ונפלו ולא תקומו מפני החרב אשר אנכי שלח ביניכם׃
יִרְמְיָהוּ כ״ז:ג׳
ושלחתם אל מלך אדום ואל מלך מואב ואל מלך בני עמון ואל מלך צר ואל מלך צידון ביד מלאכים הבאים ירושלם אל צדקיהו מלך יהודה׃
יִרְמְיָהוּ כ״ז:ד׳
וצוית אתם אל אדניהם לאמר כה אמר יהוה צבאות אלהי ישראל כה תאמרו אל אדניכם׃

מציג 51–75 מתוך 89 פסוקים

הקודם 1 2 3 4 הבא