TRV
circa 1010–970 BC
The Reign of David
David unites the tribes, conquers Jerusalem, and establishes Israel's golden age—even through deep personal failure.
פסוקים מתקופה זו
- 1 דִּבְרֵי הַיָּמִים י׳:ו׳בערך 1056 לפנה״ס
וימת שאול ושלשת בניו וכל ביתו יחדו מתו׃
- 1 דִּבְרֵי הַיָּמִים י׳:ז׳בערך 1056 לפנה״ס
ויראו כל איש ישראל אשר בעמק כי נסו וכי מתו שאול ובניו ויעזבו עריהם וינסו ויבאו פלשתים וישבו בהם׃
- 1 דִּבְרֵי הַיָּמִים י׳:ח׳בערך 1056 לפנה״ס
ויהי ממחרת ויבאו פלשתים לפשט את החללים וימצאו את שאול ואת בניו נפלים בהר גלבע׃
- 1 דִּבְרֵי הַיָּמִים י׳:ט׳בערך 1056 לפנה״ס
ויפשיטהו וישאו את ראשו ואת כליו וישלחו בארץ פלשתים סביב לבשר את עצביהם ואת העם׃
- 1 דִּבְרֵי הַיָּמִים י׳:י׳בערך 1056 לפנה״ס
וישימו את כליו בית אלהיהם ואת גלגלתו תקעו בית דגון׃
- 1 דִּבְרֵי הַיָּמִים י׳:י״אבערך 1056 לפנה״ס
וישמעו כל יביש גלעד את כל אשר עשו פלשתים לשאול׃
- 1 דִּבְרֵי הַיָּמִים י׳:י״בבערך 1056 לפנה״ס
ויקומו כל איש חיל וישאו את גופת שאול ואת גופת בניו ויביאום יבישה ויקברו את עצמותיהם תחת האלה ביבש ויצומו שבעת ימים׃
- 1 דִּבְרֵי הַיָּמִים י׳:י״גבערך 1056 לפנה״ס
וימת שאול במעלו אשר מעל ביהוה על דבר יהוה אשר לא שמר וגם לשאול באוב לדרוש׃
- 1 דִּבְרֵי הַיָּמִים י׳:י״דבערך 1056 לפנה״ס
ולא דרש ביהוה וימיתהו ויסב את המלוכה לדויד בן ישי׃
- 1 דִּבְרֵי הַיָּמִים י״א:א׳בערך 1048 לפנה״ס
¶ ויקבצו כל ישראל אל דויד חברונה לאמר הנה עצמך ובשרך אנחנו׃
- 1 דִּבְרֵי הַיָּמִים י״א:ב׳בערך 1048 לפנה״ס
גם תמול גם שלשום גם בהיות שאול מלך אתה המוציא והמביא את ישראל ויאמר יהוה אלהיך לך אתה תרעה את עמי את ישראל ואתה תהיה נגיד על עמי ישראל׃
- 1 דִּבְרֵי הַיָּמִים י״א:ג׳בערך 1048 לפנה״ס
ויבאו כל זקני ישראל אל המלך חברונה ויכרת להם דויד ברית בחברון לפני יהוה וימשחו את דויד למלך על ישראל כדבר יהוה ביד שמואל׃
- 1 דִּבְרֵי הַיָּמִים י״א:ד׳בערך 1048 לפנה״ס
וילך דויד וכל ישראל ירושלם היא יבוס ושם היבוסי ישבי הארץ׃
- 1 דִּבְרֵי הַיָּמִים י״א:ה׳בערך 1048 לפנה״ס
ויאמרו ישבי יבוס לדויד לא תבוא הנה וילכד דויד את מצדת ציון היא עיר דויד׃
- 1 דִּבְרֵי הַיָּמִים י״א:ו׳בערך 1048 לפנה״ס
ויאמר דויד כל מכה יבוסי בראשונה יהיה לראש ולשר ויעל בראשונה יואב בן צרויה ויהי לראש׃
- 1 דִּבְרֵי הַיָּמִים י״א:ז׳בערך 1048 לפנה״ס
וישב דויד במצד על כן קראו לו עיר דויד׃
- 1 דִּבְרֵי הַיָּמִים י״א:ח׳בערך 1048 לפנה״ס
ויבן העיר מסביב מן המלוא ועד הסביב ויואב יחיה את שאר העיר׃
- 1 דִּבְרֵי הַיָּמִים י״א:ט׳בערך 1048 לפנה״ס
וילך דויד הלוך וגדול ויהוה צבאות עמו׃
- 1 דִּבְרֵי הַיָּמִים י״א:י׳בערך 1055 לפנה״ס
ואלה ראשי הגבורים אשר לדויד המתחזקים עמו במלכותו עם כל ישראל להמליכו כדבר יהוה על ישראל׃
- 1 דִּבְרֵי הַיָּמִים י״א:י״אבערך 1055 לפנה״ס
ואלה מספר הגברים אשר לדויד ישבעם בן חכמוני ראש השלושים הוא עורר את חניתו על שלש מאות חלל בפעם אחת׃
- 1 דִּבְרֵי הַיָּמִים י״א:י״בבערך 1055 לפנה״ס
ואחריו אלעזר בן דודו האחוחי הוא בשלושה הגברים׃
- 1 דִּבְרֵי הַיָּמִים י״א:י״גבערך 1055 לפנה״ס
הוא היה עם דויד בפס דמים והפלשתים נאספו שם למלחמה ותהי חלקת השדה מלאה שעורים והעם נסו מפני פלשתים׃
- 1 דִּבְרֵי הַיָּמִים י״א:י״דבערך 1055 לפנה״ס
ויתיצבו בתוך החלקה ויצילוה ויכו את פלשתים ויושע יהוה תשועה גדולה׃
- 1 דִּבְרֵי הַיָּמִים י״א:ט״ובערך 1055 לפנה״ס
וירדו שלושה מן השלושים ראש על הצר אל דויד אל מערת עדלם ומחנה פלשתים חנה בעמק רפאים׃
- 1 דִּבְרֵי הַיָּמִים י״א:ט״זבערך 1055 לפנה״ס
ודויד אז במצודה ונציב פלשתים אז בבית לחם׃