פסוקים על Pride

303 פסוקים · 61 היבטים

פסוקי מפתח

סינון לפי ספר
  1. תְהִלִּים קי״ט:כ״א

    גערת זדים ארורים השגים ממצותיך׃

  2. תְהִלִּים קי״ט:ס״ט

    טפלו עלי שקר זדים אני בכל לב אצר פקודיך׃

  3. תְהִלִּים קי״ט:ע׳

    טפש כחלב לבם אני תורתך שעשעתי׃

  4. תְהִלִּים קי״ט:ע״ח

    יבשו זדים כי שקר עותוני אני אשיח בפקודיך׃

  5. תְהִלִּים קל״א:א׳

    ¶ שיר המעלות לדוד יהוה לא גבה לבי ולא רמו עיני ולא הלכתי בגדלות ובנפלאות ממני׃

  6. תְהִלִּים קל״ח:ו׳

    כי רם יהוה ושפל יראה וגבה ממרחק יידע׃

  7. מִשְׁלֵי ג׳:ל״ד

    אם ללצים הוא יליץ ולעניים יתן חן׃

  8. מִשְׁלֵי ו׳:ט״ז

    שש הנה שנא יהוה ושבע תועבות נפשו׃

  9. מִשְׁלֵי ו׳:י״ז

    עינים רמות לשון שקר וידים שפכות דם נקי׃

  10. מִשְׁלֵי ח׳:י״ב

    אני חכמה שכנתי ערמה ודעת מזמות אמצא׃

  11. מִשְׁלֵי ח׳:י״ג

    יראת יהוה שנאת רע גאה וגאון ודרך רע ופי תהפכות שנאתי׃

  12. מִשְׁלֵי י׳:י״ז

    ארח לחיים שומר מוסר ועוזב תוכחת מתעה׃

  13. מִשְׁלֵי י״א:ב׳

    בא זדון ויבא קלון ואת צנועים חכמה׃

  14. מִשְׁלֵי י״א:י״ב

    בז לרעהו חסר לב ואיש תבונות יחריש׃

  15. מִשְׁלֵי י״ב:ט׳

    טוב נקלה ועבד לו ממתכבד וחסר לחם׃

  16. מִשְׁלֵי י״ב:ט״ו

    דרך אויל ישר בעיניו ושמע לעצה חכם׃

  17. מִשְׁלֵי י״ג:י׳

    רק בזדון יתן מצה ואת נועצים חכמה׃

  18. מִשְׁלֵי י״ד:כ״א

    בז לרעהו חוטא ומחונן עניים אשריו׃

  19. מִשְׁלֵי ט״ו:ה׳

    אויל ינאץ מוסר אביו ושמר תוכחת יערם׃

  20. מִשְׁלֵי ט״ו:י׳

    מוסר רע לעזב ארח שונא תוכחת ימות׃

  21. מִשְׁלֵי ט״ו:י״ב

    לא יאהב לץ הוכח לו אל חכמים לא ילך׃

  22. מִשְׁלֵי ט״ו:כ״ה

    בית גאים יסח יהוה ויצב גבול אלמנה׃

  23. מִשְׁלֵי ט״ו:ל״ב

    פורע מוסר מואס נפשו ושומע תוכחת קונה לב׃

  24. מִשְׁלֵי ט״ז:ה׳

    תועבת יהוה כל גבה לב יד ליד לא ינקה׃

  25. מִשְׁלֵי ט״ז:י״ח

    לפני שבר גאון ולפני כשלון גבה רוח׃