עברית

circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 שְׁמוּאֵל כ״ד:ו׳בערך 1017 לפנה״ס

    ויבאו הגלעדה ואל ארץ תחתים חדשי ויבאו דנה יען וסביב אל צידון׃

  2. 2 שְׁמוּאֵל כ״ד:ז׳בערך 1017 לפנה״ס

    ויבאו מבצר צר וכל ערי החוי והכנעני ויצאו אל נגב יהודה באר שבע׃

  3. 2 שְׁמוּאֵל כ״ד:ח׳בערך 1017 לפנה״ס

    וישטו בכל הארץ ויבאו מקצה תשעה חדשים ועשרים יום ירושלם׃

  4. 2 שְׁמוּאֵל כ״ד:ט׳בערך 1017 לפנה״ס

    ויתן יואב את מספר מפקד העם אל המלך ותהי ישראל שמנה מאות אלף איש חיל שלף חרב ואיש יהודה חמש מאות אלף איש׃

  5. 2 שְׁמוּאֵל כ״ד:י׳בערך 1017 לפנה״ס

    ויך לב דוד אתו אחרי כן ספר את העם ויאמר דוד אל יהוה חטאתי מאד אשר עשיתי ועתה יהוה העבר נא את עון עבדך כי נסכלתי מאד׃

  6. 2 שְׁמוּאֵל כ״ד:י״אבערך 1017 לפנה״ס

    ויקם דוד בבקר ודבר יהוה היה אל גד הנביא חזה דוד לאמר׃

  7. 2 שְׁמוּאֵל כ״ד:י״בבערך 1017 לפנה״ס

    הלוך ודברת אל דוד כה אמר יהוה שלש אנכי נוטל עליך בחר לך אחת מהם ואעשה לך׃

  8. 2 שְׁמוּאֵל כ״ד:י״גבערך 1017 לפנה״ס

    ויבא גד אל דוד ויגד לו ויאמר לו התבוא לך שבע שנים רעב בארצך אם שלשה חדשים נסך לפני צריך והוא רדפך ואם היות שלשת ימים דבר בארצך עתה דע וראה מה אשיב שלחי דבר׃

  9. 2 שְׁמוּאֵל כ״ד:י״דבערך 1017 לפנה״ס

    ויאמר דוד אל גד צר לי מאד נפלה נא ביד יהוה כי רבים רחמו וביד אדם אל אפלה׃

  10. 2 שְׁמוּאֵל כ״ד:ט״ובערך 1017 לפנה״ס

    ויתן יהוה דבר בישראל מהבקר ועד עת מועד וימת מן העם מדן ועד באר שבע שבעים אלף איש׃

  11. 2 שְׁמוּאֵל כ״ד:ט״זבערך 1017 לפנה״ס

    וישלח ידו המלאך ירושלם לשחתה וינחם יהוה אל הרעה ויאמר למלאך המשחית בעם רב עתה הרף ידך ומלאך יהוה היה עם גרן האורנה היבסי׃

  12. 2 שְׁמוּאֵל כ״ד:י״זבערך 1017 לפנה״ס

    ויאמר דוד אל יהוה בראתו את המלאך המכה בעם ויאמר הנה אנכי חטאתי ואנכי העויתי ואלה הצאן מה עשו תהי נא ידך בי ובבית אבי׃

  13. 2 שְׁמוּאֵל כ״ד:י״חבערך 1017 לפנה״ס

    ויבא גד אל דוד ביום ההוא ויאמר לו עלה הקם ליהוה מזבח בגרן ארניה היבסי׃

  14. 2 שְׁמוּאֵל כ״ד:י״טבערך 1017 לפנה״ס

    ויעל דוד כדבר גד כאשר צוה יהוה׃

  15. 2 שְׁמוּאֵל כ״ד:כ׳בערך 1017 לפנה״ס

    וישקף ארונה וירא את המלך ואת עבדיו עברים עליו ויצא ארונה וישתחו למלך אפיו ארצה׃

  16. 2 שְׁמוּאֵל כ״ד:כ״אבערך 1017 לפנה״ס

    ויאמר ארונה מדוע בא אדני המלך אל עבדו ויאמר דוד לקנות מעמך את הגרן לבנות מזבח ליהוה ותעצר המגפה מעל העם׃

  17. 2 שְׁמוּאֵל כ״ד:כ״בבערך 1017 לפנה״ס

    ויאמר ארונה אל דוד יקח ויעל אדני המלך הטוב בעינו ראה הבקר לעלה והמרגים וכלי הבקר לעצים׃

  18. 2 שְׁמוּאֵל כ״ד:כ״גבערך 1017 לפנה״ס

    הכל נתן ארונה המלך למלך ויאמר ארונה אל המלך יהוה אלהיך ירצך׃

  19. 2 שְׁמוּאֵל כ״ד:כ״דבערך 1017 לפנה״ס

    ויאמר המלך אל ארונה לא כי קנו אקנה מאותך במחיר ולא אעלה ליהוה אלהי עלות חנם ויקן דוד את הגרן ואת הבקר בכסף שקלים חמשים׃

  20. 2 שְׁמוּאֵל כ״ד:כ״הבערך 1017 לפנה״ס

    ויבן שם דוד מזבח ליהוה ויעל עלות ושלמים ויעתר יהוה לארץ ותעצר המגפה מעל ישראל׃

  21. 1 דִּבְרֵי הַיָּמִים י׳:א׳בערך 1056 לפנה״ס

    ¶ ופלשתים נלחמו בישראל וינס איש ישראל מפני פלשתים ויפלו חללים בהר גלבע׃

  22. 1 דִּבְרֵי הַיָּמִים י׳:ב׳בערך 1056 לפנה״ס

    וידבקו פלשתים אחרי שאול ואחרי בניו ויכו פלשתים את יונתן ואת אבינדב ואת מלכי שוע בני שאול׃

  23. 1 דִּבְרֵי הַיָּמִים י׳:ג׳בערך 1056 לפנה״ס

    ותכבד המלחמה על שאול וימצאהו המורים בקשת ויחל מן היורים׃

  24. 1 דִּבְרֵי הַיָּמִים י׳:ד׳בערך 1056 לפנה״ס

    ויאמר שאול אל נשא כליו שלף חרבך ודקרני בה פן יבאו הערלים האלה והתעללו בי ולא אבה נשא כליו כי ירא מאד ויקח שאול את החרב ויפל עליה׃

  25. 1 דִּבְרֵי הַיָּמִים י׳:ה׳בערך 1056 לפנה״ס

    וירא נשא כליו כי מת שאול ויפל גם הוא על החרב וימת׃