פסוקים על The Edomites: Utter desolation of their country

18 פסוקים · 62 היבטים

פסוקים על Utter desolation of their country

יְשַׁעְיָהוּ ל״ד:ט׳
ונהפכו נחליה לזפת ועפרה לגפרית והיתה ארצה לזפת בערה׃
יְשַׁעְיָהוּ ל״ד:י׳
לילה ויומם לא תכבה לעולם יעלה עשנה מדור לדור תחרב לנצח נצחים אין עבר בה׃
יְשַׁעְיָהוּ ל״ד:י״א
וירשוה קאת וקפוד וינשוף וערב ישכנו בה ונטה עליה קו תהו ואבני בהו׃
יְשַׁעְיָהוּ ל״ד:י״ב
חריה ואין שם מלוכה יקראו וכל שריה יהיו אפס׃
יְשַׁעְיָהוּ ל״ד:י״ג
ועלתה ארמנתיה סירים קמוש וחוח במבצריה והיתה נוה תנים חציר לבנות יענה׃
יְשַׁעְיָהוּ ל״ד:י״ד
ופגשו ציים את איים ושעיר על רעהו יקרא אך שם הרגיעה לילית ומצאה לה מנוח׃
יְשַׁעְיָהוּ ל״ד:ט״ו
שמה קננה קפוז ותמלט ובקעה ודגרה בצלה אך שם נקבצו דיות אשה רעותה׃
יְשַׁעְיָהוּ ל״ד:ט״ז
דרשו מעל ספר יהוה וקראו אחת מהנה לא נעדרה אשה רעותה לא פקדו כי פי הוא צוה ורוחו הוא קבצן׃
יְשַׁעְיָהוּ ל״ד:י״ז
והוא הפיל להן גורל וידו חלקתה להם בקו עד עולם יירשוה לדור ודור ישכנו בה׃
יְחֶזְקֵאל ל״ה:ז׳
ונתתי את הר שעיר לשממה ושממה והכרתי ממנו עבר ושב׃
יְחֶזְקֵאל ל״ה:ח׳
ומלאתי את הריו חלליו גבעותיך וגיאותיך וכל אפיקיך חללי חרב יפלו בהם׃
יְחֶזְקֵאל ל״ה:ט׳
שממות עולם אתנך ועריך לא תישבנה וידעתם כי אני יהוה׃
יְחֶזְקֵאל ל״ה:י׳
יען אמרך את שני הגוים ואת שתי הארצות לי תהיינה וירשנוה ויהוה שם היה׃
יְחֶזְקֵאל ל״ה:י״א
לכן חי אני נאם אדני יהוה ועשיתי כאפך וכקנאתך אשר עשיתה משנאתיך בם ונודעתי בם כאשר אשפטך׃
יְחֶזְקֵאל ל״ה:י״ב
וידעת כי אני יהוה שמעתי את כל נאצותיך אשר אמרת על הרי ישראל לאמר שממה לנו נתנו לאכלה׃
יְחֶזְקֵאל ל״ה:י״ג
ותגדילו עלי בפיכם והעתרתם עלי דבריכם אני שמעתי׃
יְחֶזְקֵאל ל״ה:י״ד
כה אמר אדני יהוה כשמח כל הארץ שממה אעשה לך׃
יְחֶזְקֵאל ל״ה:ט״ו
כשמחתך לנחלת בית ישראל על אשר שממה כן אעשה לך שממה תהיה הר שעיר וכל אדום כלה וידעו כי אני יהוה׃