פסוקים על Pride

303 פסוקים · 61 היבטים

פסוקי מפתח

סינון לפי ספר
  1. יְשַׁעְיָהוּ ב׳:י״ז

    ושח גבהות האדם ושפל רום אנשים ונשגב יהוה לבדו ביום ההוא׃

  2. יְשַׁעְיָהוּ ג׳:ט״ז

    ויאמר יהוה יען כי גבהו בנות ציון ותלכנה נטוות גרון ומשקרות עינים הלוך וטפוף תלכנה וברגליהם תעכסנה׃

  3. יְשַׁעְיָהוּ ג׳:י״ז

    ושפח אדני קדקד בנות ציון ויהוה פתהן יערה׃

  4. יְשַׁעְיָהוּ ג׳:י״ח

    ביום ההוא יסיר אדני את תפארת העכסים והשביסים והשהרנים׃

  5. יְשַׁעְיָהוּ ג׳:י״ט

    הנטפות והשרות והרעלות׃

  6. יְשַׁעְיָהוּ ג׳:כ׳

    הפארים והצעדות והקשרים ובתי הנפש והלחשים׃

  7. יְשַׁעְיָהוּ ג׳:כ״א

    הטבעות ונזמי האף׃

  8. יְשַׁעְיָהוּ ג׳:כ״ב

    המחלצות והמעטפות והמטפחות והחריטים׃

  9. יְשַׁעְיָהוּ ג׳:כ״ג

    הגלינים והסדינים והצניפות והרדידים׃

  10. יְשַׁעְיָהוּ ג׳:כ״ד

    והיה תחת בשם מק יהיה ותחת חגורה נקפה ותחת מעשה מקשה קרחה ותחת פתיגיל מחגרת שק כי תחת יפי׃

  11. יְשַׁעְיָהוּ ג׳:כ״ה

    מתיך בחרב יפלו וגבורתך במלחמה׃

  12. יְשַׁעְיָהוּ ג׳:כ״ו

    ואנו ואבלו פתחיה ונקתה לארץ תשב׃

  13. יְשַׁעְיָהוּ ה׳:ח׳

    הוי מגיעי בית בבית שדה בשדה יקריבו עד אפס מקום והושבתם לבדכם בקרב הארץ׃

  14. יְשַׁעְיָהוּ ה׳:ט״ו

    וישח אדם וישפל איש ועיני גבהים תשפלנה׃

  15. יְשַׁעְיָהוּ ט׳:ט׳

    וידעו העם כלו אפרים ויושב שמרון בגאוה ובגדל לבב לאמר׃

  16. יְשַׁעְיָהוּ ט׳:י׳

    לבנים נפלו וגזית נבנה שקמים גדעו וארזים נחליף׃

  17. יְשַׁעְיָהוּ י׳:ה׳

    הוי אשור שבט אפי ומטה הוא בידם זעמי׃

  18. יְשַׁעְיָהוּ י׳:ו׳

    בגוי חנף אשלחנו ועל עם עברתי אצונו לשלל שלל ולבז בז ולשימו מרמס כחמר חוצות׃

  19. יְשַׁעְיָהוּ י׳:ז׳

    והוא לא כן ידמה ולבבו לא כן יחשב כי להשמיד בלבבו ולהכרית גוים לא מעט׃

  20. יְשַׁעְיָהוּ י׳:ח׳

    כי יאמר הלא שרי יחדו מלכים׃

  21. יְשַׁעְיָהוּ י׳:ט׳

    הלא ככרכמיש כלנו אם לא כארפד חמת אם לא כדמשק שמרון׃

  22. יְשַׁעְיָהוּ י׳:י׳

    כאשר מצאה ידי לממלכת האליל ופסיליהם מירושלם ומשמרון׃

  23. יְשַׁעְיָהוּ י׳:י״א

    הלא כאשר עשיתי לשמרון ולאליליה כן אעשה לירושלם ולעצביה׃

  24. יְשַׁעְיָהוּ י׳:י״ב

    והיה כי יבצע אדני את כל מעשהו בהר ציון ובירושלם אפקד על פרי גדל לבב מלך אשור ועל תפארת רום עיניו׃

  25. יְשַׁעְיָהוּ י׳:י״ג

    כי אמר בכח ידי עשיתי ובחכמתי כי נבנותי ואסיר גבולת עמים ועתידתיהם שושתי ואוריד כאביר יושבים׃