פסוקים על Pride

וירא המן כי אין מרדכי כרע ומשתחוה לו וימלא המן חמה׃

ואיש נבוב ילבב ועיר פרא אדם יולד׃

אמנם כי אתם עם ועמכם תמות חכמה׃

גם לי לבב כמוכם לא נפל אנכי מכם ואת מי אין כמו אלה׃

כדעתכם ידעתי גם אני לא נפל אנכי מכם׃

מי יתן החרש תחרישון ותהי לכם לחכמה׃

¶ ויען אליפז התימני ויאמר׃

החכם יענה דעת רוח וימלא קדים בטנו׃

הוכח בדבר לא יסכון ומלים לא יועיל בם׃

אף אתה תפר יראה ותגרע שיחה לפני אל׃

כי יאלף עונך פיך ותבחר לשון ערומים׃

ירשיעך פיך ולא אני ושפתיך יענו בך׃

הראישון אדם תולד ולפני גבעות חוללת׃

הבסוד אלוה תשמע ותגרע אליך חכמה׃

מה ידעת ולא נדע תבין ולא עמנו הוא׃

גם שב גם ישיש בנו כביר מאביך ימים׃

המעט ממך תנחמות אל ודבר לאט עמך׃

מה יקחך לבך ומה ירזמון עיניך׃

כי תשיב אל אל רוחך והצאת מפיך מלין׃

מדוע נחשבנו כבהמה נטמינו בעיניכם׃

טרף נפשו באפו הלמענך תעזב ארץ ויעתק צור ממקמו׃

מי יגיד על פניו דרכו והוא עשה מי ישלם לו׃

והוא לקברות יובל ועל גדיש ישקוד׃

לא רבים יחכמו וזקנים יבינו משפט׃

לכן אמרתי שמעה לי אחוה דעי אף אני׃