circa 1380–1050 BC

The Judges & Ruth

Israel cycles through rebellion, oppression, and rescue under charismatic leaders—culminating in Ruth's faithful love story.

703 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. שֹׁפְטִים י״ח:י״זבערך ת״ו לפנה״ס

    ויעלו חמשת האנשים ההלכים לרגל את הארץ באו שמה לקחו את הפסל ואת האפוד ואת התרפים ואת המסכה והכהן נצב פתח השער ושש מאות האיש החגור כלי המלחמה׃

  2. שֹׁפְטִים י״ח:י״חבערך ת״ו לפנה״ס

    ואלה באו בית מיכה ויקחו את פסל האפוד ואת התרפים ואת המסכה ויאמר אליהם הכהן מה אתם עשים׃

  3. שֹׁפְטִים י״ח:י״טבערך ת״ו לפנה״ס

    ויאמרו לו החרש שים ידך על פיך ולך עמנו והיה לנו לאב ולכהן הטוב היותך כהן לבית איש אחד או היותך כהן לשבט ולמשפחה בישראל׃

  4. שֹׁפְטִים י״ח:כ׳בערך ת״ו לפנה״ס

    וייטב לב הכהן ויקח את האפוד ואת התרפים ואת הפסל ויבא בקרב העם׃

  5. שֹׁפְטִים י״ח:כ״אבערך ת״ו לפנה״ס

    ויפנו וילכו וישימו את הטף ואת המקנה ואת הכבודה לפניהם׃

  6. שֹׁפְטִים י״ח:כ״בבערך ת״ו לפנה״ס

    המה הרחיקו מבית מיכה והאנשים אשר בבתים אשר עם בית מיכה נזעקו וידביקו את בני דן׃

  7. שֹׁפְטִים י״ח:כ״גבערך ת״ו לפנה״ס

    ויקראו אל בני דן ויסבו פניהם ויאמרו למיכה מה לך כי נזעקת׃

  8. שֹׁפְטִים י״ח:כ״דבערך ת״ו לפנה״ס

    ויאמר את אלהי אשר עשיתי לקחתם ואת הכהן ותלכו ומה לי עוד ומה זה תאמרו אלי מה לך׃

  9. שֹׁפְטִים י״ח:כ״הבערך ת״ו לפנה״ס

    ויאמרו אליו בני דן אל תשמע קולך עמנו פן יפגעו בכם אנשים מרי נפש ואספתה נפשך ונפש ביתך׃

  10. שֹׁפְטִים י״ח:כ״ובערך ת״ו לפנה״ס

    וילכו בני דן לדרכם וירא מיכה כי חזקים המה ממנו ויפן וישב אל ביתו׃

  11. שֹׁפְטִים י״ח:כ״זבערך ת״ו לפנה״ס

    והמה לקחו את אשר עשה מיכה ואת הכהן אשר היה לו ויבאו על ליש על עם שקט ובטח ויכו אותם לפי חרב ואת העיר שרפו באש׃

  12. שֹׁפְטִים י״ח:כ״חבערך ת״ו לפנה״ס

    ואין מציל כי רחוקה היא מצידון ודבר אין להם עם אדם והיא בעמק אשר לבית רחוב ויבנו את העיר וישבו בה׃

  13. שֹׁפְטִים י״ח:כ״טבערך ת״ו לפנה״ס

    ויקראו שם העיר דן בשם דן אביהם אשר יולד לישראל ואולם ליש שם העיר לראשנה׃

  14. שֹׁפְטִים י״ח:ל׳בערך ת״ו לפנה״ס

    ויקימו להם בני דן את הפסל ויהונתן בן גרשם בן מנשה הוא ובניו היו כהנים לשבט הדני עד יום גלות הארץ׃

  15. שֹׁפְטִים י״ח:ל״אבערך ת״ו לפנה״ס

    וישימו להם את פסל מיכה אשר עשה כל ימי היות בית האלהים בשלה׃

  16. שֹׁפְטִים י״ט:א׳בערך ת״ו לפנה״ס

    ¶ ויהי בימים ההם ומלך אין בישראל ויהי איש לוי גר בירכתי הר אפרים ויקח לו אשה פילגש מבית לחם יהודה׃

  17. שֹׁפְטִים י״ט:ב׳בערך ת״ו לפנה״ס

    ותזנה עליו פילגשו ותלך מאתו אל בית אביה אל בית לחם יהודה ותהי שם ימים ארבעה חדשים׃

  18. שֹׁפְטִים י״ט:ג׳בערך ת״ו לפנה״ס

    ויקם אישה וילך אחריה לדבר על לבה להשיבו ונערו עמו וצמד חמרים ותביאהו בית אביה ויראהו אבי הנערה וישמח לקראתו׃

  19. שֹׁפְטִים י״ט:ד׳בערך ת״ו לפנה״ס

    ויחזק בו חתנו אבי הנערה וישב אתו שלשת ימים ויאכלו וישתו וילינו שם׃

  20. שֹׁפְטִים י״ט:ה׳בערך ת״ו לפנה״ס

    ויהי ביום הרביעי וישכימו בבקר ויקם ללכת ויאמר אבי הנערה אל חתנו סעד לבך פת לחם ואחר תלכו׃

  21. שֹׁפְטִים י״ט:ו׳בערך ת״ו לפנה״ס

    וישבו ויאכלו שניהם יחדו וישתו ויאמר אבי הנערה אל האיש הואל נא ולין ויטב לבך׃

  22. שֹׁפְטִים י״ט:ז׳בערך ת״ו לפנה״ס

    ויקם האיש ללכת ויפצר בו חתנו וישב וילן שם׃

  23. שֹׁפְטִים י״ט:ח׳בערך ת״ו לפנה״ס

    וישכם בבקר ביום החמישי ללכת ויאמר אבי הנערה סעד נא לבבך והתמהמהו עד נטות היום ויאכלו שניהם׃

  24. שֹׁפְטִים י״ט:ט׳בערך ת״ו לפנה״ס

    ויקם האיש ללכת הוא ופילגשו ונערו ויאמר לו חתנו אבי הנערה הנה נא רפה היום לערב לינו נא הנה חנות היום לין פה וייטב לבבך והשכמתם מחר לדרככם והלכת לאהלך׃

  25. שֹׁפְטִים י״ט:י׳בערך ת״ו לפנה״ס

    ולא אבה האיש ללון ויקם וילך ויבא עד נכח יבוס היא ירושלם ועמו צמד חמורים חבושים ופילגשו עמו׃