circa 1380–1050 BC

The Judges & Ruth

Israel cycles through rebellion, oppression, and rescue under charismatic leaders—culminating in Ruth's faithful love story.

703 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. שֹׁפְטִים י״ד:א׳בערך תמ״א לפנה״ס

    ¶ וירד שמשון תמנתה וירא אשה בתמנתה מבנות פלשתים׃

  2. שֹׁפְטִים י״ד:ב׳בערך תמ״א לפנה״ס

    ויעל ויגד לאביו ולאמו ויאמר אשה ראיתי בתמנתה מבנות פלשתים ועתה קחו אותה לי לאשה׃

  3. שֹׁפְטִים י״ד:ג׳בערך תמ״א לפנה״ס

    ויאמר לו אביו ואמו האין בבנות אחיך ובכל עמי אשה כי אתה הולך לקחת אשה מפלשתים הערלים ויאמר שמשון אל אביו אותה קח לי כי היא ישרה בעיני׃

  4. שֹׁפְטִים י״ד:ד׳בערך תמ״א לפנה״ס

    ואביו ואמו לא ידעו כי מיהוה היא כי תאנה הוא מבקש מפלשתים ובעת ההיא פלשתים משלים בישראל׃

  5. שֹׁפְטִים י״ד:ה׳בערך תמ״א לפנה״ס

    וירד שמשון ואביו ואמו תמנתה ויבאו עד כרמי תמנתה והנה כפיר אריות שאג לקראתו׃

  6. שֹׁפְטִים י״ד:ו׳בערך תמ״א לפנה״ס

    ותצלח עליו רוח יהוה וישסעהו כשסע הגדי ומאומה אין בידו ולא הגיד לאביו ולאמו את אשר עשה׃

  7. שֹׁפְטִים י״ד:ז׳בערך תמ״א לפנה״ס

    וירד וידבר לאשה ותישר בעיני שמשון׃

  8. שֹׁפְטִים י״ד:ח׳בערך תמ״א לפנה״ס

    וישב מימים לקחתה ויסר לראות את מפלת האריה והנה עדת דבורים בגוית האריה ודבש׃

  9. שֹׁפְטִים י״ד:ט׳בערך תמ״א לפנה״ס

    וירדהו אל כפיו וילך הלוך ואכל וילך אל אביו ואל אמו ויתן להם ויאכלו ולא הגיד להם כי מגוית האריה רדה הדבש׃

  10. שֹׁפְטִים י״ד:י׳בערך תמ״א לפנה״ס

    וירד אביהו אל האשה ויעש שם שמשון משתה כי כן יעשו הבחורים׃

  11. שֹׁפְטִים י״ד:י״אבערך תמ״א לפנה״ס

    ויהי כראותם אותו ויקחו שלשים מרעים ויהיו אתו׃

  12. שֹׁפְטִים י״ד:י״בבערך תמ״א לפנה״ס

    ויאמר להם שמשון אחודה נא לכם חידה אם הגד תגידו אותה לי שבעת ימי המשתה ומצאתם ונתתי לכם שלשים סדינים ושלשים חלפת בגדים׃

  13. שֹׁפְטִים י״ד:י״גבערך תמ״א לפנה״ס

    ואם לא תוכלו להגיד לי ונתתם אתם לי שלשים סדינים ושלשים חליפות בגדים ויאמרו לו חודה חידתך ונשמענה׃

  14. שֹׁפְטִים י״ד:י״דבערך תמ״א לפנה״ס

    ויאמר להם מהאכל יצא מאכל ומעז יצא מתוק ולא יכלו להגיד החידה שלשת ימים׃

  15. שֹׁפְטִים י״ד:ט״ובערך תמ״א לפנה״ס

    ויהי ביום השביעי ויאמרו לאשת שמשון פתי את אישך ויגד לנו את החידה פן נשרף אותך ואת בית אביך באש הלירשנו קראתם לנו הלא׃

  16. שֹׁפְטִים י״ד:ט״זבערך תמ״א לפנה״ס

    ותבך אשת שמשון עליו ותאמר רק שנאתני ולא אהבתני החידה חדת לבני עמי ולי לא הגדתה ויאמר לה הנה לאבי ולאמי לא הגדתי ולך אגיד׃

  17. שֹׁפְטִים י״ד:י״זבערך תמ״א לפנה״ס

    ותבך עליו שבעת הימים אשר היה להם המשתה ויהי ביום השביעי ויגד לה כי הציקתהו ותגד החידה לבני עמה׃

  18. שֹׁפְטִים י״ד:י״חבערך תמ״א לפנה״ס

    ויאמרו לו אנשי העיר ביום השביעי בטרם יבא החרסה מה מתוק מדבש ומה עז מארי ויאמר להם לולא חרשתם בעגלתי לא מצאתם חידתי׃

  19. שֹׁפְטִים י״ד:י״טבערך תמ״א לפנה״ס

    ותצלח עליו רוח יהוה וירד אשקלון ויך מהם שלשים איש ויקח את חליצותם ויתן החליפות למגידי החידה ויחר אפו ויעל בית אביהו׃

  20. שֹׁפְטִים י״ד:כ׳בערך תמ״א לפנה״ס

    ותהי אשת שמשון למרעהו אשר רעה לו׃

  21. שֹׁפְטִים ט״ו:א׳בערך תמ״א לפנה״ס

    ¶ ויהי מימים בימי קציר חטים ויפקד שמשון את אשתו בגדי עזים ויאמר אבאה אל אשתי החדרה ולא נתנו אביה לבוא׃

  22. שֹׁפְטִים ט״ו:ב׳בערך תמ״א לפנה״ס

    ויאמר אביה אמר אמרתי כי שנא שנאתה ואתננה למרעך הלא אחתה הקטנה טובה ממנה תהי נא לך תחתיה׃

  23. שֹׁפְטִים ט״ו:ג׳בערך תמ״א לפנה״ס

    ויאמר להם שמשון נקיתי הפעם מפלשתים כי עשה אני עמם רעה׃

  24. שֹׁפְטִים ט״ו:ד׳בערך תמ״א לפנה״ס

    וילך שמשון וילכד שלש מאות שועלים ויקח לפדים ויפן זנב אל זנב וישם לפיד אחד בין שני הזנבות בתוך׃

  25. שֹׁפְטִים ט״ו:ה׳בערך תמ״א לפנה״ס

    ויבער אש בלפידים וישלח בקמות פלשתים ויבער מגדיש ועד קמה ועד כרם זית׃