circa 1380–1050 BC

The Judges & Ruth

Israel cycles through rebellion, oppression, and rescue under charismatic leaders—culminating in Ruth's faithful love story.

703 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. שֹׁפְטִים ט״ז:י״אבערך ת״כ לפנה״ס

    ויאמר אליה אם אסור יאסרוני בעבתים חדשים אשר לא נעשה בהם מלאכה וחליתי והייתי כאחד האדם׃

  2. שֹׁפְטִים ט״ז:י״בבערך ת״כ לפנה״ס

    ותקח דלילה עבתים חדשים ותאסרהו בהם ותאמר אליו פלשתים עליך שמשון והארב ישב בחדר וינתקם מעל זרעתיו כחוט׃

  3. שֹׁפְטִים ט״ז:י״גבערך ת״כ לפנה״ס

    ותאמר דלילה אל שמשון עד הנה התלת בי ותדבר אלי כזבים הגידה לי במה תאסר ויאמר אליה אם תארגי את שבע מחלפות ראשי עם המסכת׃

  4. שֹׁפְטִים ט״ז:י״דבערך ת״כ לפנה״ס

    ותתקע ביתד ותאמר אליו פלשתים עליך שמשון וייקץ משנתו ויסע את היתד הארג ואת המסכת׃

  5. שֹׁפְטִים ט״ז:ט״ובערך ת״כ לפנה״ס

    ותאמר אליו איך תאמר אהבתיך ולבך אין אתי זה שלש פעמים התלת בי ולא הגדת לי במה כחך גדול׃

  6. שֹׁפְטִים ט״ז:ט״זבערך ת״כ לפנה״ס

    ויהי כי הציקה לו בדבריה כל הימים ותאלצהו ותקצר נפשו למות׃

  7. שֹׁפְטִים ט״ז:י״זבערך ת״כ לפנה״ס

    ויגד לה את כל לבו ויאמר לה מורה לא עלה על ראשי כי נזיר אלהים אני מבטן אמי אם גלחתי וסר ממני כחי וחליתי והייתי ככל האדם׃

  8. שֹׁפְטִים ט״ז:י״חבערך ת״כ לפנה״ס

    ותרא דלילה כי הגיד לה את כל לבו ותשלח ותקרא לסרני פלשתים לאמר עלו הפעם כי הגיד לה את כל לבו ועלו אליה סרני פלשתים ויעלו הכסף בידם׃

  9. שֹׁפְטִים ט״ז:י״טבערך ת״כ לפנה״ס

    ותישנהו על ברכיה ותקרא לאיש ותגלח את שבע מחלפות ראשו ותחל לענותו ויסר כחו מעליו׃

  10. שֹׁפְטִים ט״ז:כ׳בערך ת״כ לפנה״ס

    ותאמר פלשתים עליך שמשון ויקץ משנתו ויאמר אצא כפעם בפעם ואנער והוא לא ידע כי יהוה סר מעליו׃

  11. שֹׁפְטִים ט״ז:כ״אבערך ת״כ לפנה״ס

    ויאחזוהו פלשתים וינקרו את עיניו ויורידו אותו עזתה ויאסרוהו בנחשתים ויהי טוחן בבית האסירים׃

  12. שֹׁפְטִים ט״ז:כ״בבערך ת״כ לפנה״ס

    ויחל שער ראשו לצמח כאשר גלח׃

  13. שֹׁפְטִים ט״ז:כ״גבערך ת״כ לפנה״ס

    וסרני פלשתים נאספו לזבח זבח גדול לדגון אלהיהם ולשמחה ויאמרו נתן אלהינו בידנו את שמשון אויבינו׃

  14. שֹׁפְטִים ט״ז:כ״דבערך ת״כ לפנה״ס

    ויראו אתו העם ויהללו את אלהיהם כי אמרו נתן אלהינו בידנו את אויבנו ואת מחריב ארצנו ואשר הרבה את חללינו׃

  15. שֹׁפְטִים ט״ז:כ״הבערך ת״כ לפנה״ס

    ויהי כי טוב לבם ויאמרו קראו לשמשון וישחק לנו ויקראו לשמשון מבית האסירים ויצחק לפניהם ויעמידו אותו בין העמודים׃

  16. שֹׁפְטִים ט״ז:כ״ובערך ת״כ לפנה״ס

    ויאמר שמשון אל הנער המחזיק בידו הניחה אותי והימשני את העמדים אשר הבית נכון עליהם ואשען עליהם׃

  17. שֹׁפְטִים ט״ז:כ״זבערך ת״כ לפנה״ס

    והבית מלא האנשים והנשים ושמה כל סרני פלשתים ועל הגג כשלשת אלפים איש ואשה הראים בשחוק שמשון׃

  18. שֹׁפְטִים ט״ז:כ״חבערך ת״כ לפנה״ס

    ויקרא שמשון אל יהוה ויאמר אדני יהוה זכרני נא וחזקני נא אך הפעם הזה האלהים ואנקמה נקם אחת משתי עיני מפלשתים׃

  19. שֹׁפְטִים ט״ז:כ״טבערך ת״כ לפנה״ס

    וילפת שמשון את שני עמודי התוך אשר הבית נכון עליהם ויסמך עליהם אחד בימינו ואחד בשמאלו׃

  20. שֹׁפְטִים ט״ז:ל׳בערך ת״כ לפנה״ס

    ויאמר שמשון תמות נפשי עם פלשתים ויט בכח ויפל הבית על הסרנים ועל כל העם אשר בו ויהיו המתים אשר המית במותו רבים מאשר המית בחייו׃

  21. שֹׁפְטִים ט״ז:ל״אבערך ת״כ לפנה״ס

    וירדו אחיו וכל בית אביהו וישאו אתו ויעלו ויקברו אותו בין צרעה ובין אשתאל בקבר מנוח אביו והוא שפט את ישראל עשרים שנה׃

  22. שֹׁפְטִים י״ז:א׳בערך תי״ט לפנה״ס

    ¶ ויהי איש מהר אפרים ושמו מיכיהו׃

  23. שֹׁפְטִים י״ז:ב׳בערך תי״ט לפנה״ס

    ויאמר לאמו אלף ומאה הכסף אשר לקח לך ואתי אלית וגם אמרת באזני הנה הכסף אתי אני לקחתיו ותאמר אמו ברוך בני ליהוה׃

  24. שֹׁפְטִים י״ז:ג׳בערך תי״ט לפנה״ס

    וישב את אלף ומאה הכסף לאמו ותאמר אמו הקדש הקדשתי את הכסף ליהוה מידי לבני לעשות פסל ומסכה ועתה אשיבנו לך׃

  25. שֹׁפְטִים י״ז:ד׳בערך תי״ט לפנה״ס

    וישב את הכסף לאמו ותקח אמו מאתים כסף ותתנהו לצורף ויעשהו פסל ומסכה ויהי בבית מיכיהו׃